Rommi 1:16 - BAIBEL (BSI)

¹⁶ Kughengu niye atsakiviu pikulha nikeulo kujo moe, hino pulu aghikeqo kumtsu xalunikeu Alhou kukake, atughushi Judami lau eno tithiuno Judakumomi lau ghi ighike.

Sümi Tiqhelimi Bible

¹⁶ Ni ye atsakiviu ghenguno küjove chemoe, kughengu hiye pülü kemi kümtsü lau xakulu süghitsü chekeu Alhou küká ke: atüghishi Jewmi lau, eno tithiu no Jewkumomi lau süghi ke.

Sumi Naga CL (Re-edited) Bible (BSI)

¹⁶ Ikehu ni ye atsakiviu ghenguno kujove chemoe, kughengu ti ye pülülu kemi kümtsü, atüghüshi Jewmi eno tithiu no Greekmi ghi, xalu nike ghenguno Alhou küka ke.

Rommi 1:16 Referans Kwoze

Mark 8:38

Tishiaye, timi khuno Alhou phimokeu eno kusakugha tiqheli hipaulo paye ilaumike ipinikeu eno itsa pinikeulo kiumu shitsumove aye, ni Timi Nu ghi kughou papu jukuvu lono akimthe kungumi sasu ighikelo timi tipau ghenguno kiumu shitsumove nani.”

2 Tim. 1:8

Tishiaye, niMpeu shepe shinikeu ghenguno kujo-mza kevilo momu pa ghenguno ino akughushia keu jupesu kujo-mza kevilo. Ikemu Atsakiviu ghenguno aghime shikeulo Alhou kuka kumto lono osaje lulo.

1 Peter 4:16

Tishimu nonguno Khristomi lakhike ghenguno aghime sholukepu shive napiaye tipaulo kujomuzakepu kumoe, ikemu Khristo je lono Alhou shikimthilo.

2 Tim. 1:12

eno highenguno hishi aghime shianie. Ikemu niye kujo-mza chemoe, kughengu ino khuu pulube chenikeno ino ithi ani, eno ino pulu akeuno Atsala hu tomoke kutolo pano ilau kiu pichebe puanikeno tipau paye khe kulupu shi ananike.

Luke 9:26

Kughengu khunono ni eno itsape shinikeulo kujoveni keno, Timi Nu ghi pa jukuvu, Apu jukuvu eno akimthe kungumiqo jukuvu lono ighikelo pano tipano je piphetsumove nani.

2 Kor. 4:4

Panongu ghenguye hipau yeghilo tughakusano akukumsu sakughuzuve tsuke, tishianguno panongu pelo Alhou ngulho kimihiu Khristo kimthe jukuvu ghili atsakiviu launo akuvu ighichekeulo jupukulu pemoniyeke.

1 Kor. 2:4

eno itsapi ngo ino asheshukeulo zukide kudakeu tsa eno timi suqekighithi peithamoe, ikemu Alhou Ghungu kuka shipe piyekeu ino peithake.

1 Kor. 2:2

Kughengu niye nongu gholo akeloye Jisu Khristo eno pano kros lo thivekeu nguno kutauye kiumu ithipe nishimokeu ino xathaluvae.

Rommi 10:17

Tishiaye asutsa chilukeu lono akupulu ipeghi cheni, eno Khristo tsa pikulhakeu vechewo chilu cheni.

IBRIMI 4:12

Kughengu Alhou tsaye akuxu eno akuka kuau,putoputo zutakihi nguno akutsughauke. Hino angulho ngo angugha kikimea kutolo eno aquki-anhuki kikime kutolo ghitha ilo cheni. Hino timi mlolo kumsupu akeu ngo shinishi keu jupililu cheni.

1 Kor. 15:2

eno khipau vechewo nongu xalukeno tipau nongu vilo piputo nishi ani. Nonguye abokumsa lono pulumo puzu nongu vilo kishekulu pivekeu tsa mutotoi tsuqupe aghiaye tipau vechewo nongu xalu nanike.

JEREMIYA 23:29

Itsapeye ami lakhi toike, eno atuqu hephopinyilu chekeu ayihesu lakhi toike.

Galatiami 1:7

Kuchouno kutau tsakiviuye kuhake, ikemu timi khamino nongu xukutho ani eno Khristo tsakiviu shipixinishi kehuke.

