Rommi 12:2 - BAIBEL (BSI)

² Hipa yeghilomi ghola hakevilo ikemu nongu kukumsu shikithelukeu vechewo nongu lolo pekililulo. Tishiluaye Alhou pulouye kiuno akivipu, kiuno pano ikhilu kuzupu eno kupukulu keno nonguno ithi kututa shilu nani.

Sümi Tiqhelimi Bible

² Hipau yeghilomi ghola ha kevilo, ikemu nongu kükümsü shikithelu keu vechewo nongu lolo pekililu lo. Tishilu aye Alhou pulou ye kiu keno nongu no tipaqo kimchilu eno ithikütüta shilu nani. Alhou pulou ye akivipu, ikhilu küzüpu eno kupukülai ke.

Sumi Naga CL (Re-edited) Bible (BSI)

² Hipa yeghi xüghola sasü kimshive kevi, ikemu nongu kükümsü püxü kithelu keu vecheo aküxü pekili lulo, tishianguno nongu no chhejuke lono kiu no Alhou lopu, kiu no akivi, ikhikulupu eno kupukülai keno kimchilu nani.

Rommi 12:2 Referans Kwoze

1 Peter 1:14

Aghokulumi shiluvelo eno nonguno puzuu ayekumthalo achekelo ngosukumla gholalo nongu kuxu pepimhe kevilo.

2 Kor. 5:17

Tighenguno timi khuu khumu Khristo gholo xukimeluve aye paye lhoxu kithe lakhi shivae, aqau woveno akitheu ighivae.

Kolosiami 3:10

Hiye pa lhokusuu Alhou no pa ghili ithiluve peniye tamono pa ngulho kimihi lono shikithetsu acheni.

Ephesiami 5:17

Tighenguno mbomuzumi shi akevilo ikemu Ampeu no nongu pelo kiu shipenishi anikeno ithikutolulo.

EZEKEL 36:26

Ino amlo kithe eno akukumsu kithe nongu tsu nani.

1 Peter 4:2

Tishianguno ayeghilo kuxu hipau xuake thaqhulo ashiajino ngosukumla lono xumono Alhou pulou lono xuwuveniyeke.

Rommi 12:1

Ikehu ithikuzumiqo, Alhou wu qhuivulayi keu kutomo ningu lau akeu vechewono ino nongu vilo hi qhuiniju ani: Nongu phi-mpi pesu Alhou lau akuxuno mllakeugho shi-ghi qhitsulo, pa kumlapulo akimtheshi peitha penike eno pano ikhilu kuzupushi tsulo. Hino kuchou shi nonguno mlla kepue.

John 15:19

Nonguno ayeghiqha laumi keaye, ayeghiqhano pano laumi kimiyeni cheke. Ikemu ayeghiqha launo ino nongu kishelu eno nonguye tipau laumi kumoe, tighenguno ayeghiqhano nongu mithi cheni.

LESHELE 51:10

Kikhikighi mlo ilolo lhophe tsulo, O Alhou, akitheu eno ophe monikeu nguagha ilolo sutsulo.

Rommi 13:14

Ikemu Ampeu Jisu Khristo pesu nongu ghunanu shi pepulo eno ashi- ahji lhoaye huno aghapiqilu nishi kutu keulo amlo tsukevelo.

Titus 3:5

pano ningu xalue, tiye ninguno akumla kivi kiwala shiluke ghenguno kumoe, ikemu pa ampino kimiyekini kehu lhokikithe shi qhukimithe keu vechewo eno Aghungu Kimthe no akuxu kithe shitsukeu vechewo pano ningu xalue.

James 4:4

Pukhukilemla keu lhoxuqo! ayeghi sasu ashou shichekemiye Alhou ghumikepi nonguye mtha kesha? Tighenguno khunono ayeghi sasu ashou shinishi keno paye pa pesu Alhou ghumi shianie.

2 Kor. 4:4

Panongu ghenguye hipau yeghilo tughakusano akukumsu sakughuzuve tsuke, tishianguno panongu pelo Alhou ngulho kimihiu Khristo kimthe jukuvu ghili atsakiviu launo akuvu ighichekeulo jupukulu pemoniyeke.

John 17:14

Ino otsa panoqo tsuke eno ayeghi laumino panoqo mithi, kughengu ino ayeghi laumi kumo kehu toi panonguye ayeghi laumi kumoe.

2 Peter 1:4

Hitoi shipuzu pano piqhive keu amekusho eno akughupu kumsagho pesu ningu tsuvae, tishianguno kumsagho hipaqo peitha puzu ayeghiqhalo ngosukumla no shikupsa akeu launo nonguye puluvepe niyeke, eno Alhou lhoayeh kusajelupe niyeke.

James 1:27

Apu Alhou zulo mutsumisheyi keu eno tukutiye kuhakeu chineyehye hike: mighimugha chikamujo keu, chimemino aghimeshi akelo tuchoheju keu eno ayeghilomi pelo pa kitiqeve pemono ngo lukeu huno achineyeh kuchouke.

EZEKEL 18:31

Nonguno alhoksa shiakeu kumtsu phevelo eno nonguye amlo kithe akukumsu kithe pululo. Israilmiqo, nonguye kushiye thiani kya?

LESHELE 34:8

AMPEU ye kiutoi akivi keno olikhi nono julo; khunono pa ijehluni keno pano lokivipue!

1 John 3:13

Athikuzumiqo, tishiaye ayeghilomi no nongu mithikeulo nonguye akumzaqhiyi kevilo.

1 Thes. 4:3

Kughengu Alhou pulouye nongu shikimthe apenishi ike nonguye kiptimi totimi dolo mithemokeu lono suchileluvelo.

