Biblia Todo Logo
Bib sou entènèt

- Piblisite -




Piyeküsü 7:10 - BAIBEL (BSI)

10 Panonguno asutsa vekipighi ishipi, “Akuka lakhulo iqa akeu niLhou eno Bheriti launo xakulupu ighi cheni!”

Gade chapit la Kopi

Sümi Tiqhelimi Bible

10 Eno panongu no asütsa kuloghi lakhi lono ishi ighamuku: “Xakulu ye ningu Lhou aküka lakhü lo iqa achekeu eno Ambeti pamaw ke.”

Gade chapit la Kopi

Sumi Naga CL (Re-edited) Bible (BSI)

10 eno asütsa vekipighi igha, “Xakulupu ye Khuu kükalakhü lo iqa ani keno, Pa eno Ambeti u lo anie!”

Gade chapit la Kopi




Piyeküsü 7:10
26 Referans Kwoze  

Hipa tikhau, kungughalo timi aqokitikhi sutsa toikeu ino chilue. Tipau sutsaye ishi chilu, “Alhou sheqhelo! Xakulupu, akimthe jekipi eno akukaye niLhou wuke!


Xaphekuluye AMPEU lau ani, pano pawu timiqo kumghatsu peniu!


Tileno kungughalo asutsa kuloghi lakhi ishi pikeu ino chilu, “Itehiye Alhou wu xakulupu kuka eno pa kukaqha ighivae! Itehiye pawu Mesiya kuka kumto ighivae! Kughengu Alhou zulo puthugho puzu putho pucho nithikuzumi lhoksa pesu ngukuchekeu huye kungugha lono halephevae.


Ighilo eno kughakutha alo nongu wu atsa kukughapu pesu ighilo; angulami dolono atsa kighinikile jupelo. Kiu shive nani keno khuuno khaghino asheazu shi pikya? Tiye ni, AMPEU timi xaluchekeu Lhou no kutau lhou kuhake ipike kumo kesha?”


Alhou no ghushovekeu jeli kiumu aphughi tipaulo ithumla nani. Alhou kuka lakhu ngo Bheriti kuka lakhuye aphughi alou ake eno pa qemiqono pa mlla nani.


Kughengu Alhou wu kupukinino akupulu vechewo ningu xaluvae; eno hiye nonguno shiluke kumoe ikemu hiye Alhou no aghotsukeuke.


Tishiwo thoghiu Jisu no Johan lau cheghikeu pano ithulu puzu pi, “Julo, Alhou wu Bheriti, ayeghiqha xine ikhipewukeu hi chenie!


‘Ni ilikhino AMPEU ke, nongu xalunikeuye ilikhike.


Tileno akuka lakhulo iqa akeu huno ishipi, “Itehiye ino thwokha akithe shitsu ani!” Pano highi ivilo ishipi, “Hipau yelulo, kughengu atsa hipaqoye kuchou eno pukhube kulupuke.”


Tishianguno timi kumtsuno Alhou wu xakulu ithulu nani!’ ”


Nino naghuto toghilo asu atu mllakeuno kiumu nikuphuluni chemoe. Israil kukuphuye niLhou AMPEU lau likhino ighi cheni.


Bheriti huno akuka lakhulo iqa akeu u-ajeu lono likuzu kaku ikhilu.


Akukalakhu zulo ayina zughi toi, phuphuyi ithulukeu ghi ae. Akuka lakhu sumxa pesu, tipau ako phivilo akuxu akeu lhoxu bidi ae, tipaqoye athiu ghi azuu ghi anhethino chhitoi puake.


No Samariamiye nonguno khuu mlla cheni keno tipau mthae, ikemu ni Judamiye ninguno khuu mlla cheni keno tipau ithi anie, kughengu xakulupuye Judami launo ighike.


Jisu no chesu wucheghi keu jupuzu pi, “Julo, Alhou wu Bheriti!”


Shishe alovilo, Zion limiqo! Alokivi launo ighalo, Jerusalem limiqo! Julo, nongu kukau nongu lau cheni! Paye ajekipi eno tokulu shi ghi cheni, paye aqhokigheu shi eno gadaha shou ikuno cheni, gadahatsu shouno cheni.


Ikemu niye osheqhe shipilini; niye aghakishi pesu omlla nike eno ino piqhivekeu shini. Xaphekuluye AMPEU launo ighike!”


AMPEU no pi, “Niye nongu Lhou AMPEU ke, Ijip yeghi lono nongu saipeghikeu Lhou ke. Inguno alau nonguye kutau Lhou kuhae. Ilikhino nongu xakuluuke.


Israil Lhou, pawu timi xaluchekeu Lhou ye pa likhi pa kughutshupe acheni.


Olau likhi, O AMPEU, nilau kumono olau likhino akimthe jekipi tsumasae tiye owu iqemokeu kikimiye eno amikucho ghengunoke.


AMPEU no amikuchomi xalu cheni eno shiluksa ghulokilo panoqo susho cheni.


Naghuto pahi vekukha kugha sholu pimu ozulo tiye hauve nani. Nono Achineki shiqhepuku kithe nani eno nono atuqo ashekhau pa-alo sulukelo timiqono, ‘Jukighilepu, jukighilepu!’ ipi igha asheshu nani.”


Swiv nou:

Piblisite


Piblisite