Rommi 2:7 - BAIBEL (BSI)

⁷ Khunoqono kheakulushi akivi kumla shi puzu sheqhekepu, agigihupu eno thive chemokeu phucheghini keno Alhou no lhokta kuxu tsu nani.

Sümi Tiqhelimi Bible

⁷ Khunoqo no tamo no akümlà kivi shikeu lono ajuküvü, agigihu eno khilemu thivemo nikeu phu cheni keno, Alhou no lhokta küxü tsü nani.

Sumi Naga CL (Re-edited) Bible (BSI)

⁷ khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

Rommi 2:7 Referans Kwoze

Luke 8:15

Ayeghi kivilo apiti vesu lukeuye khunoqono atsa chilu eno aghokulu ngo amlo kivi xapusu kutuuno ikhilu keu lono athi pithi peghilu cheni.

2 Tim. 1:10

ikemu niXakuluu Khristo Jisu ipeghikeu vechewo itehiye ningu lau tipau pephepiyevae. Kughengu Khristo no akithi kuka kishekhave tsuke eno Atsakiviu vechewo akuxupu eno tsu-mavemla keu kuvu sughitsuke.

1 Kor. 15:58

Tighenguno ino kimiye chekemi athikuzumiqo, mutotoi puthugholo, ithakevilo, kihikutha kuhano pulhapuju Ampeu kumla shialo, nonguno ithianike Ampeu kumla kiu shiani keno khilemu adou shivemoe.

Rommi 6:23

Kughengu axine jumeye akithi ke, ikemu Alhou no niMpeu Jisu Khristo vechewo agho tsukeuye lhokta kuxu ani.

Kolosiami 1:27

Kughengu Alhou kukughuye hike: pawu tuqhou pesu timiqo pithiniyeke, ike tiye Judakumomi kumtsu ghenguno kinikulupu eno akimthe jukuvupu shi tuqhou pano puakeu huke. Tuqhouye hike: Khristo ye nongu lolo ani, eno tipau kiqiye Alhou kimthe jukuvu kusaje nikeu lajupu anie.

Galatiami 6:9

Ikehu akivi kumla shinikeulo ninguye aghuthi suvemoni nolo, kughengu ninguno anhu thimono mla aye paghuloki lono xolu nani.

Rommi 8:18

Ino kiqikutoju keuye itodolo ninguno kiu aghime sholu ani keno tipauye akimthe-jukuvu ningu lau pephe piyeniye akeu sasu kiu lonomu kimghikulupu kuhae.

Rommi 2:10

Ikemu akivi mlakemi lakhikhi ghenguno sheqhekepu ngo gihukepu ngo alokiqi ishi anani, atughushi Judamiqo shou paghi eno Judakumomi ghi tipa shelo sholu nani.

LESHELE 37:3

AMPEU lau pukhukeu alo eno akivi mlalo; tishianguno ayeghilo xulu nani eno sushokulu anani.

LESHELE 27:14

AMPEU pukhulo, mutotoi alo eno amlo kuloghi shilo. Iye, AMPEU pukhulo.

1 John 2:25

Khristo no ningu tsunike piqhipua keu huye lhokta kuxuke.

Rommi 9:23

Tiye pano qhuivulayi keu hi ningu shou pa kimthe-jukuvu kinikulushi akeu pephepiye nike ghenguno ajukuvupu shi pano kutope qhie.

John 5:44

Nonguno lakhino lakhi sheqheni shi, ikemu Alhou ye pa likhino Alhou ke pa launo sheqhekeu nonguno phuju nishimoke, nonguye kishi puzu pululuni kya?

LESHELE 37:34

AMPEU lau kheakulu shilo eno pa la zusu wulo; eno pano opelo aki alu pighilu penike oxaqhe nani.

JOB 17:9

Tishimu, amikuchomino pa laghi phemoe eno khuno kuxu mithe anikeno mutokithe thuwu achenie.

IBRIMI 6:15

Ike Abraham ye kutuuno kheakulushi puzu Alhou no piqhive keu hu ithuluke.

IBRIMI 6:12

Nonguye khilemu kughuchove kepu kumoe ikemu khunoqono akupulu eno kheakulu shikeu vechewo Alhou no piqhipuakeu mheghi iyighilu keno tipaqo kimihi shipenishi ani.

EZEKEL 18:17

paye alhoksa ashinikeu suchileluve che, akighishe lunike punachemo momu ala luchemo. Paye iyezah pecheni eno ino ahza tsukeu papelu cheni. Paye papu xine ghenguno thimo nanike ikemu paye mutsuqheino xulu nanike.

MATTHEW 25:46

Panonguye alhoghimepulo puwuve nani, ikemu achipikalu chekeqoye lhokta kuxulo wu nani.”

Luke 21:19

Mutotoi tsuqupelo, kughengu ishikeu lono nolikhi no-xalu nani.”

John 4:36

Ghilelo huakeu timi huye ajume ithuluvae eno lhokta kuxu ghenguno athi pekutsu ani; tishianguno xusukeu ngo ghile huakeu pama kumtsa alovi kuqhanike.

1 Kor. 15:42

Kithimi xuchileputhu kelo ghi titoi nani. Alothi toi, ashikumoye tsumavekepushi qhove cheni, kughono ti xuputhuveni keno tsumave moae.

1 Kor. 15:50

Athikuzumiqo, ino piakeu kiqiye hike: ashi eno ahjiye Alhou yehkipe kusaje mla nani, momu tsu- mavekepuye tsu-mavemla kepu kusaje mlae.

Ephesiami 6:24

Thimlakeu kimiyekini lono ningu Mpeu Jisu Khristo kimiyechekemiqo shou Alhou wu kupukini apeniu.

1 Tim. 1:17

Lhokta Kukau thivemlakeu eno ithulu chemokeu Alhou ye pa likhikeu pa lau alhokupujulo agigihu eno akimthe jekipi shi achelo! Amen.

IBRIMI 2:7

Ado kitila ghenguno nono pa pesu kungumi nguno aqhokigheu shi lhoke, Akimthe jekipi ngo agigihupu pesu nono pa qhopipeke.