Rommi 12:3 - BAIBEL (BSI)

³ Kughengu Alhou wu kupukini itsukeu vechewo ino nongu kumtsu vilo hi pi ani: Nongu khumu alikhi akughapesu qhemghai kumsukepu kumoe, ikemu pututano aghibiu lono kumsukepu, Alhou no akupulu lakhikhi tsupuakeu qhemi lono pututa likhi pututa shou xathabeluve kepue.

Sümi Tiqhelimi Bible

³ Küpükini I tsüpüa keu vechewo I no nongu kümtsü vilo hi piani: Nongu ye nongu likhi nongu pesü ighono qhemghai kümsü kepu kumoe, ikemu nongu ye Alhou no aküpülü nongu kümtsü tsüpüa keu vechewo aghibiu xakütha lono nongu likhi nongu ghili kümsüju moayesa.

Sumi Naga CL (Re-edited) Bible (BSI)

³ Kughengu Alhouw küpükini I tsükeu vecheo I no nongu lakhikhi vilo pi anike khumu aqü kiyeve ghi ampi pesü qhemghai kümsü kepu kumoe, ikemu tsükhüi shino Alhou no pütüta küpülü qhemi lono akümlapu piche keu vethalu kepue.

Rommi 12:3 Referans Kwoze

Galatiami 6:3

Kughengu timi khuno paye kuchou loye kiumu kumoamu kiuala kepi kumsuaghi aye paye pa likhi pa pishiqhi anike.

AHOLE 26:12

Timi khuuno paye alokutsumi kumoamu paye alokutsumi kepi pukha aghini keno kughuzumiu no pa nguno akiviuke.

1 Peter 5:5

Titoi nongu lhothemiye kichimi qhoqhulo. Nongu kumtsuno lakhino lakhi lau qekile nike akumtsha kughuvu pepulo, kughengu pipuakeu toi, “Alhou no qhezakemi lakhave cheni, ikemu akumtshami lau kukumgha tsu cheni.”

Rommi 12:16

Kumtsu sasu kuloni kughuvuyi xulo, qheza-laki kevilo, ikemu aqhokighepu kumlapu saje ikhilulo; eno khilemu olikhi noye alokutsumi kepi kumsu kevilo.

1 Peter 5:8

Tsukhuyi shialo eno kutokupuyilo! Nongu ghumi Tughami ye abongushuno igha iqhoiqi akeshi itsu cheni, tiye khuu khumu tsuqhiluve nike ju cheni.

YETSAPIU 7:16

Ikehu, ihulo akivipu shike vilo momu ihulo alotsu kevilo; noye kushiye olikhi okutsave anikya?

1 Peter 4:7

Ikemu thwokha kishekha nikeu kupunuvae; tighenguno nonguye akukhu kighini shilukepushi alikhi ampi ghasulu eno tsukhuyi shilo.

James 4:6

Ikemu Alhou no kupukini tsukeuye tinguno alauke. Tighenguno kuchoyesulo ishi pipuani, “Alhou no aqhekuzami lakhave cheni ikemu mtshaivukemi lau kupukini tsu cheni.”

1 Peter 4:11

Khunono asheshu cheni keno paye Alhou tsa pesu asheshulo, khunono kutami qe cheni keno paye Alhou no tsukeu kumto pesu qelo, tishianguno thwokhalo Jisu Khristo vechewo Alhou kimthe jekipipu shilupenike. Alhokupuju lono alhokupuju kutolo akimthe jukuvu eno ayehkipeqhaye pawuke. Amen.

MICAH 6:8

Moe, kiuno akivipu keno AMPEU no nivilo pivae. Pano ningu lau lunishi akeuye hike: kiuno achipi keno tipau shinikeu lhokta kikimiye piyenikeu, eno ni Lhou sasu aqhokigheu lono kuposhupe xu acheni keuke.

1 Kor. 7:17

Tishiepimu, pututano Ampeu no kumsagho pa tsu keu kiqi lono pa kuxu xulo eno Alhou no kiulo pa kuluve akeno tipaulo xulo. Niye hipau pesu akukuhou kumtsulo pepimhekeu-yeh shi acheni.

Titus 2:12

Tino ningu vilo Alhou sumokeu kuxu ngo ayeghilomino minechekeu pheveno hipa yeghilo iqu-ighayi keu ngo mutsumisheyi keu eno Alhou lau amlo tsukeu kuxu xulepi ningu kutsupiye cheni,

Titus 2:2

Muchomi shivekeqo vilo pano kupululo, kimiyekinilo eno kutuu kululo iquneyishi, tsaqutsaleyishi eno alikhiahakhalu ishilopi nono panongu vilo pilo.

2 Kor. 12:7

Piyekusu akumzapu jeli ipiyekeu pesu ino qhezauve nosake launo iphi ashilo akusupu lakhi supuatsue, tino Satan ghinimi lakhike eno tino iheqhipeniye eno ipelo ihulo qheza pemoniyeke.

Rommi 11:20

Tiye kuchoue. Panonguno icheiqivekeuye pulumo keghenguno ikemu nono tishilu kehu akupulu likhi vechewono ke. Ikehu qheza akepu kumono ighuqhiyi akepue.

