Rommi 11:2 - BAIBEL (BSI)

² Alhou ye inahuuno pano kisheluvekemi peve mphie. Kuchoyesulo Elija no Israilmi shou Alhou vilo qhuinijukeu kiu pipuani keno nonguno ithi ani:

Sümi Tiqhelimi Bible

² Alhou ye azüu no paw timi ithi pe ache kemiqo milivemoe. Kuchoyesü lo Elijah ghili kiu pipüani keno nongu ye mtha keshea. Pa ye Alhou lau Israelmi ghenguno muchho ghi ishi pike:

Sumi Naga CL (Re-edited) Bible (BSI)

² Alhou ye Paw timi khunoqo Pa no azünatha ghi ithi akeno tipaqo kileve mphi. Nongu ye Kuchoyesü lo Elijah ghili kiu pi püani, kishi pa no Israelmi lachile Alhou lau muchho keno mtha keshea?

Rommi 11:2 Referans Kwoze

LESHELE 94:14

AMPEU ye pawu timiqo qhivemo nani; paye pa laumi qhiveno wuvemo nani.

1 Peter 1:2

Nonguye Apu Alhou no kumsupulope akeu kiqi lono kisheluvae eno Aghungu Kimthe no shikimthe pesu Jisu papelupeni eno pa ji pesu mitheluve peniyeke. Kupukini ngo alokiqipu nongu lau kighishelu apeniu!

Rommi 9:23

Tiye pano qhuivulayi keu hi ningu shou pa kimthe-jukuvu kinikulushi akeu pephepiye nike ghenguno ajukuvupu shi pano kutope qhie.

Apostolmi 3:17

Ike ithikuzumiqo, ino ithi anike nongu eno nongu wu sakiphemino Jisu shou kiu shikeno tiye mbomzu lonoke.

BOTHUBO 44:15

ike Josef no pi, “Nonguye kiuno hikithipu shi cheni kya? Niye asaqhi pheluve naniepi nonguye mtha kesha?”

Rommi 9:6

Alhou no Israilmi lau piqhikeu adou shive akepi pianike kumoe. Kughengu Israil polo kughukomi kumtsu Alhou no kisheluvekemi ke kumoe.

Apostolmi 13:48

Kughou Judakumomino hi chilukeno, panonguye alokivi shive eno Ampeu tsa sheqhe; eno khijehino lhokta kuxupulo kishesuve akeno tipaqoye puluve.

Apostolmi 7:40

Ikehu panonguno Aron vilo pi, ‘Ningu zulo chechepe kepushi nisala alhou shipesu tsulo. Muse khuu ningu sasu Ijip lono saipeghikeno paye kiu shivekeno ninguye mthae.’

John 4:11

Totimi huno pa vilo pi, “Akijeu, noye shophelukepu kiumu kuha eno azukikheye thonheyi ishike, noye kishi shino akuxupu zu aghini kya?

Luke 4:1

Jisu ye Aghungu Kimthe no chhitoi puzu Jordan lono xaideghi, eno Aghungu no aghasalo sawuve,

NEHEMIA 9:30

Ampe atsutsulo nono kheakulu shi panongu kutughu cheke. Nono owu tungkupmi lolo muzusutsuno pipecheke, ikemu owu timiqoye akini ipoke, tighenguno nono kutami shiyeh pelo panoqo leluve peke.

AKIKIHI 16:15

Muse ye agha ideveno AMPEU vilo pi, “Timi hipaqono akumllagho sughikeu ikhilu tsukevilo. Niye panoqo wu gadaha lakhimu lupuamoe.”

IPEKULU 32:1

Muse no naghuto lono iqighimono ado kushuwa tilau auvekeu timiqono ithulu puzu panonguno Aron suhope ngoluveno pa vilo ishi pi, “Ithu no nighenguno alhou lakhi mlatsulo, tipau pelo ni sawu kepushilo kughengu Muse hupau, Ijip lono ningu saipeghikeu timi huye kishive akela ninguye mthavae.”

IBRIMI 1:1

Khaghi ghuloki loye Alhou no tungkupumi vechewo ajeli-ajeli lono ghuthu kutomo apu-asuqo vilo picheke.

FILIPIAMI 1:22

Ikemu xuape kepushi aye, niye ame kuapu kumla alau shilu ananike. Ike khikhiu kishelu kepu keno niye pimlae.

Apostolmi 15:18

ipi Ampeu no pie, pano hipaqo vehu kha-ghi no pithivae.’

1 Kor. 6:2

Alhou wu akukuhomiqono ayeghiqha shou kughakutha shi nani kepi nonguye mtha kesha? Tishiaye nonguye ayeghiqha shou kughathabe nikeu shiani aye, nonguye avehu kitila ghi kughathamlave kesha?

JEREMIYA 31:37

Atsutsu kunguu akeu mighiwo toluve aye eno ayeghi boqhaqo phuphekhaluve aye, tilehi likhino AMPEU no pawu timiqo peveni cheni, tiye panonguno mlavekeu kumtsu ghenguno. AMPEU no piqhivae.

Mark 12:26

Kithimi xuputhukeu vehu hu nonguye Muse kakulo asuminiphono iqukeu tsajolo phiju mphi kesha? Kughengu tile ishi yepuakeuno Alhou no Muse vilo ishi pi, ‘Niye Abraham Lhou, Isak Lhou eno Jakob Lhou.’

Rommi 6:16

Nonguno Ampeu khuu qeno gholu ani keno pa qemiake; ikemu nonguno axine qeu shiaye akithilo sailove nani eno aghokulu qeu shiaye tino nongu sasu achipiulo ilove nani kepi nonguno ithi ani.

1 Kor. 8:3

Ikemu khuuno Alhou kimiye cheni keno pano ithi auvae.