Rommi 2:9

Alhoksa mlakemi ghenguno aghime kitikhi ngo amlo kughuju anani, atughushi Judami shou paghi eno Judakumomi ghi tipa shelo sholu nani.

Apostolmi 3:26

Ikehu Alhou no pa qeu kishepe atughushi nongu lau puwuke, eno nongu lhoksa kugha lono saide sawo kumghatsuniyeke.

LESHELE 119:46

Niye kukami vilo ozahkutsu pithiwo nani, eno niye kujovemoke.

1 Thes. 2:13

Ninguno tamono Alhou shikimthi achekeuye hipau ghenguno ghike. Kughou ninguno Alhou tsa pesu nongu lau sughikeno, nonguno tipau initsuke eno tipauye timi tsa toi kumono Alhou tsa toi ikhilutsuke, mtsuqheyino tiye kuchouke. Kughengu Alhou ye nongu kupulumiqo gholo mla anike.

ISAIAH 53:1

Timiqono khochile, “Nino kiu chilu keno khuno nitsa pulu tsu kya? Hipaulo khuno Alhou no pa-u chhosu anikepi ithi kena -!

1 Tim. 1:11

akukutsu tiye ipelo pikulhapeniye pichetsukeu tsakiviu sasu lakhike; akimthe jukuvupu eno akumghapu Lhou tsakiviu huke.

2 Kor. 9:13

Nonguno hipakumla shikeu huno nongu kupulu mutsumisheyi shitsu ani kehu nonguno Khristo tsakiviu gholu keu ghenguno eno kumtsu sasu pofushi kusajekeu ghenguno timi kutomono Alhou lau akimthe jukuvupu tsu nani.

2 Kor. 2:12

Kughou ino Troa lo Khristo tsakiviu pesu asheshuniye ighikeno, Ampeu no ighenguno tilehi mlalupe nike alaghi khaqhitsu.

1 Kor. 9:18

Tishiaye ijumeye kiu kya? Hike: ame lumono lokivipu tsa pesu asheshulukeu ke; tiye lokivipu tsa pesu asheshu keu kumlalo ino ajume ithulukuzupu shiakeu lumokeu huke.

1 Kor. 9:12

Kutamino hikithipu nongu launo kusaje kepu akuzupu shi aghi aye ninguye tinguno alaushi akuzupu shianike kumo kesha? Ikeghi ninguye ti akuzupu hu peithaju mphiake. Tishinike zuqhu, ninguye thwokha kutuu luvetsu acheni, tishianguno Khristo lokivipu tsa laghilo ninguye kiumu lakukhapu qhitsumoniyeke.

Rommi 15:29

Ino ithi ani, kughou ino nongu lau ighini keno niye Khristo kukumghano chhikhoi shino nongu lau ighini.

Rommi 15:19

Tishikehu Jerusalem lono homuxa susu Ilurikiam qha hokumxa kutolo, niye Khristo tsakiviu pesu hipaqha kuchopulo kutughuvae.

2 Tim. 1:16

Ampeu no Onesifora no kibolomi kimiyeqhiyi tsupeniu, kughengu ghuthu kutomolo pano ilopivitsu cheke. Paye ino akughu yikichhelo akeu jupesu kujo-mzamoe;

Rommi 4:11

Abraham no aphighu yiko gha mphi lonomu pa kupulu Alhou lau akeu lono Alhou lau achipikaluve keu michi momu chishidapuku keu michi lakhi shighi aphighu yiko ghae. Tipau kimjiye Abraham pelo aphighu yiko ghamokemi pinamu pulu aghikemiqo eno tishi keu lono Alhou lau achipikalukeu panoqo lau kihipukuve kemiqo papuh shipeniye ke.

LESHELE 110:2

AMPEU no Zion lono nono ayehpe akeu kuka pekho tsu nani. “Oghumiqo shou ayehpelo” ipi pano pike.

John 7:35

Judamiqono panongu dolono ishi piae, “Paye khilau wuveni cheni keno ninguye pa phumlave nani kepi anikya? Paye Grikmi phughi qolo Judami akeqo lau wupuzu Grikmiqo kutsuwuve nikeu shi ani kesha?