Piyeküsü 7:9 - BAIBEL (BSI)

⁹ Hipathiu ino jukeloye khunomu kihikhamla kepushi timi aqokitikhi tile aghi. Panonguye timi ajeli kututa, ashiayeh kututa, aju kututa, atsa kututa lono ighikemi eno panonguye akimiye phimini pepu eno panongu ulo aghumhibo loka pepuzu akuka lakhulo eno Bheriti zulo puthugho.

Sümi Tiqhelimi Bible

⁹ Hipathiu I no ju akelo timi khunomu kihikha müla kepu shi I gizülo timi kutomo ae. Tiye shiye, ashiaye, aju kütüta eno atsa kütüta piche kemi kümtsü no aküka lakhü zülo eno Ambeti zülo puthugho ae. Panongu ye miyetsüghoi keu chijeboboi-phi pepu ae eno panongu u lo amsabo loka pesü ngo ae.

Sumi Naga CL (Re-edited) Bible (BSI)

⁹ Hipa thiu I no jupuwo kelo khunomu kihikhamla kepushi aqokitikhi kije, shiye lakhikhi, ashiaye jeli, timi eno atsa jeli, kümtsü no aphi kimiye pepusü au lo amsabo loka pe püzü kükalakhü eno Ambeti zülo puthugho aghi,

Piyeküsü 7:9 Referans Kwoze

Piyeküsü 5:9

Panonguno alekithe lakhi ishi phea, “Nono likuzu kaku ikhilu puzu mekhakeu xukhonikeu akuzupuke; Kughengu oghiqhiveke eno okithi vechewo ashiayeh, atsajeli, timi kututa muqo gholono Alhou timi shi lupenikeu qhuluke.

John 12:13

Ikehu panonguno amsabo loka michepe pa sasu kushoniye ighamuku wue: “Alhou Sheqhelo Ampeu jelono khuu chenikeno Alhou no pa kumghatsulo! Israilmi kukau kumghatsulo!”

LESHELE 2:8

Ivilo khulo, ino ashiayeh kutami kumtsu omheghipu shi tsuni eno ayeghiqha owu shipeni.

ZEKHARIA 2:11

Tipa ghulokilo ashiayeh kutomono AMPEU lau ighi puzu pawu timi shilukha nani. Pano nongu gholo xu nani eno nongu lau pano ipuwu kepi nonguno ithi nani.

Piyeküsü 11:15

Tileno kungumi akutsuniuno pa fuko kuyigha, ikelauye atsutsulo vekipighi asutsa shiae eno ishipi “Ayeghi kukaqhaye niMpeu eno pawu Mesiya wu akukaqha shiluvae eno pano alhokupujulo kacheuve nani.”

Piyeküsü 6:11

Panongu lakhikhi lau chijebobo keuphi akimiye lakhikhi tsu eno panongu vilo ado ikhonheyi ghenguno ngo aghilopi pive, tiye panongu kusami aqemi eno athikuzumi panongu toi ghiqhivekemi kikihi kupu miphi kutolo ngo aghilo pive.

Piyeküsü 3:18

Tishiaye, ino oloputsu tsu anike ilauno thakimtheve keu shunayi qhululo tishianguno noye kinikulu shilupe nike, eno ilauno ophimini metsughoyi keu qhululo, tishianguno onhapulu kepushi eno ophi kumsa akeu kukujopu ithulu pemonike; eno onhethi nupu kepu qhululo tishianguno opelo ithulu penike.

Rommi 11:25

Ithikuzumiqo Alhou wu tuqhou kukughu lakhi anike ino nongu pelo ithipenishi ani, nonguno nongu lokutsu alotsuh shipeuve nosake. Tiye hi kene; Israilmi shou amlo hekikekeu ikughi akeuye Judakumomi khije Alhou lau ighikepushi ani keno tipaqo ighikupu mphi kutolo likhike.

JEREMIYA 3:17

Kughono tipa tsala ighini keno Jerusalem ye ‘AMPEU kuka lakhu’ ipi kunani, eno ashiayeh kumtsu imllanike tilehi kumqo nani. Panonguye pano mlo lhoksa eno kuthovi keu mlono panoqo vilo pikeu shikide kithe move nani.

Luke 21:36

Ike ado kumtsulo jukutokupui inikhu alo, tishianguno hipaqo kumtsulo ime mono hechewu kulupu kumto aghilu puzu Timi Nu zulo puthugho kulupu shilo.”

Luke 12:1

Tishiakelo timi kihikumla kumqolu kehu khamino khami nedaqoda wuve. Tile Jisu no atughushi pa khopemi vilo pi, “Farisimi kholaqhi jukutolo—tiye panongu kuhakugha pi anike.

