Rommi 3:10 - BAIBEL (BSI)

¹⁰ Kuchoyesu lo ishi pipuakeu toi: Timi lakhimu amikucho shikemi kuhae,

Sümi Tiqhelimi Bible

¹⁰ Kughengu ishi yèpüani: “Amikuchomi lakhimu kühae, lakhimu kühae;

Sumi Naga CL (Re-edited) Bible (BSI)

¹⁰ ti ye ishi yepüakeu kiqi lonoe: “Khunomu amikucho kumoe, milakhimu kühae;

Rommi 3:10 Referans Kwoze

Rommi 3:23

Timi kumtsu axine shive eno Alhou no xalunikua lono putosuve.

JOB 15:14

Timiye kiu keno paye mithelu nani kya? Momu totimino punukemi kenokuu paye Alhou zulo amikucho shiluni kya?

JOB 25:4

Tishiaye timino Alhou zulo khile amikucho shiluni kya? Momu aza polono ighikemi gholo khuuno muqhamiqhiyi aghilu nani kya?

MATTHEW 15:19

Kughengu timi mlo lono alhoksa kukumsu ipeghi puzu ghiqhi chenipe, kutuqhakile chenipe, salha chenipe, puka chenipe, akimki shepe shichenipe eno kutami xishi chenipe.

JEREMIYA 17:9

‘Khuuno timi mlo ithikuthu luni kya? Tiye kutau kumtsu nguno pishikiqhiu ke; tiye vimo kutuke.

Titus 3:3

Kughengu ghuthu lakhiloye ningu ampi ghi mbomzumi, aghelumokemi eno achipikumomi shi acheke. Eno ashiaji ghakiqipu ngo aghoapulou qemi shi acheke, phimokilekeu eno anhekushulo xuacheke, kutamino ni mithi eno nino kutami mithi cheke.

Mark 10:18

Jisu no pa vilo iniju, “Noye kushiye ivilo akiviu ipi kya? Alhou likhi no akivi kethono timi khumu akivi kumoe.

1 Peter 1:16

Kughengu kuchoyesulo ishi yepuanike: “Niye akimthe ke ghenguno nongu ghi akimthe shilo.”

JOB 14:4

Khunomu mithekumo lono akimthe thime sapeghi mlae.

Rommi 3:4

Khilemu tishimo nani! Timi kumtsuno kimkimi shive namu Alhou ye kuchou shi ani putsae. Kuchoyesulo ishi pipuakeu toi: “Kughou nono atsa pini keno noye achipie pi piye masae, Kughou oshou kughathabeni keno noye tipaulo tolu masae.”

JOB 15:16

Timiye tinguno akimkheue, paye kuthakughapue eno alhoksae, timino azuye akeshi kusakugha ye achenie.

Piyeküsü 22:15

Ikemu aphughi nguno khalauye alhoksa kitiqevekeqo, kuduu shichekemiqo, salha shupukemi, ghikiqhimi, ajulho shisuno tipau mllakemi, akimki kimiye eno miki cheni keno tipaqono acheni.

Piyeküsü 21:8

Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”

ISAIAH 8:20

Nonguye panoqo vilo ishi khochilelo, “AMPEU no kiu pesu nongu shikapiye keno inilo! Tumumi tsa ini kevilo, panonguno nongu vilo kiu pinikeno tiye akivipu shimlake.”

Rommi 11:8

Kuchoyesulo yepuake toi, “Alhou no panoqo mlo eno akukumsu izuvulayivepe, eno ishi kutolo panongu pelo ithumlavepe eno panongu pelo chimlave peke.”

LESHELE 143:2

Ni oqeu pelo thaiqho thaiqi keu zulo ilopekevilo; kughengu timi lakhimu ozulo pimimokeu kuhae.

Rommi 3:11

Milakhimu ithikeu kuhae, milakhimu Alhou phukemi kuhae.