Rommi 2:4 - BAIBEL (BSI)

⁴ Momu noye Alhou no ivuilayi keu kije, kutu-ukulu eno kheakulu shikeu jukunathani kesha? Alhou no ivuilayi keu huye opelo pa lau xaideghilupeni yekepi noye mtha kesha?

Sümi Tiqhelimi Bible

⁴ Momu nongu ye Alhou’w küpüqhiyi keu hu kupukuno shi akeu ye nongu pelo amlo pebidelu pe nikeu ghenguno kepi vethamla no nongu ye paw küpüqhiyi keu, küsüqhikulu eno kheakulu thaigha cheni keshea?

Sumi Naga CL (Re-edited) Bible (BSI)

⁴ Ikeo no ye Paw ivüilai keu, kutuukulu eno kheakulu kupukuno shi akeu huye xaidekulu lalo o sawu nike ghengunoe pi mthano küthathai ani kea?

Rommi 2:4 Referans Kwoze

2 Peter 3:9

Timi khamino kumsukeuno Ampeu ye pano piqhive keulo asheshi auve cheni kughashi kemu paye tishimo nani. Ikemu paye nongu lau kheakulu shi anike, kughengu paye timi khuu pelomu puhavepe nishimoe, ikemu kumtsu pelo axine lono xakide ighivepe nishi ani.

ISAIAH 30:18

Ikeghi AMPEU ye nongu kimiyenike kheanike. Paye nongu shou amlo ighiqhiyinike kutope ani kughengu paye pulhapujulo kiuno achipi keno tipau shi achenike. Khunono AMPEU shou pukhube cheni keno tipanoye alokivipuke.

IPEKULU 34:6

Tithiu AMPEU no pa gizuuno hechesu wu eno ishi kuke. “Ni, AMPEU ye kimiye qhiyikeu eno kupukeu no chhitoi akeu Lhouke, mllalei axu ideve chemoe eno kikimiye ngo pukhukulu kutsasa piye chekeuke.

Ephesiami 1:18

Ino inikhu achekeuno nongu kukumsu yepuvutsu puzu kiu lajupulo pano nongu kulukeno tipau ithipeniyeke, Alhou timiqo gholo akimthe jukuvu mheghi kinikulushi akeu ithipeniyeke,

Ephesiami 2:7

Pano tipau shikeuye Khristo Jisu gholono pawu kupukini kutomo ningu lau kimiyekeu lono piyeniyeke.

Ephesiami 1:7

Khristo no aji pele thikeu gholono ningu xachilelukeu eno ningu xine pevetsukeu ani.

Rommi 3:25

Alhou no Jisu Khristo ikhiphepe tsukeuno pa kithino axine pevekulupu shipeniyeke, tiye timino pa lau akupulu bekeu vechewono hitoi shikeuye pano kishi timi pelo pa lau achipikalu kepu keno piyekeu ke. Kughengu wovekeu loye Alhou no kheakulushi timi xine juzuve tsucheke,

LESHELE 86:15

Ikemu O AMPEU, noye kupukini eno kimiyekini Lhou ke; alhokupujulo kutuukulu, kimiyekeu eno pukhukulupu.

2 Peter 3:15

Alhou no alokutsu pa tsukeu kiqi lono nino kimiyekile chekeu nithikuzuu Paul no nongu lau yesu tsupuwu keu toi niMpeu no kutuu tsu akeu huye nongu pelo xaluve peniye adokivi tsuani kepi kihiluvelo.

Rommi 11:33

Alhou wu kuakiniye kiutoi akumzapu kela! Pa lokutsu eno pa kighithiye kiutoi kuthokuzu kela! Pano kughathakeu khuno lhekide kudailu kepu eno pano khile kishi cheni kela khuno ithikuthu kulupu kya?

Rommi 11:22

Alhou ye kishi kimiyekini eno mughachhoi keno hileno ithi: iluqivekemiqo lau paye mughachhoi, ikemu nongu lau kimiyekeu ae, tsala nonguno pawu kimiyekinilo cheche aye ta, ikemu tikumoaye nongu ghi micheve nani.

LESHELE 86:5

Noye nilau akivipu eno ikhilukeu shiacheni, ovilo inikhukemi kumtsu lau iqemokeu kikimiyeno chhitoi anike.

LESHELE 78:38

Ikemu Alhou ye pawu timiqo kimiye kutuke. Pano panongu xine pevetsu eno panongu kutsa pinyivemoke. Ghuthu kutomo pa xukighide eno aloghu suchile pesu ngoveke.

Ephesiami 2:4

Ikemu Alhou kikimiye ye shishe kije kehu

YETSAPIU 8:11

Kushiye timino papashi heqhi buqhi cheni kya? Kughengu heqhi buqhi puaghikeulo mutazu shikighime keu kuhake.

2 Peter 3:3

Atughishi nonguno hipau ithikututa shimasae, ike ashekha tsalaloye timino alikhi ashi ajino ngosukumla papewuve puzu nongu thaigha nani,

1 Peter 3:20

Aghahwu hipaqoye puzuu Noha no ashukaki shiake ghulokilo Alhou no kutuu ghi khekeu panonguno agholumove kemiqoke. Timi aghulo likhi, panoqo kumtsu kelo mitache likhi azu lono xaluke.

1 Tim. 6:17

Ayeghi hipaulo kinimiqo vilo qheza kevilopi pilo momu kiu shiveniala mtha aphikeu kini shou pano lajupu bekevilo pilo ikemu alokiqipu shilupeniye thwokha kupukunoshi ningu tsuchekeu Alhou shou lajupu belo pilo.

FILIPIAMI 4:19

Eno iLhou no Khristo Jisu gholo kinikulushi akeu lono nongu vehupu kupukuno shitsu nani.

