Rommi 16:18 - BAIBEL (BSI)

¹⁸ Kughengu timi tishi chekemiqoye ningu Mpeu Khristo qe amoe, ikemu panongu kive likhi qe ani. Panonguno ghaghu tsa kuju pesu akukumsu ilaleikemiqo pishiqhi cheni.

Sümi Tiqhelimi Bible

¹⁸ Kughengu timi hitoi keqo ye ningu Mpeu Khristo qe anike kumoe, ikemu panongu ye pano likhi panow kuchu-kusho ghengu likhi kümsü cheni. Panongu ye atsa kümtsha eno akumou lono akishé tsü keu vechewo kumu mtha kemiqo kükümsü pishiqhive acheni.

Sumi Naga CL (Re-edited) Bible (BSI)

¹⁸ Kughengu titoi keqo ye ni Mpeu Khristo huthu amoe, ikemu pano kive kiqe ghenguno ke, pano ye jumghai shino alatsa pesü kivi-küsa mtha kemi pishiqhi cheni.

Rommi 16:18 Referans Kwoze

Kolosiami 2:4

Ino nongu vilo hi piani tishianguno khuu pelomu kichiletsa pikithi pesu nongu pishiqhi sawuve pemoniyeke.

FILIPIAMI 3:19

Panonguye ashekhalo kutsapiniyive nikeuke, panongu kive kichhipuno panongu lhou shi acheni eno panonguno kujokepu pesu akijivilo acheni eno panonguye hipau yeghilo nhemgha shou likhi kumsupuku acheni.

MATTHEW 7:15

“Kichile tungkupmi jukutomasa, panonguno ashouye bheri toi nongu lau ighi cheni, ikemu panongu loloye tungtugha yikusa toike.

1 Tim. 6:5

akukumsu lhoksami eno kuchou kuhavekeqo launo kighekile anikeu sughi cheni. Panonguno kumsuchekeuye achineyeh luanguno kinikulu shilu nani kepi cheni.

MICAH 3:5

Khunono tungkupmi ajume tsuno tipaqoye alokughuno shi anani kepi tungkupmino pipekeu huno iwu timiqo pishiqhivae, ikemu khunoqono ajume tsumo keno tipaqo vilo aghukishi pesu shikichi chenike. Tikithipu tungkupmiqo vilo AMPEU no piani,

2 Peter 2:3

Panonguno alamine kelauno akimikitsa pipuzu alla kighishelu nani. Khaghino panoqo shou kugha thabeve kepu shiakeu huye munuveake kumoe eno panoqo kutsavekepu shiakeu huye zuanike kumoe.

Jude 1:16

Timi hipaqoye muchhochekemi, akuxulo aghaqimlakemi, alhoksapulo ngosukumlalo xu acheni, pano likhi pano qhekuza tsa zalekemi, panolah phunike ghenguno alatsa timi vilo picheni.

2 Thes. 2:10

eno alhoksa pishikiqhi jeli kutomo pesu puhavenikemiqo shou shipiye nani kughengu panongu xaluve kepushi akeu kuchou hu ikhilumo eno kimiyemoe.

Jude 1:12

Timi hipaqono kujomono kumtsa tsuqukile chekeu huye nowu kuposhukulu ghulhulo tichetighepuke. Panonguye pano likhi pano heju auve ani. Panonguye khungkusu amulhuno fupe chekeuno tsutsughu sughichemo keu toike. Panonguye tuqu tsalalo axathi pithimokeu subo toike, akuhu lono nhuveno abo akuchopu thivekeu subo toike.

FILIPIAMI 2:21

Kughengu kumtsuno Jisu Khristo pulou kumono pututano pulokeu kumlalo likhi amlo tsuani.

Galatiami 1:10

Hitoi pikelo niye timi lopu phu ani kesha? Ikeo timi pelo ni ikhilupeniye shi ani kya? Itehi kuto ino timi pelo ni ikhilu peniye shi aghiaye niye Khristo qeu shikepu kumoe.

MATTHEW 24:24

Kughengu kichile Mesiya eno kichile tungkupumi ipeghi nani eno panonguno amchipu ngo akumzapu kumla shipe piye puzu, shikulupu shi aye kisheluvekemi ghi sakughuzu sawuve nikeu shi nani.

AHOLE 22:3

Alokutsumiye akupuna chekeu ithuluno tsughuve cheni ikemu kuthathayi kemiye tipaulo iloveno athiuno amlo kusa shicheni.

Kolosiami 3:24

Ampeu launo osaxu shighi nono amheghi ithulu nani kepi kumsululo. Kughengu nono qeakeu Ampeu kuchouye Khristo ke.

2 Kor. 4:2

Ninguye tuqhotugho kumla eno akukujopu kumla jeli kumtsu qhikhavae; ninguye muqumugha shi chemoe momu Alhou tsa suchighi chemoe, ikemu kuchou ghili pepheghi ninguye Alhou zulo xuacheni eno timi kumtsu kivikusa lokutsu zulo ninguno xu cheni.

2 Kor. 2:17

Ninguye kutami kutomono ame mulaleyikeu lhidi nhemgha peitha ake toi Alhou tsa peithakemiqo kumoe; ikemu Alhou no ningu puwukeu ghenguno, ninguye kuchou picheni, Alhou zulo Khristo qemi kehu ninguno picheni.