LESHELE 22:27

Timi jeli kumtsuno AMPEU kumsulu nani eno pa lau xaideghi nani; Ashiayeh jeli kumtsuno pa gihu mlla nani.

ACHINE 23:40

Tipa tsalani nongu xathibo lono axathi akiviu hami lulo, amsabo loka lulo eno asu minipho lono aloka lulo eno mulo subo loka lulo. AMPEU nongu Lhou gihukeu shinike achine tiqhetini lakhi hipau huthulo.

Piyeküsü 4:4

Alakhu kutau muku bidino akuka lakhu veho pesu ae eno tipaqo shou muchomi muku bidino aphi kimiye pepu eno shunayino shikeu kutsukuqho pepuno alakhu tipaqo shou iqa ae.

IBRIMI 12:22

Ikemu nonguye Zion tolo ighi ani, akuxupu Lhou phughi kungugha Jerusalem lo, eno kungumi kihikhamlakemi gholo ighi ani.

IBRIMI 11:12

Ike liye thiveke kumlho shivekemu, timi lakhi hipau launo atsutsulo ayepuqo ngo azughi mukulo asayeh toi ati-anuli kughukolue.

Ephesiami 6:13

Tighenguno Alhou launo ighikeu ghunanu kumtsu ikhilulo, tishianguno alhoksa tsala ighikelo nonguno ithamono mujochilelu nani, eno ashekha kutolo kupughu apuzu nonguye ithamono aghilu nani.

HOSIYA 1:10

Israil lo akemiqoye azughilo asaye paphi shive nani, panoqoye kihikhamla eno mighiwo tomla kepu shive nani. Itehiye Alhou no panoqo vilo, “Nonguye iwu timi kumoe.” ipike, ikemu pano panoqo vilo ishi pinikeu tsala wocheni, “Nonguye akuxupu Lhou nuliqoke!” ipi pi nani.

DANIEL 6:25

Tileno akukau Darus no ayeghiqhalo ashiayeh kumtsu, alikumtsu, atsajeli kumtsu lau asutsa yepe tsupuwu. “Petha lulo!

LESHELE 98:3

Pano Israilmi lau pano piqhivekeu peke, tiye qhoqhukeu eno iqemokeu kikimiye peithake. Aqha kumtsulo timiqono niLhou no tolukeu ithulue.

DANIEL 4:1

Akukau Nebukadnezar no asutsa hipaqo kiyepe ayeghiqha lo shiyeh kumtsu, alimi kumtsu eno atsa jeli kumtsu lau kutughu tsu. “Petha lulo!

BOTHUBO 49:10

Akukau kusu ye Juda phemoe, eno pa pukhuno tsape ke; Tipau mipeu shikuzuu ighieno timi kumtsu shou ayeh pemoke kuto pa kuka pe anani.

Piyeküsü 5:11

Itaghi ino jukelauye kungumi phikhakumla qhethonheno qhethonhe kutolo akeu sutsa chilue. Panonguye akuka lakhu ngo akuxu akeu lhoxu bidi eno muchomiqo vehomxa pesu puthughono,

LESHELE 77:2

Shiluksa ghulokilo ino AMPEU lau inikhuke; puthotsu iu peqhepe pa lau akighini shike, ikemu niye alokughuno phumlake.

BOTHUBO 13:16

Ino opiti pesu ayeghi lo asaye jehi shitsuni eno timino ayeghilo asaye kihikhamla ke toi opiti kughukoye kihikhamla peni.

JEREMIYA 16:19

AMPEU, nono isusho chekeuke eno akumto itsu cheni; shiluksa do ghulokilo nono ikuphuke. Ayeghi shekha kudauno ashiayehqono olau ighino pi nani, “Nipuasuqoye kichile lhouqo kumoaye kiumu kuhake, avehu kuhakeu asu atu julho thono kiumu kuhake.

LESHELE 76:4

Noye kiutoi akimthe jekipi kya? O Alhou! Nono naghutolo ideghi kelo shishe akughushuuke tilehino nono oghumi haleveke.

ZEKHARIA 10:8

“Ino iwu timiqo ku-kumqo sawo kumtsa qhi nani. Ino panoqo xaphe sawo puzuu panonguye kiutoi kumzapu keno titoi shitsu nani.

Piyeküsü 22:3

Alhou no ghushovekeu jeli kiumu aphughi tipaulo ithumla nani. Alhou kuka lakhu ngo Bheriti kuka lakhuye aphughi alou ake eno pa qemiqono pa mlla nani.

EZEKEL 47:5

Pano itaghi miter 500 alaushi mighi ike aghokitiye shishe thonheive kehu niye putha wumlave. Tipauye azu mihi thasu wunikeu kumoaye katha wunikeu ighono thonheive.