Rommi 2:9 - BAIBEL (BSI)

⁹ Alhoksa mlakemi ghenguno aghime kitikhi ngo amlo kughuju anani, atughushi Judami shou paghi eno Judakumomi ghi tipa shelo sholu nani.

Sümi Tiqhelimi Bible

⁹ Tilehi küsakügha shi chekemi timi jeli kümtsü ghenguno aküküpüna eno aghime kitikhi anani: atüghishi Jewmi ghenguno, eno tithiu no Jewkumomi ghenguno anani;

Sumi Naga CL (Re-edited) Bible (BSI)

⁹ Jewmi paghi eno Greekmi ghi, khunono alhoksa mla cheni keno kümtsü ghenguno aghime kitikhi eno kushuküqha anani,

Rommi 2:9 Referans Kwoze

1 Peter 4:17

Alhou kibolomi shou paghi kughathabe keu huthunikepu ghuloki ighivae; eno ningu lau paghino huthutughu shiani aye Alhou tsakiviu pulumovekemiye ashekhalo kiu kishive nani kya?

Rommi 1:16

Kughengu niye atsakiviu pikulha nikeulo kujo moe, hino pulu aghikeqo kumtsu xalunikeu Alhou kukake, atughushi Judami lau eno tithiuno Judakumomi lau ghi ighike.

EZEKEL 18:4

Timi kumtsu kuxuye iwuke, apuaza kuxu na atianuli kuxu pinamu iwuke. Timi khuuno axine shini keno timi tipauno thi nanike.

2 Thes. 1:6

Kughengu kiuno achipi keno Alhou ye tipau shi nani: khunono nongu ghimeqhi ani keno tipaqo ghime nanike,

Rommi 9:24

Ninguye pano kuluvekeqoke, tiye Judami gholo likhino kumoe ikemu Judakumomi gholono ghike.

Rommi 2:10

Ikemu akivi mlakemi lakhikhi ghenguno sheqhekepu ngo gihukepu ngo alokiqi ishi anani, atughushi Judamiqo shou paghi eno Judakumomi ghi tipa shelo sholu nani.

Apostolmi 3:26

Ikehu Alhou no pa qeu kishepe atughushi nongu lau puwuke, eno nongu lhoksa kugha lono saide sawo kumghatsuniyeke.

Luke 24:47

Eno paje lono xukidekeu, axine pevetsukeu sutsa ashiayeh kumtsu lau Jerusalem lono huthu tughu shino asheshu masae.

Kolosiami 3:11

Hipau kuxuloye Grikmi, Judami, aphighu yiko ghakeu, ghamokeu, ayekumthami, akupusho akuxulo achekemi, aquaxemi momu timi qechemokemi ipi kututa shiakepu kuhae, ikemu Khristo ye thwokhalo ke eno kumtsu gholo anie.

Galatiami 3:28

Ikehu Judami ngo Judakumomi dolo mu aquaxemi ngo kuqhopheve kemi dolo kiptimi ngo totimi dolo pinamu kutuqukeu kuhae, Khristo gholo kimepe akeu lono nongu kumtsu lakhie.

Rommi 10:12

Hiye kumtsu kihi ani, kughengu Judami ngo Judakumomi dolo kutuqukeu kumu kuhae, Ampeu hipauye kumtsu Mpeu ke eno pa phu ighi kemi kumtsu shou kupukunoshi kumghatsu cheni.

Apostolmi 28:28

Paul no highi pi, “Nonguno hi ithikepushi ani, tiye Alhou wu xakulupu tsakiviuye Judakumomi lau puwutsu ani. Panonguno initsu nani!”

Apostolmi 28:17

Atsala kuthu thiu Paul no tipa-a lo Judami sakiphemiqo kuhonike kukutsu. Panonguno kumqolu kelo Paul no panoqo vilo pi, “Athikuzu miqo! Niye nitimi shou momu nipu asu launo ithulukeu khuayeh shou kiumu mla puamo kemu, Jerusalem lono ikughape akughumi lakhi shivepe eno Rommi ulo suve tsue.

Apostolmi 26:20

Ikemu atughushi Damaska, Jerusalem, Judia ghakhu kumtsulo eno Judakumomi gholo ino asheshue. Panongu xine qhiveno Alhou lau xaideghi luve keu kumla mlape piyelo pi ino asheshue.

Apostolmi 20:21

Judami vilo ghi Grikmi vilo ghi ishi Alhou kudau xaide ighinikeu eno ningu mpeu Jisu shou pulube nikeu shepe thumuyishi pithie.

Apostolmi 13:26

“Abraham polo kughukomi ithikuzumi Israilmi. Judakumomi eno nongu Alhou sumsachekeqo, xakulupu sutsa hipau ningu lau puwuvetsu anie.

Apostolmi 11:18

Kughou panonguno hi chilukeno panonguno pipusa keu inaqhoive eno ishi Alhou sheqhe, “Tishiaye Alhou no Judakumomi pelo ghi xakidelu puzu akuxupu shilukepu dokivi tsuanie!”

MATTHEW 16:26

Timi lakhino ayeghi kuchopu pawu shiluve pinamu pa kuxu puwovekepu shive aye timi tipau ghenguno kiu ala shilu akya? momu timiye pa kuxu theli kiu tsulu kepu kya?

AMUS 3:2

“Ayeghiqhalo ashiayeh akemi gholo niye nongu likhi ithi eno tuchohijuke. Tighenguno nongu xineye akichiqhipuke eno tishi kehu tipau ghenguno niye nongu ghimeqhi masake.”

YEKIKITHI AKINIU 6:23

O AMPEU, kungugha lono chilutsuno oqeuqo phujuve tsulo. Pimivekemiqo akuzupu lono ghimelo eno khuno pimi puamo keno kichepheve tsulo.

LESHELE 32:10

Alhoksamiye shilusa nani, ikemu khunono AMPEU pukhu cheni keno pawu iqemokeu kikimiyeno susholu cheni.

AHOLE 11:23

Timi kivimino kiu lunishi keno tiye pulhapuju akiviu shiaghi cheni; kughou kixikilamino lunishi akeno ithuluveaye timi kumtsuno amlo ideve cheni.

EZEKEL 22:31

Tighenguno ino panoqo shou iloghu kighide lepuku nani, eno panonguno kiu mula puani keno tipaqo ghenguno niye ami toi panoqo kutsaleve nani.” Akughushu MPEU no pivae.

Rommi 8:35

Tishiaye khuno Khristo wu kikimiye lono ningu kughuxalu nani kya? Shiluksa-kitikhino keo, akijikusano keo, shikimighi keuno keo, akhu-amzuno keo, aqu-aghano keo, akuyighupu kiualano keo, momu ghiqhi-pithikeuno kya?