Piyeküsü 3:5 - BAIBEL (BSI)

⁵ Khunono theqhikulushi toluni keno paye titoi aphimini metsughoyi keu pepu nani, eno niye kuxumi kaku lono paje khilemu nuxavetsumo nani eno iPuh zulo eno pawu kungumi zulono paye ilaumi kepi ino piphetsu nani.

Sümi Tiqhelimi Bible

⁵ Khuu no tokuluu keno pa ghí panongu toi aphimini miyetsüghoi keu pepu nani. Ni ye aküxüpu kaku lono timi tipau je khilemu ikhivemo nani, ikemu I pù eno paw kungumiqo zülo no pa je piphe tsü nani.

Sumi Naga CL (Re-edited) Bible (BSI)

⁵ Khuu no theqhi luni keno hitoi aphimini kimiye pepipe nani, eno Ni ye khilemu aküxüpu kaku lono pa je nuxave tsümo nani. I no I Pu eno Paw kungumi zülono pa je piphetsü nani.

Piyeküsü 3:5 Referans Kwoze

MATTHEW 10:32

“Tishiaye, khunono timi zulo paye igholomike ipi nikeno, nighi iPuh kungughalo akeu zulono tipaphi shi pitsu nani.

Piyeküsü 21:27

Ikemu kiukiumu alhoksano kitiqevekeu thaqhuye aphughi tipaulo ilomla, momu khunono akukujopu kumla shi cheni eno miki cheni keno tilehi ilomla nani. Timi khunoqo je Bheriti wu akuxupu kakulo yepe puaghini keno tipaqo likhino aphughi tipaulo ilolu nani.

Piyeküsü 20:15

Kuxumi kakulo khunoqo je yepuku puaghimo keno tipaqoye amiyizulo vesuve.

Luke 12:8

“Ino nongu vilo pini, khunono paye iw kepi kutami zulo pipheni keno, Timi Nu ghi Alhou kungumi zulo pa je pesu piphetsu nani.

Piyeküsü 17:8

Tughashi nono ithulukeu hu ghuthu lakhiye xu acheke, ikemu itehiye xuamovae; hiye aqohkutho lono ipeghini cheni eno kutsavepe nike wuve nani. Ayeghilo timi xuakemi khunoqo je ayeghiqha huthu mphi lono kuxumi kakulo yepe puaghimo nikeno, panonguno tughashi jupe akichiqhive nani. Kughengu ghuthu lakhilo tiye xuacheke, ikemu itehiye xuamovae eno tipauno ipeghikithe nani.

Piyeküsü 20:12

Eno kithimi kijemi kitilami kumtsu akuka lakhu zulo puthugho akeu ino ithulu. Kakuqo lhaphe eno kuxumi kaku kutau lakhi ghi lhape pua. Kithimiye pututano kiu mlapua keno kakuqolo yepe puaghikeu kiqi lono panoqo shou kughathabetsu.

Piyeküsü 13:8

Ghiqhivekeu Bheriti wu akuxupu kakulo aje yepuku puaghi kemi nguno alauye ayeghi lhophe kelono acheghi kemi kumtsu tughashi hu mlla nani.

LESHELE 69:28

Kuxumi kaku lono panoqo je nuxa vetsulo; owu timiqo je ake gholo panoqo je sutsu kevilo.

Piyeküsü 2:7

Khunono akini puanikeno Aghungu no akukuhouqo lau piakeu chilu pelo! Khunono theqhikulushi toluni keno, Alhou wu Aghutu lo akuxupu subo akeu xathi chulupe nani.”

FILIPIAMI 4:3

Eno puqhe kumtsa chekeu ikusau, ino ovilo ghi qhuiniju ani, noye totimi hipama kuphutsulo, kughengu pamaye Klemento ngo ikusami kumtsa mlachekemi kutami ishi gholono isasu atsakiviu vekupha nikeulo shishe mlacheke, panongu jeye akuxupu kakulo anike.

Piyeküsü 19:8

Li likhi lino phepheyikeu phi eno akimthe phuphuyikeu pepuluvae.” Phephe pheyikeu phi kimthe huye Alhou wu timiqono amikucho kumla shikeu huke.

MALAKI 3:17

“Panonguye iwu timiqo shi nani,” ipi Aqokitikhi MPEU no pike. “Ino shiniye kuto akeu shike tsalalo panonguye iwu shive nani. Niye panoqo shou imlo ighiqhiyi nani, tiye anu lakhino papuh qechekeulo apuhno pa kimiyeqhiyi keu toi nani.

Piyeküsü 22:19

Khunono kaku hipaulo tungkuptsa pipuakeu lono kiukiumu ikhiveni keno, akuxupu subo xathi pa saje akeu eno kaku hipaulo Akimthe Phughi ghili pipuakeu lono pa saje akeu ikhiluve nani.

Piyeküsü 3:4

Ikemu tilau Sardia lo nongu khami ani timi tipaqoye panongu phimini shou axine shipuku mphike. Timi tipaqoye metsughoi keu phimini pepu puzu igholo xu nani, kughengu panonguye titoi shikeuno akuzupuke.

Jude 1:24

Itehiye, nongu pelo veqhipemono jukutochekeu lau eno pa kimthe jukuvupu kungo-alo alokivishi eno tukutiye shimono nongu saghilu nikeu lau,

LESHELE 109:13

Pa laghami kumtsu thikhave pelo, eno ighinikeu tiqhelilo paje kumsumave pelo.

SAMUEL ATUGHIU 17:25

Panongu dolo pikile “Pa julepi oe! ‘ Pano ni khu akeu sutsa inijulepi! Akukau Saul no timi khukhumu Goliat heqhiluve keuye ighono agho kije lakhi tsunikeu shi eno tinguno alaughi akukauno pa nga pesu timi tipau kilo kulapuwoni keu shi eno timi tipau papuye kumu chhighame tsupemo nikeu shi tushoqhi puanie.’ ”

ZAKINIU 9:14

Ilakha kevilo, niye panoqo kutsakhaveni keu kumsuluvae tishianguno timi khumu panoqo kumsulu pemove nike. Tithiu ino okugha pesu panongu nguno ashiayeh kuloghi eno akuka akumtou lakhi shivetsuni ke.’

Luke 10:20

Tishinamu hipaqo ghahwuno nongu qhoqhulu pekeulo alokivi shikevilo; ikemu nongu je kunguu yehpuakeulo alokivi shilo.”

Piyeküsü 2:11

Khunono akini puani keno Aghunguno akukuhouqo lau piakeu chilupelo! Khunono theqhikulushi toluni keno akithi akiniu pesu ghuzamo nani.”

Piyeküsü 3:12

Khunono theqhikulushi tolunikeno, ino pa pelo iLhou chinekilo atsukucho lakhi shipe nani; paye tipau lono khilemu khalau wuvemo nani, eno ino pa shou iLhou je eno iLhou phughi je yepuku nani. Aphughi tiye kungughalo Alhou launo iqighinikeu Jerusalem akitheuke. Ije akitheu ghi ino pa shou yepuku nani.

Piyeküsü 6:11

Panongu lakhikhi lau chijebobo keuphi akimiye lakhikhi tsu eno panongu vilo ado ikhonheyi ghenguno ngo aghilopi pive, tiye panongu kusami aqemi eno athikuzumi panongu toi ghiqhivekemi kikihi kupu miphi kutolo ngo aghilo pive.