Rommi 16:19

Nonguno atsa kiviu gholukeu kumtsuno ithi ani, tishikehu nongu shou ilovi ani. Niye nongu pelo kiuno tiche-tighe kuhakeu akivi keno tipaulo alotsu penishi, ikemu kiuno alhoksa keno tipau kumomthakeu shipenishi.

John 12:26

Khuno iqe nishi keno paye ipape masae eno ino khile ani keno pa ghi tilehi igholo anani. Khuuno ihuthuni keno Ipuh no pa gihu nani.”

MATTHEW 24:11

Kichile tungkupmi kutomo ipeghi puzu timi kutomo sakughuzu sawuve nani.

MATTHEW 6:24

“Timi khumu ampiu kini quaxemi shimlae, kughengu paye lakhiye mithive puzu lakhiu kimiye nani; lakhi qhoqhu puzu lakhiu phimo nanie. Nongu ghi titoi Alhou ngo kuakini kuma kinikujo quaxeuye shimlae.

EZEKEL 13:19

Nonguno barli thi au kie lakhia kinia eno ashopa lakhia kinia ithuluni aye iwu timiqo gizu lono iphimo gihumo chenie. Nonguno timi thive kuzupu kumomi pithive cheni eno timi thive kuzupu timiqo puxupe qhive cheni. Ike nonguno iwu timiqo vilo akimki tsa picheni eno panonguye nongu pulu acheni.”

EZEKEL 13:16

Tiye tungkupmi khunoqono Jerusalem ye thwokha kumtsu vimono akeghi viani kepi piche keqoke.” Akughushu MPEU no pivae.

JEREMIYA 23:17

Ino kiu pikeno tipau initsumo kemiqo vilo panonguno piachekeuno tipanoqoye kumtsulo akivi shi anani kepi cheni. Panonguno hebide kuthovi ache kemiqo vilo kutsakungo keuno khilemu panoqo shou ikughimo nani kepi piachenike.”

AHOLE 14:15

Anikhamiye kiukiumu pulu wuve cheni; kumsukulumiye pano ikache wunikeu jukuto cheni.

AHOLE 8:5

Nonguye tekhoimphi kesha? tekhoikeu shikalulo. Nonguye nikha shi aphi kesha? aloputsululo.

LESHELE 119:130

Okukutsu chixechileyi pikeu lono akuvu tsucheni, mthakemi lau alokutsu sughi cheni.

LESHELE 19:7

AMPEU yezah ye kupukulayike, tino aghuthi puxutsu cheni. AMPEU no shilo pikeu yezah ye achipi, alokutsu kuhakemi pelo tsukhuilu chenipe.

YEKIKITHI AKINIU 18:5

Tighenguno Ahab no tunkupumi pano 400 kutolo kusaghipe eno panoqo vilo ishi iniju, “Niye wu puzu Ramot lewu kepu kemo kya?” Panoqono khochile pi, “Tipau lewulo, Alhou no tokulu otsu nanike.”

SAMUEL ATUGHIU 2:29

Tishiaye ino iwu timi qo launo aghakishi eno apulou kumllagho khukeu loghi kughuvu ghi anheshuuve keuye hiye kiu kya? Kushiye kya Eli, noye ni nguno alau onuliqo gihuveno pama pelono iwu timiqono imllaniye sughikeu aghakishi gho akiviu haha luuwuvepe kya?

Piyeküsü 1:1

Kaku hipauye Jisu Khristo no piyesukeuke. Alhou no piyesukeu hipau Khristo tsuke. tishianguno paikhavilo kiu shiveni cheni keno pa qemiqo lau piyepe niyeke. Khristo no kungumi puwuno pa qeu Johan vilo thime hipaqo kighithikilepeke.

Jude 1:1

Jisu Khristo qeu eno Jems thikuzuu Juda Alhou no kuluvekemi khunoqono Apu Alhou kikimiyelo acheni eno Jisu Khristo ghenguno susho pesu akemiqo lau yelu ani.

James 1:1

Alhou ngo Ampeu Jisu Khristo qeu Jems no ashiayeh chighikini Apanaghavekemi lau yehani. Petha tsu ani.

2 Kor. 11:3

Ikemu apighino muqumugha vesu puzu Eva pishiqhive ketoi nongu kukumsu ghi mutsumishei eno tsaqutsaleyi Khristo lau amlo tsuchekeu launo sakughuzuve nike ino msatsu ani.

MALAKI 1:10

Aqokitikhi MPEU no pi, “Nongu gholo khuala pelono achineki hukikha khave penishi anie, tishianguno nongu pelo imllakeu khachelo avehu kuhakeu mi kuyiqu pemo nike. Niye nongu jupe imlo qi amoe. Niye nonguno akumllagho ilau sughikeu ikhilutsumo nani.

SAMUEL AKINIU 15:6

Absalom ye Israilmi khuu khuumu akukau launo xakutha luniye ighikeu hitoi shiche kehu panongu kumtsuno pa gihukepu shiluve.

LESHELE 12:2

Panoqo kumtsu lakhino lakhi vilo akimki tsa pie; muqushe eno amlo kikinino lakhino lakhi pishiqhi cheni.

DANIEL 11:34

Tishi heqhi akelono panongu gholo sukemi akichiuno alakimine lono suapimu Alhou timiqono akukuphu kitila ithulu nani.

Rommi 14:18

Khunono hipau ghola lono Khristo qenikeno Alhou no ikhi kulupu eno timi lopu shi ani.