Rommi 1:5

Pa vechewo Alhou no ningu pesu apostolmi shitsuke.

1 Peter 1:13

Tighenguno nongu kukumsu kutokugho shilulo, tsukhuyilo, nongu wu lajupuye akuchopu Jisu Khristo pephepiye kelo Alhou kukumgha nongu lau tsuniye akeu shou belo.

Titus 2:4

tishianguno topulhothemi sapheputhu pesu pututa kimi ngo atianuli kimiyelupe,

1 Kor. 15:10

Ikemu Alhou kupukini lono niye kiukeno tike, eno pa kupukini ilau tsukeu huye adou shivepemoe, tike kumo puzu, niye apostolmi kutami nguno alau ghichhe ghime kumla shi cheni, kuchouno ino shilu anike kumo puzu Alhou kupukini igholo akeu huno shilu anipeke.

John 3:34

Alhou no khuu puwukeno pano Alhou tsa pesu pitsu, kughengu Alhou no pa Ghungu kupukunoshi pesu pa tsuke.

Ephesiami 4:16

Pa launo aphimpi kuchopu kimepe eno tsughakuqha pesu ani eno anhu tsupuakeu huno aphimpi kuchopu kimelu anipeke. Kughou aphiau lakhi khilo kiu shikepu keno shiaghiaye kimiyekeu vechewo aphimpi kuchopu thuwulu cheni eno xaqhepukulu cheni.

Luke 18:11

Farisimi huno pa kutashi puthughono ishi inikhu: ‘Alhou, ino oshikimthi akeuye kutami hutoi niye suxakulumi, kusakughami, salhashupumi kumoe. Momu zahme kuqhami hupau toi moe.

Titus 2:6

Tihutoi apumi shiakeqo vilo alikhi aghasulopi hakitelo.

1 Tim. 2:15

Tishiepimu totimino aghibiu lono akupulu, kikimiye eno akimthepushi xuaye panonguye atianuli akeu vechewo xakulupu shi nani.

1 Tim. 2:9

Niye totimi pelo ghi pano phimini aghibiu eno akuzupu-u shipenishi eno kithikiyi pepu penishike. Panonguye ajelishi asa pilipu,shunano shikeu chi,achiku,amekusho phimini pepu penishi moe,

1 Tim. 1:14

Jisu Khristo gholo xukimepe akeu vechewo akupulu ngo kikimiye ningu wu khikhi ani keno tipau gholono niMpeu kupukini shishe ishou lepuku tsuke.

Ephesiami 3:4

Ino kiu yeveakeno tipau nonguno phiju aye, Khristo wu tuqhou kukughu ino jupililu akeu nonguno ithikutolu nani.

2 Kor. 12:13

Nongu vilo ikuphulo ipimovekeu ghenguno kumo aye, niye kiu lono akukuhou kutau nguno alhoksau shi nongu peitha puani kya? Hino achipikumove ake ikipimi pevetsulo.

1 Kor. 3:10

Alhou no kupukini itsukeu peitha puzu aki kishimi shitsami lakhi toi shieno ino aboqha hu qhawoke, ikemu kutamino tipau shou shipuku ani. Pututano paye tipau shou kishi shipuku nikeno jukutokupuyi masakeu ani.

Rommi 11:25

Ithikuzumiqo Alhou wu tuqhou kukughu lakhi anike ino nongu pelo ithipenishi ani, nonguno nongu lokutsu alotsuh shipeuve nosake. Tiye hi kene; Israilmi shou amlo hekikekeu ikughi akeuye Judakumomi khije Alhou lau ighikepushi ani keno tipaqo ighikupu mphi kutolo likhike.

AHOLE 25:27

Akhingozu chilokeuye oghenguno alomoe, ike chilo sheqhekeu pukaputsa phukeuye tihutoike.

3 John 1:9

Ino ikhonheyikeu yesu lakhi akukuhou lau yepuwuke, ikemu Diotrefa no panongu sakipheu shinishi chekeu huno ino pikeulo kumsu kutojutsumoe.

Kolosiami 2:13

Nongu xine ghenguno ngo Judakumomi aphighu yiko ghamokeqoye Alhou kudauye thi acheke, ikemu itehiye Alhou no Khristo gholono nongu puxuvetsuae. Alhou no ninguno hekibide xine shivekeu kumtsu pevetsuae.

Kolosiami 1:29

Hi shiluniaye, Khristo no tsukeu kumto kuka ilolo shishe hakitetsu akeu peitha puzu ino pukaputsa ghichheghime shi acheni.

Ephesiami 3:2

Nongu kivipu shipenike Alhou no pawu kupukini itsukeu nonguye chiluve aghiniake,

2 Kor. 10:13

Ikemu ninguye kihithapuakeu nguno alauye qhezani chemoe; tiye Alhou no kihitha pesu ningu kophepuatsu keu kumlapu kuto dolo likhi ananike, eno tiye nongu Korinthiami gholo mlakeu ghi kihikuqha anike.

FILIPIAMI 2:13

kughengu Alhou zukuvupu akivi mlalupeni eno pulolupe nike ghenguno Alhou no nongu lolo mla acheni.