Piyeküsü 4:7 - BAIBEL (BSI)

⁷ Akuxu akeu lhoxu atughiuye abongushu lakhi kimihike, akiniuye amshitsu kimihi, akuthuuye timi gi kimihi pua, eno abidiuye aluqu yechekeu kimihike.

Sümi Tiqhelimi Bible

⁷ Xü akeu lhoxü atüghiu ye abongushuu toi, akiniù ye amishitsü toi, aküthüu no timi gi toi, eno abidiu ye aluqu yewu chekeu toi ke.

Sumi Naga CL (Re-edited) Bible (BSI)

⁷ aküxüküa lhoxü atüghüu ye abongshuu mihi; akiniu no amshitsü mihi, aküthüu no timi gi mihi, eno abidiu no alhuqu yechekeu mihie.

Piyeküsü 4:7 Referans Kwoze

EZEKEL 10:14

Lhoxu lakhi khino agi bidi puae. Agi atughiuye amshitsu gi, akiniuno timi gi, akuthuuno abongushu gi eno abidiuno aluqu gike.

EZEKEL 1:10

Xuakeu lhoxu lakhi khino agi ajeli bididi puae: Agizuuno timi gi, ajeuno abongushu gi, piyiuno amshitsu gi eno azupouno aluqu gi, pu-ake.

EZEKEL 10:21

Tipaqo lakhikhino agi bidi, achishibo bidi puae, eno timi u toikeu lakhikhi achishibo qholo puakeu.

Piyeküsü 4:6

Akukalakhu zulo ayina zughi toi, phuphuyi ithulukeu ghi ae. Akuka lakhu sumxa pesu, tipau ako phivilo akuxu akeu lhoxu bidi ae, tipaqoye athiu ghi azuu ghi anhethino chhitoi puake.

DANIEL 7:4

Atughiuye abongushu toi ithulu, ikemu aluqu chishibo pu. Ino tipau jupulano, achishibo ita ikiqive. Tughashi khape puthu puzu timi toi puthughovepe. Timi kukumsu pa lolo suvetsu.

EZEKEL 1:8

Panoqono agi bidi eno achishibo bidi puakeu nguno alauno panoqoye timi u bidi pua tiye achishibo lakhikhi qholo lakhikhi ake.

ISAIAH 40:31

Ikemu khunoqono kuphupenike AMPEU pukhubeni keno, panoqo kumto akithe shikithevekeu phulu nani. Panonguno aluqu toi achishibo pusu ikulu nani; panonguno po nani ikeghi qeinaikeu shimo nani; panonguno chewu nani ikeghi akulhoshi miqemilei mo nani.

ZAKINIU 28:49

Ayeghi shekichi kudauno AMPEU no ashiayeh lakhi nongu shou saighi nani, tipau shiayeh tsa nonguno mthake. Panonguno aluqu toi nongu shou kuptshupe ikughi nani.

Obadiah 1:4

Nono okungoa aluqu pusu toi chuqumghai kelo shipuaghi namu, eno tiye ayepuqo gholo shipua keshi aghinamu, tikudauno ino osunheqhive nani.”

AHOLE 28:2

Kughono shiyeh lakhino axine shini keno ayehkipemi kutomo ipeghive cheni. Ikemu kughono shiyeh lakhilo tsukhuyikemi eno kumsukulumi sakiphemi ani keno tiye mutotoi nani eno ado kushuwa tishi alucheni.

SAMUEL AKINIU 1:23

Saul ngo Jonathan pamaye akumzapu eno kimiyekepu kumtsa xu ache eno kumtsa thivae; aluqu nguno akumthuu eno abongushuqo nguno akumtou ke.

BOTHUBO 49:9

Juda ye abongushu lhothe lakhie, nono tshupe qhieno ide iqhoghiveke, inu abongushu toi nono aghu chhowuno ihozue, eno khuno pa haputhuluni kya?

1 Kor. 14:20

Athikuzumiqo, nongu kukumsulo itimi toi shikevilo. Alhoksa shinikeu loye itimi toive masa ikemu akukumsu loye tekhoyi vemasae.

AKIKIHI 24:9

Shiyeh hiye abongushu kumgha lakhi toike; Tipauno zu akelo khunomu tipau kudaputhu msake. Khunono Israil shou kumghatsuni keno kukumgha shinani.”

AKIKIHI 23:24

Israil shiyeh ye abongshu kumto lakhi toike: Pano suthapiniyi tsuchuve moke kutolo tiye ngo chemoke, Tipauno heqhive keqo jih musuye moke kutolo ngo chemoke.”

Piyeküsü 6:3

Kughou Bheritino mekhapuakeu akiniu suphono lhaphe keno, akuxu akeu lhoxu akiniuno ishi pikeu ino chilu, “Ighilo!”

Piyeküsü 6:5

Kughou Bheritino mekhapuakeu akuthuu suphono lhaphe keno, akuxu akeu lhoxu akuthuuno ishi pikeu ino chilu, “Ighilo!” Ino jukeloye khurshi tsubuyikeu lakhi aghi, eno tipau shou iku puzu chekeuye mighikepu ahhu lakhi pa ulo pea.

Piyeküsü 6:7

Kughou Bheritino mekhakeu abidiu suphono lhaphe keno, akuxu akeu lhoxu abidiuno ishi pikeu ino chilu, “Ighilo!”