Rommi 4:2 - BAIBEL (BSI)

² Kughengu Abraham ye pano mlaithakeu lono Alhou lau achipi kalupeke aye, paye qheza kulupu kiuana aghini cheke. Ikemu paye Alhou zulo qheza mlae.

Sümi Tiqhelimi Bible

² Kuchou lo ye Abraham no akümlà vechewo achipikalu püaghi aye, pa ye qhezakulupu kiuala anie—tishimu Alhou zülo ye qhezakulupu kühae.

Sumi Naga CL (Re-edited) Bible (BSI)

² Kughengu Abraham ye akümla lono achipikalu püaghi aye, pa ye Alhou zülo ye kumo kemu qhezalu kepu kiuala aghini cheke.

Rommi 4:2 Referans Kwoze

1 Kor. 1:31

Tighenguno kuchoyesulo yepuakeu toi, “Khunono qhezani keno Ampeu no kiu mlavetsu keno tipaulo qheza pelo.”

2 Kor. 11:30

Ino qheza kepushi aghi aye, ikutokumo kichepiye keulono qheza nani.

FILIPIAMI 3:9

eno pa gholo kuqhaluve niyeke. Ayezah papelukeu lono ilikhi iwu shilukeu mikucho pumono Khristo shou akupulu bekeu vechewo amikucho shilukeu anike, tiye Alhou launo ighikeu mikucho akupulu shou bepe akeuke.

Ephesiami 2:9

Hipaulo timi khumu qheza kepu kuhae kughengu akumla lono kumoke.

Galatiami 3:22

Ikemu kuchoyesulo pikeuno ayeghiqha kumtsu kuka axine no qhasupe ani, ikehu khunoqono pulu nikeno, Jisu Khristo pulubekeu lono tsunikeu shi piqhipuakeu gho hu ithulupe niyeke.

1 Kor. 9:16

Kughengu ino lokivipu tsa asheshuke ghenguno ikijivilopu kiumu akuzupu kuhae, kughengu tishi penike ahza itsu puanike. Ino lokivipu tsa pesu asheshumo aye ighenguno tiye kiutoi akuighupukela!

1 Kor. 1:29

Tighenguno Alhou zulo timi khumu qhezamla penike.

2 Kor. 5:12

Ninguye nilikhi ni sheqhe anike kumoe ikemu nongu pelo ni ghenguno akijivilo kepu akiqi kivi nongu tsu anike, tishianguno nongu pelo khunoqono timi ghushoghili jumo puzu aju-akoghe jupesu aqhekuza shi cheni keno tipaqo khochilelu peniyeke.

Rommi 15:17

Jisu Khristo sasu kuqhape akeulo, Alhou ghenguno mlakeulo niye akijivilo ani.

BOTHUBO 12:18

Ikelo Farao no Abram ku puzu pi, “Noye ishou hiye kiu shivetsu ani kya? Kushiye liye onipu kepi ivilo pimo kya?

2 Kor. 11:12

Ino itehi kiu shiani keno niye tipau shi anani, tishianguno khunoqono pano kumlalo qhezaghi nino shichekeu toi pano ghi shichenie pi pichekeu akiqi lakhimu kuhave penike ghengunoke.

1 Kor. 4:7

Khuno nongu pelo kutami nguno nonguye pakutakeu shipe kya? Nonguno akeu thwokha kumtsu Alhou launo ithuluke kumokesha? Tishemaye, nonguno ti ithulukeu shiaghi aye, tiye kumsagho lakhi kumo kehutoi nonguye kushiye qheza cheni kya?

EZEKEL 8:9

Pano ivilo pi, “Alou ilolo eno panonguno tilau kuchhube kutsula alhoksa shiakeulo jupukulo.”

JOSHUA 24:2

Joshua no timi kumtsu vilo pi, “AMPEU Israil Lhou no hi piniye anie, ‘Nopu asu ye Eufrati ghoki kukuu akeu ado jushuwa shivae eno kutau lhouqo mlla cheke. Apu asu gholo lakhiye Tera ke, Paye Abraham ngo Nahor noqo papuke.

BOTHUBO 12:20

Farao no pawu timiqo ahza tsupuzu tipaqo pelo Abram ngo pa nipu ngo eno kiu aghikeno kumtsu sasu tipa ghakhu lono puwuve.