Rommi 15:2 - BAIBEL (BSI)

² Ningu lakhi khino akusami ghoapulou eno panoqo kivipu shitsu kepue, tishianguno akupululo pa xaqheputhuni kehu.

Sümi Tiqhelimi Bible

² Ningu kümtsü no ningu kisüghümiqo kivipu eno panoqo shiqhepuku nikeu ghenguno panongu pulou shitsü moayesa ke.

Sumi Naga CL (Re-edited) Bible (BSI)

² Ningu pütüta kisüghümi shiqhe kumtoni ke pa kivipu shi tsüni.

Rommi 15:2 Referans Kwoze

1 Kor. 10:24

Timi khumu pa kivipu phukepu kumoe, ikemu kutami kivipu phukepue.

Rommi 14:19

Tishiaye, kiu lono kulashilu eno lakhino lakhi shikumtolu cheni keno tipaqo hajuni nolo.

1 Kor. 10:33

Nighi ilikhi ikivipu phumo puzu ino thwokha shikeu kumtsulo kutami lokiqipu shinike pukaputsa cheni eno kutami kivipu shicheni, tishianguno panongu xalu penikehue.

1 Kor. 13:5

akuchhoma shichemo, aghukha shichemo, axuide chemo momu alhoksa hekutsu kiyipe puachemoe.

1 Kor. 10:23

“Thwokha kumtsu shilu nani thono” ipi picheni, ikemu thwokha kumtsu akivike kumoe. “Thwokha shilu nani thono ikemu thwokha kumtsuno xaqhelu chemoe.”

1 Kor. 14:3

Ikemu khuno tungkuputsa pi anikeno paye timi vilo pianike, tipaqo xaqhepuku cheni tipaqo mlo shikumto eno alokughunotsu cheni.

1 Kor. 14:26

Athikuzumiqo, tishiaye kishi kepu kya? Kughou nongu kuhoni keno khuu khunomu alekiphepu lakhi sughiluvi, kutsukepu lakhi sughiluvi, piyekusu lakhi sughiluvi, atsa kutau momu tipau pekidesukeu sughiluvi. Ikemu kumtsu akukuhou xaqhepuku kepu shimasake.

2 Kor. 12:19

Ishiake, itehi kutolo nonguno kumsukeuye ninguye nongu zulo nilikhi ningu shokhaniye pukaputsa ani kughashi ani kesha? Tishiamoe! Alhou zulono ke ninguye Khristo no ningu pelo kishi pipenishi keno titoi pianike, ino kimiyechekeqo ninguno mla ithakeu kumtsu nongu kuphunikeu ghengunoke.

2 Kor. 13:9

Kughono ninguno tomo chhimomu nonguno mutotoi aghi aye tino ningu lokivike. Ikehu ninguno inikhu akeuye nongu pelo kupukulu shilupeniyeke.

Ephesiami 4:12

Tishikeu lono Khristo phimpi shiqhe apeniye Alhou no akumlami sukusu shipe qhitsuke.

Ephesiami 4:29

Shipusakile kepu tsa nongu kichi lono piphe kevilo, ikemu pikuzupu eno xaqhekulupu akivi likhi pilo, tishianguno otsa iniakemi pelo kumghakeu ithulupenike.