Rommi 7:5 - BAIBEL (BSI)

⁵ Ninguno ningu timi lhoayelo xuache kelo Ayezah no axine gho apulou haputhu puzu niphi-mpi pepimheno akithipu mlaphe cheke.

Sümi Tiqhelimi Bible

⁵ Kughengu ningu no kughou ashi kükaqha qholo ache keno, ayeza vechewo minemighei keu xiné hakutho keu no ningu lolo mülà acheke, ikehu ningu ye akithipu xathi pithí acheke.

Sumi Naga CL (Re-edited) Bible (BSI)

⁵ Kughengu ningu no ashi lo xüche kelono Ayezah no ningu lolo axine lhoaye xukutho püzü akithipu xathi pithi peniye ningu phiau peitha cheke.

Rommi 7:5 Referans Kwoze

Ephesiami 2:3

Ghuthu lakhiye ningu kumtsu timi tipaqo toi ningu shi-aji pulouno minheqhikeu xapusu xucheke eno ningu phimpi akukumsuno minechekeu papecheke, ikehu timi kutamiqo toi ninguye alhoaye lono Alhou loghu sholukemi shicheke.

Galatiami 5:24

Khunoqono Khristo Jisu wu shiveakeno panonguye timi lhoayelo ngosukumla ngo minechekeu jeli kumtsu kros lono pithivae.

Galatiami 3:10

Tighenguno khunono Ayezah lo mlalo pipuakeu shilukeu pukhu acheni keno tipanoqoye Alhou no musu inivekeulo anie. Kughengu kuchoyesulo ishi pipuani. “Khunoqono Ayezah kakulo yepuku puakeu kumtsu pelumo eno tipaqo shimo nikeno tipanoye musuinikeulo ani!”

Rommi 6:13

Momu nongu phia-u axine kudau ikhipe tsughi kusakugha laghi lono peitha pekevilo. Ikemu akithi lono akuxulo saghivekemi kehu Alhou lau nongu kuxu ikhiphepe tsulo, eno nongu phia-u amikucho vehupu shi peitha penike ikhiphepe tsulo.

Rommi 6:21

Momu thime khipaqo ghenguno itehiye nonguye kujo ani keno tipaqo launo kiu kivipu sughitsu kya? Thime tipaqoye ashekhalo akithike.

1 John 3:4

Khunono axine shi cheni keno panoye Alhou yeh hekuxa kipimi shiani, kughengu axineye ayezah hekuxauke.

Kolosiami 3:5

Tighenguno nongu lolo ayeghilo minechekeu hu pithivelo, hipaqo toike: kiptimi totimi dolo mithekumo, kuchhube kutsula, ngosukumla, aghichikupo eno alakimine (kughengu alakimineye ajulho mllakeu ghola lakhike).

1 Kor. 15:56

Akithi ghuzakepu sahuye axine ke, eno axine kukaye Ayezahke.

James 4:1

Nongu gholo mutomushu keu ngo kichighikeuye kiulono ipeghi cheni kya? Tipaqoye nongu lolo ngosukumla phimpi sasu tamono kichighi keu lonoke kumo kesha?

James 1:15

Tileno pawu shinishi kutukeu lhoksano mishipuluve puzu axine punuqhi cheni; eno kughou axine chhikhoi thuwuveni keno akithipu sughi cheni.

Titus 3:3

Kughengu ghuthu lakhiloye ningu ampi ghi mbomzumi, aghelumokemi eno achipikumomi shi acheke. Eno ashiaji ghakiqipu ngo aghoapulou qemi shi acheke, phimokilekeu eno anhekushulo xuacheke, kutamino ni mithi eno nino kutami mithi cheke.

Ephesiami 2:11

Tighenguno nongu aji lono Judakumomi shiaghikeqo, aphimpilo achineyeh michi shipuake ghenguno, Judami aphighuyiko ghathakemino nongu pesu “aphighuyiko ghamokemi” ipi kuchekeqo, nonguye puzuuye kiutoi achekeno kumsululo.

Rommi 7:23

ikemu ayeh kutau lakhi iphimpilo akeu huno imlo alouno pulotsu akeu yezah sasu kichighi acheni. Ayezah tipauno ikughape iphimpilo axine yezah achekeu kughu shichenipe.

Rommi 6:23

Kughengu axine jumeye akithi ke, ikemu Alhou no niMpeu Jisu Khristo vechewo agho tsukeuye lhokta kuxu ani.

Rommi 6:19

Timi lhoaye lono nonguno tomo-chhimokeu akeu ghenguno niye inapugha tsa peitha-ghi piani. Ghuthu lakhilo nongu phi-mpi ikhipe tsupuzu mithekumo jeli eno kusakugha qeu shichepeke toi itehiye akimthe vehupu shipenike nongu phi-mpi achipikalu kepushi ikhipe tsulo.

Rommi 5:20

Axine shikeu kighishenike ghenguno Ayezah iloghi; ikemu khile axine shikeu kighisheni keno, Alhou no kupukini shishe alau shi kighishe tsue.

Rommi 4:15

Kughengu Ayezahno Alhou loghu saiqighi, ikemu khile ayezah kuha keno tile ayezah hebidekeu kuhae.

Rommi 3:20

Kughengu Ayezah vechewo timi pelo paye axine shivaepi ithipe cheni kethono, Ayezahlo shilo pi puakeu shilukeu lono timi khumu Alhou zulo achipi kalukeu shimlae.

Rommi 1:26

Hipaqo ghenguno Alhou no panoqo pesu akukujopu ngosukumlalo ikhiphepe tsuvae. Totimi thotsu alhoayeh lono aphimpi peithachekeu hu akumou ghusho ghililo peithauve.

John 3:6

Ashi lono kiu punu keno tiye ashie, eno Aghungu lono kiu punu keno tino Aghungue.

MATTHEW 15:19

Kughengu timi mlo lono alhoksa kukumsu ipeghi puzu ghiqhi chenipe, kutuqhakile chenipe, salha chenipe, puka chenipe, akimki shepe shichenipe eno kutami xishi chenipe.

2 Kor. 10:3

Kughengu ninguye ayeghilo xu anamu ayeghilo ghushi nanu xapusu aghu shichemoe.