1 John 5:19

Nino ithi akeuno ayeghiqha kumtsuno Alhoksau kuka qholo ani, ikemu ninguye Alhou laumike.

Ephesiami 1:18

Ino inikhu achekeuno nongu kukumsu yepuvutsu puzu kiu lajupulo pano nongu kulukeno tipau ithipeniyeke, Alhou timiqo gholo akimthe jukuvu mheghi kinikulushi akeu ithipeniyeke,

2 Peter 2:20

Kughengu timino niMpeu eno niXakuluu Jisu Khristo ithikeu kighithi vechewo ayeghilo shikupusaqo launo pokaipeluve kethiu panonguye tipaqo lono itaghi kuptshuluve eno panoqo shou heqaluve aye, timi tipaqoye atughulo kiutoi achekeno tipau nguno ashekha launo alhoksa kuchoulo auvae.

Ephesiami 2:2

Tipa ghulokilo nonguye ayeghiqhalo kusakugha laghi papeche; eno amulhulo aghahwu kukaqo jeli shou ayehpeu hu papeche, tiye Alhou gholumokemi qhasupe achekeu ghahwu huke.

LESHELE 119:174

Nono xalukeu kukuphu khitohi ino khe acheni kya? O AMPEU! niye oyezahlo alokivi phuluke,

Galatiami 1:4

Khristo no kixikila tiqheli xine lono ningu xapheluniaye pa mpi pesu tsuve, tiye ningu Lhou eno Apu pulou lonoke.

1 Kor. 3:19

Kughengu hipa yeghilomino kiu pesu asuqe kighithi kepi picheni keno Alhou zulo tiye mbomzuke. Tiye kuchoyesulo ishi yepuake toi, “Alhou no alokutsumiqo panoqo muqukini lono meluve cheni”

LESHELE 119:128

ikehu niye okukutsu kumtsu papelu cheni; niye alakumo kumtsu mithike.

Rommi 7:22

Ilikhi imlo alouye Alhou yezah lo izukuvu ani,

LESHELE 119:97

Niye oyezah shishe kimiye cheni! Atsala kupujulo niye tipau kumsu acheni.

LESHELE 119:72

Ayezah nono itsukeu huye ayeghiqhalo pisa akeu kumtsu nguno amekuauke.

John 7:7

Ayeghilomiye nongu mithi mlae ikemu imthi cheni, kughengu tipaqo kumla lhoksa ghili ino pitsu achenike.

IPEKULU 23:2

Aqo akichiu shi aghinamu panoqono akumou shi aghi aye tipaqo papewu kevilo momu kuchou xakutha suchighiveni keulo ashepe shitsu kevilo;

Piyeküsü 13:8

Ghiqhivekeu Bheriti wu akuxupu kakulo aje yepuku puaghi kemi nguno alauye ayeghi lhophe kelono acheghi kemi kumtsu tughashi hu mlla nani.

1 Peter 2:3

Kughengu kuchoyesulo pikeutoi, “Ampeu no kimiyekeu nonguye puju-shijuno phuluvae.”

LESHELE 119:103

Okukutsu michekuluye kiutoi ngoyini kya? tiye akhingozu nguno ngoyinike!

Rommi 7:12

Ayezah kutsuye akimthe, achipi eno akivi.

Kolosiami 4:12

Nongu gholomi, Khristo Jisu qeu Epafra no petha tsupuwu ani. Pa kighinilo pulhapuju amlo tsuqhiyi nongu kumsulu acheni, tishianguno nongu pelo Alhou pulou kumtsulo mutotoi puthugholupeni, tekhoyi shilu peni eno mutsuqheyi shikutolu peniyeke.

1 Peter 1:18

Kughengu nonguye apuasuqo launo adou laghi pepimhe susu cheghikeu lono amekusho kiu tsu puzu nongu xaphelu keno nonguno ithi ani. Tiye hauvekepu thime shunayi momu tsandiyino kumoe,

John 14:30

Niye nongu sasu kushuwa kuptsalumae kughengu hipa yeghiqha shou ayehkipeu cheae. Paye ishou akuka kiumu kuhae,

Rommi 7:14

Ayezah ye alokutsu kepi ninguno ithi ani, ikemu niye thive nikuau timike eno axine quaxemi shipeniye jesuvekemi.

Piyeküsü 12:9

Dragon akijeu, ikiqive keu huye khaghi apighi khuu vilo tughami Satan ipi chekeu eno ayeghilomi pishikiqhiu huke. Pa eno pawu kungumi kumtsu pa gholono ayeghilo vepiqive.

EZRA 10:11

Tishiaye itehi nonguno AMPEU nongu Lhou zulo axine piphevelo eno pa pulou shilo tipau yeghilomi launo kututa shivelo eno inaghalimi sasu ixavelo.”

MATTHEW 13:22

Asahu gholo apiti vesulukeu huye khunoqono asutsa chilu ikemu hipa kuxu ghili kumsu eno akini kupu keuno asutsa hu ghusuvepe ishi kemiqo, eno panonguye athi pithimove cheni.

Mark 4:19

ikemu ayeghilo kuxu kumsupe kutakihikeu eno akini ju aghichipokeu eno kutau thwokha minekeuno iloghive puzu Atsa hu ghusuve cheni eno athi pithipemove cheni.

Kolosiami 1:9

Ikehu ninguno tipau chiluke tsala lono ningu ghi tamono nongu ghenguno inikhutsu ani. Alhou pulou kighithi eno tipau ithikuthulu kepushi Aghungu no tsukeu lokutsu pesu nongu lolo sutsupe nike ninguno inikhutsu anike.