Rommi 1:25 - BAIBEL (BSI)

²⁵ Panonguno Alhou ghili kuchou pesu akimiki kililuve. Panonguno Alhou zuqhulo pano kiu lhoqhi puanikeno tipaqo mlla huthue. Pulhapuju Alhou sheqhe akepuke, Amen!

Sümi Tiqhelimi Bible

²⁵ Panongu no Alhou’w kuchou ghili pesü akimiki gholo kilive ke, eno pulhosükütsü Lhou mülá eno huthu nikeu züqhulo pulhosü püakeu jeliqo mülá eno huthuke. Pulhosükütsü Lhou ye pülhapuju sheqhe akepue. Amen.

Sumi Naga CL (Re-edited) Bible (BSI)

²⁵ ti ye panongu no Alhouw kuchou vehu pesü akimki sasü küsükilive, eno Pulhoküsüu, khuu pülhapuju lo sheqhe aküzüpu keno, iyei, tishi pelo, Pa züqhulo pulhoküsü thime mlla eno huthu auve keu lono ke.

Rommi 1:25 Referans Kwoze

HABAKUK 2:18

Asu-atu julhoye kiu vehupu ani kya? Tiye timino kiuala shipe qhikeuke eno tiye akimki kumoaye kiumu nongu vilo pimo nani. Tipau mlaqhikemi pelo tipau pulupe nike kiu akivi shipuani kya? Atsa ghi putsamlakeu lhou ke!

JEREMIYA 13:25

Hipauno nongu saje shinikeu pano pike. Pano nongu pesu hi kithipu shinikeushi kughathavae kughengu nonguno pa kumsumove eno kichileu lhouqo shou pulubeke.

ISAIAH 44:20

Ayevu chuakeu kumlho shivae. Pa ghuzunikha kukumsu no pa sapimi kehu paye xaphemla kepu shivae. Ajulho shisukeu pa ulo tsuqupe akeuye khilemu alhou kumo kepi kitilamu pa lolo kumsulukeu kuhake.

AMUS 2:4

AMPEU no pi, “Juda lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ino kutsupiyekeu jukunathake eno ino ahza tsukeu pechemoke. Panoqo puasuno qechekeu kichile lhouqo huno tipatho shi panoqo sabideveke.

2 Kor. 11:31

Ampeu Jisu paPuh eno Alhou, paye alhokupujulo sheqhe akepu likhike, pano ithianike niye mikiamoe.

Rommi 9:5

Panonguye apu-asuqo polokughukomi, eno Khristo ghi timi shi-ghi ighikeu kiqiloye panongu shiayeh ke. Kumtsu shou Alhou no ampi ke pulhapuju pa sheqhe akepue! Amen.

1 John 5:20

Nino ithi akeuno Alhou Nuno ighi puzu ithikututa shilukeu ningu tsupe puani, tishikeuno ninguye pa Nu Jisu Khristo gholo xukimepe akeu lono kuchou Lhou gholo ghi xukimepe ani. Hiye kuchou Lhou eno lhokta kuxuke.

Rommi 1:23

Thivechemo keu Lhou mllanike zuqhulo, panonguno thivenikuau timi, aghau, tughashi eno itikiche lhoxu kimihi shi-ghi ajulho shisukeu mlla cheni.

2 Tim. 3:4

pishikiqhi, aka-aghoshikeu, aqhekuzano tsutsungoju, Alhou kimiyenike zuqhulo alikhi aghakiqipu kimiyekeu.

Rommi 1:18

Kughengu Alhou kumthami eno alhoksa kumlami khunoqono pano mikucho kumo pesu kuchou qhasupe acheni keno tipaqo shou atsutsu lono Alhou loghu pephepiyevae.

MATTHEW 6:24

“Timi khumu ampiu kini quaxemi shimlae, kughengu paye lakhiye mithive puzu lakhiu kimiye nani; lakhi qhoqhu puzu lakhiu phimo nanie. Nongu ghi titoi Alhou ngo kuakini kuma kinikujo quaxeuye shimlae.

1 Thes. 1:9

Timi tipaqo ampino ninguno nongu lau ighikelo nonguno kishi ni ikhilukeno piakhani; eno nonguye kuchou eno xuakeu Lhou qenike ghenguno ajulho mllakeu qhiveno Alhou lau ideighivekeu piakhani,

1 Tim. 1:17

Lhokta Kukau thivemlakeu eno ithulu chemokeu Alhou ye pa likhikeu pa lau alhokupujulo agigihu eno akimthe jekipi shi achelo! Amen.

1 Tim. 1:11

akukutsu tiye ipelo pikulhapeniye pichetsukeu tsakiviu sasu lakhike; akimthe jukuvupu eno akumghapu Lhou tsakiviu huke.

MATTHEW 10:37

“Timi khunono iqhukeu nguno alaushi apuh eno aza kimiye nikeno paye ikhopemi shikuzu kumoe; eno timi khunono iqhukeu nguno alaushi pano nu eno pano nga kimiye nikeno paye ikhopemi shikuzu kumoe.

JEREMIYA 16:19

AMPEU, nono isusho chekeuke eno akumto itsu cheni; shiluksa do ghulokilo nono ikuphuke. Ayeghi shekha kudauno ashiayehqono olau ighino pi nani, “Nipuasuqoye kichile lhouqo kumoaye kiumu kuhake, avehu kuhakeu asu atu julho thono kiumu kuhake.

Ephesiami 3:21

akukuholo eno Khristo Jisu gholono, tiqheli lakhi lono lakhiu kutolo alhokupuju ghenguno, Alhou lau akimthe jekipi shipelo! Amen.

LESHELE 72:19

Alhokupujulo paje kipipu sheqhelo! Pa jukuvuno ayeghiqha kumtsu chhilu pelo. Amen! Amen!

John 2:8

Jisu no panoqo vilo pi, “Itehiye tipau lono kitila shophe puzu aghulhu peithatsuakeu lau pesu wulo.” Ikelo panonguno pa lau tipau pesu wu.