LESHELE 10:11

Kixikilami no pa mlolo ishi kumsu, “Alhou ye kumsumavae, paye pagi kusuluvae eno khilemu hi ithini chemoe!”

Piyeküsü 3:20

Julo, ino ahukikha phivilo puthughono kukhu cheni; khunono isutsa chiluno ahukikha khaqhini keno ino pa lau iloghini eno pa sasu kuchukusho shini.

1 Tim. 1:16

ikemu puthaputsano Alhou no hipau kiqi ghenguno ikimiyekutuke tishianguno ni axinemi gholo alhoksau lolo Khristo Jisu pelo pawu kutuukulu lukumkhashi piyelupeniyeke. Pano ipelo hithiu pa pulu lupuzu lhokta kuxu ithuluniye akeqo lau kichekipiye lakhi shipeniyeke.

Kolosiami 1:27

Kughengu Alhou kukughuye hike: pawu tuqhou pesu timiqo pithiniyeke, ike tiye Judakumomi kumtsu ghenguno kinikulupu eno akimthe jukuvupu shi tuqhou pano puakeu huke. Tuqhouye hike: Khristo ye nongu lolo ani, eno tipau kiqiye Alhou kimthe jukuvu kusaje nikeu lajupu anie.

Rommi 6:15

Tishi aye ninguye kiu pini kya? Ayezah qholo kumono Alhou wu kupukini qholo anike ghenguno axine shiani kesha? Tishimo thono!

Rommi 6:1

Tishiaye ninguye kiu pikepu ani kya? Alhou wu kupukini alau shipeni kehu ninguye axine shikithe akepukesha?

LESHELE 104:24

AMPEU, nono thime kutomo mlape puani! kiu lokutsu lono pano lhokelae! Ayeghiye owu lhoxuqono chhitoi ani.

Kolosiami 2:2

Tishianguno panongu mlo kuloghi shilupe, kimiyekinilo ghokumqolu eno ithikutolu keu lono sughiche keu kinikulu kumtsu alupeniyeke. Tishikeu lono panonguno Alhou wu tuqhou ti Khristo ithilu nani.

Ephesiami 3:16

Ike nongu lolo akeu ampi mutotoi penike, pa kimthe jukuvu kinikulushi akeu pesu pa Ghungu no akuka nongu tsupenike ino Alhou vilo khu ani,

Ephesiami 3:8

Niye Alhou timiqo gholo kumtsu nguno aku amighiu ke, ikeghi Khristo gholo kihikhamlakeu kini akeu Judakumomi vilo atsakiviu pikulha penike Alhou wu kupukini itsuke,

Rommi 10:12

Hiye kumtsu kihi ani, kughengu Judami ngo Judakumomi dolo kutuqukeu kumu kuhae, Ampeu hipauye kumtsu Mpeu ke eno pa phu ighi kemi kumtsu shou kupukunoshi kumghatsu cheni.

EZEKEL 16:63

Nono pimikeu jeli kumtsu ino peivetsu nani, ike noye tipaqo kumsu chilelu nani eno shishe kujo kelauno okichi ghi xukhomo nanike.” Akughushu MPEU no pivae.

JEREMIYA 7:10

Nonguye ino jumithikeu thime hipaqo shicheni eno tishi puzu igizulo, ichinekilo puthugho puzu, ‘Ninguye kiumu shimoe!’ ipi cheni.

AKIKIHI 14:18

‘Ni, AMPEU ye mulalei aloghu ideve chemo, kimiye keu kije pukhukulu shipiye cheni, axine eno hebidekeu kipimi qhivetsu chenike. Tishimu niye apuaza khunoqono axine shiveni keno panoqo tianuli tiqheli akuthuu lono abidiu kutolo aghime tsumono phevekeu shimo nani.’

JONAH 4:2

Pano ishi inikhu, “O AMPEU, ino nighakhu qhimphi lonomu noye hikithipu shi nani kepi piake kumo kesha? Tighenguno ino mutazu Tarshis lo poveniye pukaputsa! Noye kimiyekini eno kupukini Lhou kepi ino ithiake, pulhapujulo kheakulu, pulhapuju kimiyeqhiyikeu pulhapujulo okukumsu kilive cheni eno ghimeqhi chemoke.

HOSIYA 3:5

Tithiuno Israil lo akemiqono AMPEU panoqo Lhou lau eno panoqo kukau David laghami lau xaideghi kithe nani. Tithiuno panonguno AMPEU sumsa nani eno pa gho kivi ikhilu kepu shi nani.

LESHELE 31:19

Osumsa chekemi ghenguno thime kivi nono kikepuakeu huye kiutoi akumzapu kya? Opelo susholupekemi ghenguye nono akivipu shitsukeu timiqo gizulo ithulupe cheni.

EZEKEL 11:19

Ino amlo kithe eno akukumsu kithe panoqo tsu nani. Ino panoqo mlo atuqu toi kuthovi chekeu ikhisuwuve tsu nani eno aghokulupu mlo panoqo tsu nani.

2 Kor. 8:2

Panonguye akijikusa kitikhi sasu kusholue, ikeghi panongu lokiviye shishe kijeke eno panonguye kumlhomi shi anamu kupukunoshi pephetsuke.

2 Peter 1:11

Hitoi shikeu lono nongu pelo niMpeu eno ni Xakuluu Jisu Khristo wu alhokupuju yehkipelo ilokulupu kuka kumtsu pesu nongu tsu nanike.

Piyeküsü 2:21

Li pelo axine lono xaideghipe nike ino ado tsuke ikemu lino salhashupu chekeu lono xaideghi nishimoe.