Piyeküsü 6:9 - BAIBEL (BSI)

⁹ Kughou Bheritino mekhakeu apunguu suphono lhaphe keno, Alhou tsa pesu asheshukeu eno amikucho shi ashepe shikeu ghenguno ghiqhivekemiqo akumllagho kiptia qholo aghikeu ino ithulu.

Sümi Tiqhelimi Bible

⁹ Kughou Ambeti no mekhapüa keu apunguu khaqhi keno akümlá-khache qhou Alhou tsa pesü asheshu chekemiqo eno amikucho shi ashepe shikeu ghenguno ghiqhive kemiqo ngulho akeu I no ithulu.

Sumi Naga CL (Re-edited) Bible (BSI)

⁹ Kughou Ambeti no michida apunguu xükho keno, Alhou Tsa eno tipau shepekishi ghenguno ghiqhive kemi ghunguqo akümlla kiptia qholo aghikeu I no ithulu.

Piyeküsü 6:9 Referans Kwoze

Piyeküsü 20:4

Tileno ino akuka lakhu eno tipaqolo iqa akeqo ithulu; panongu pelo kughatha penikepu kuka tsupe pua. Timi khunoqono Jisu no kuchou pephepiyevekeu eno Alhou tsa pesu asheshuke ghenguno ghiqhive keno tipaqo ngulho ghi ino ithulu. Panonguye tughashi momu tipau julho shisukeu mllamoe momu panongu kishelo eno panongu ulo tughashi wu amchi ikhilumokeqoke. Panonguno Khristo gholo xupuzu ampe 1000 ayehpeke.

John 16:2

Panonguno Sinagog lono nongu hapheve nani. Aghuloki hu cheni kughou timi khunono nongu pithiluni keno paye ti shilukeuno Alhou huthulu ani kepi kumsu nani.

Piyeküsü 1:9

Ni Johan ye nongu thikuzuu ke, eno Jisu papemi lakhi kehu Alhou yehkipe laumino kutuughi shilukusa puqhe akeulo nighi nongu sasu kusaje chekemike. Ino Alhou tsape shikeu eno Jisu shepe shikeu ghenguno Patmos zudoyeghilo ikughape qhiveke.

Piyeküsü 2:13

Nono khile acheni keno Satan kuka lakhu ghi tile anipi ino ithi ani. Noye ije mutotoi tsuqupe cheni eno kughou nongu gholono ishepekishiu, ino pukhukulu Antipa ghiqhiveke tsala ghulokilo ghi, Satan no achekeulo, noye ishou akupulu achekeu phevemoe.

2 Tim. 1:8

Tishiaye, niMpeu shepe shinikeu ghenguno kujo-mza kevilo momu pa ghenguno ino akughushia keu jupesu kujo-mza kevilo. Ikemu Atsakiviu ghenguno aghime shikeulo Alhou kuka kumto lono osaje lulo.

Piyeküsü 16:7

Tileno akumllagho kipitia launo asutsa lakhi ishi pikeu ino chilu, “Ampeu, Alhou Akumtou! Owu kughakuthaqoye kuchou eno achipike!”

Piyeküsü 14:18

Itaghi akumllagho kipitia lono kungumi ami peithachekeu kutau lakhi ipeghi, eno pano asutsa kuloghi lono hashiwo kutsugha peakeu vilo ighamuku pi, “Owu hashiwo peithalo, eno ayeghilo atsayithi pho ghothalulo, kughengu atsayithiye nivae!”

Piyeküsü 1:2

Johan no pano ithulukeu kumtsu pesu Alhou tsa eno Jisu Khristo no kuchou piyekeulo ashepe shiani.

FILIPIAMI 1:23

Hikuma dolono itsakibipe anie. Ino shinishi akeuye hipa kuxu qhiveno Khristo gholo auvenishi, kughengu tiu pavi kuchouke.

2 Kor. 5:8

Ninguye amlo kuloghi shi ani, kughengu aphimpi qhiveno Ampeu kilo acheuve nikeu pavike.

ACHINE 4:7

Tipathiu pano Aphikilo tsungquikeu kiptia chekulo ichushei akeu shou ahji hami nupukulo. Ahji khije aghinikeno tipaqoye agha shikeu kiptia ti Aphiki hukikhalo akeu bophilo leqhi khavelo.

Piyeküsü 19:10

Tileno ino pa pukhu phivilo mllaniye iluiqive, ikemu pano ivilo ishipi, “Tishikevilo! niye no eno othikuzumi khunoqono Jisu no kuchou shepe shikeu ikhilu cheni keno tipaqo kumtsu gholo akusami aqemi lakhike. Alhou mllalo!” Kughengu Jisu no kuchou shepe shikeuno tungkuptsa pinikeu nguaghapuke.

Piyeküsü 8:3

Kungumi kutau lakhi, shunayino shikeu amikihipu peakeuno ighino agho kiptialo puthugho. Akuka lakhu zulo shunano shikeu agho kipitia lono Alhou timiqo kighini gholo xukutshuno mllapeniye tsungquyikeu kutomo pesu pa tsu.

2 Tim. 4:6

Ighenguye kughape ghiqhi mllave penike kutoluvae; niye hipau kuxu phevekepu ghuloki tovae.

Piyeküsü 9:13

Tileno kungumi akutsughouno pa fuko kuyigha, ikelauye Alhou zulo shunayino shikeu aghokiptibo akeulo acheku bidi kudauno asutsa lakhi ighikeu ino chilu.

FILIPIAMI 2:17

Aghakishilo ihji pesu lepuku keuno nongu kupulu Alhou lau tsukulupu shiaye tiye ilokivipu nongu kumtsu sasu kusajelu anike.

BOTHUBO 4:10

Tile AMPEU no pi, “Noye kushiye hikithipu shi kya? Ayeghi lono othikuzuu jino amkhu lutsu lepi ighamuku keu sutsano itovae.

IPEKULU 29:12

Amshitsu jih hami lupuzu ou loti pesu akipti alo aku akeulo dilo. Tishi no ahji aghikeu kumtsu pesu akipti-a bolo leqhivelo.

IBRIMI 12:23

Nonguye Alhou nuli kichimiqo khunoqo je kungughalo yepuanikeno tipaqo muqolo, eno timi kumtsu shou Kughakuthau Alhou lau eno Alhou zulo amikuchomi nguagha kupukulu shivetsukemi lau ighilu ani.