Piyeküsü 3:3 - BAIBEL (BSI)

³ Tishiaye, kiu oshikave akeno eno nono kiu chiluve akeno kumsuchilelulo; tipau pechelo eno oxine launo xaideghilo. Nono idathughimo aye, niye kupukami lakhi toi ighi nani, eno ino kiu tuqhudo lono olau ighini cheni keno noye mtha nani.

Sümi Tiqhelimi Bible

³ Tighenguno, nono kiu ithulu eno chilu keno kümsülulo; tipau mutotoi tsüqülulo, eno xaidelo. Ikemu nono ithumo aye, I no küpkami lakhi toi ighi nani, eno I no kiu dolo no O lau ighi nani keno no ye mtha nani.

Sumi Naga CL (Re-edited) Bible (BSI)

³ Tishi aye, nono kiu ithulu eno chilu püani keno kümsü lulo. Tipau pepimhe no xaidelo. Nono ithughimo aye, Ni ye küpkami lakhi toi ighi nani, eno kiu tüqhüdo lono I no o mjochile ighi nani keno no ye ithimo nani.

Piyeküsü 3:3 Referans Kwoze

Piyeküsü 2:5

Tishiaye, noye kiutoi veqhive akeno kumsululo. Xaideighilo, eno nono atughulo kiu shichekeno tipau shilo. Nono xaideghimo napiaye ino olau ighi puzu owu akulukibepu tipa alono ikhive nani.

2 Peter 3:10

Ikemu Ampeu Tsalaye kupukami lakhi toi ighi nani. Tipa tsalalo atsutsuye asutsa kuloghishi ighano hauve nani. Atsutsulo akeqoye pitipuhave nani eno ayeghi ngo tile akeu jeli kumtsu piti puhave nani.

1 Thes. 5:2

Kughengu nongu ampino akivishi ithi anike Ampeu Tsalaye kupukamino putho lono ighike toi nani.

Piyeküsü 16:15

“Julo! Niye kupkami lakhi toi ighini cheni. Khunono zuida apuzu pa phimini jukuto anikeno tipano lokivipue, tishianguno paye aphi kumsa iqhoiqimo nani eno aqo zulo kujomzavemo nani!”

MATTHEW 25:13

Tighenguno khejukuto alo kughengu nonguye atsala momu atuqhudo mthake.

IBRIMI 2:1

Tighenguno ningu kuchou jeli khije chiluve akeno tipaqo amlo tsuqhiyi kumsukutoju masae, tishianguno ninguye putosupe wuvemo nanike.

1 Tim. 6:20

Timothio, opelo jukutopeniye kiu otsupuani keno khelo Alhou sumokeu tsapi eno timino mtha puzu “Akighithi” kighekile chekeu hu phevelo.

Mark 13:36

Pano zuleno ighikelo noye zuaghi mokepu shimasa!

Mark 13:33

Kutokupuyi khealo, kughengu kiu ghuloki lono ighi nani keno nonguye mthae.

EZEKEL 36:31

Nonguno nokumla lhoksa ngo achipikumo mlapuakeu kumsu chilelu nani eno noxineqo eno kuchhube kumla shipuakeulo nolikhi nojupe aphimuqhuve nani.

Piyeküsü 3:19

Ino kimiye chekemiye sakiyi eno aghime tsu cheni. Tishiaye amlo tsuqhiyi shilo eno oxine launo xaideghivelo.

2 Peter 3:1

Ino kimiyechekeqo, niye hipau pha ghuthu akiniu nongu lau yepuwu ani. Hikuma kini kujolo hipaqo thime pesu nongu piputo puzu nongu lolo mutsumishei keu kukumsu hakuthotsu anike.

Piyeküsü 3:11

Niye keyi ighini cheni; nono peakeu mutotoi tsuqupe alo, tishianguno khuu pelomu owu tokulu saxu suxalu vepemonike.

Piyeküsü 2:25

ikemu ino ighimoke kutolo nonguno kiu ani keno tipau mutotoi tsuqupe alo.

2 Peter 1:13

Ino xuake thaqhulo nongu piputono kudaputhu keu achipikepi ino kumsulu ani.

2 Tim. 1:13

Nono ilauno chilupua keu kuchou tsa ghola hu papechelo, eno Khristo Jisu gholo akupulu eno kikimiye akeulo xuachelo.

EZEKEL 20:43

Tithiuno nonguno kujomza kepu jeli khije shichekeno eno kishi nolikhi nokitiqeve chekeno nonguno kumsu chilelu nani. Nonguno alhoksa jeli kumtsu shikeu ghenguno nolikhi nongu jupesu niqhunilai keu shive nani.

Piyeküsü 3:2

Idathuvelo, eno noye kiu pe anikeno tipau qhoyi thimphi lono shikumtolulo, kughengu iLhou zulo niye okumla shiwotolupe aghikeu ithumlae.

Piyeküsü 22:7

“Julo! Niye itheno cheni. Khunono kaku hipaulo tungkupu-tsa yepuakeu peluni keno tipano kumghae,” ipi Jisu no piani.