Biblia Todo Logo
Bib sou entènèt

- Piblisite -




Piyeküsü 21:8 - BAIBEL (BSI)

8 Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”

Gade chapit la Kopi

Sümi Tiqhelimi Bible

8 Ikemu bamsami, pülümo kemi, ayiküsami, hekiqhimi, kipito xüküpsami, kuduu shi chekemi, ajulho mülá chekemi eno akimkimiqo kümtsü huchuhuyi piti akeu amichu yizükucho lo vesüve nani. Hino akithí akiniù ke.”

Gade chapit la Kopi

Sumi Naga CL (Re-edited) Bible (BSI)

8 Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

Gade chapit la Kopi




Piyeküsü 21:8
39 Referans Kwoze  

Khunono akini puani keno Aghunguno akukuhouqo lau piakeu chilupelo! Khunono theqhikulushi toluni keno akithi akiniu pesu ghuzamo nani.”


Ikemu aphughi nguno khalauye alhoksa kitiqevekeqo, kuduu shichekemiqo, salha shupukemi, ghikiqhimi, ajulho shisuno tipau mllakemi, akimki kimiye eno miki cheni keno tipaqono acheni.


Kughakutha alo akimki shepe shikemiye ghimeni putsae eno akimki tsa kipimiye puhave nani.


Khunono pa thikuzumi mithi cheni keno panoye timi ghikiqhimike, eno nonguno ithi anike, timi ghikiqhimiye panololo lhokta kuxu kuhae.


Aqokitikhi MPEU no pi, “Niye kughatha nike nongu gholo ipeghi nani eno khunoqono kuduu shi cheni, salha shupu cheni, akimki shepe shi cheni, khunoqono pano kumlami atha tsukelo pishiqhi cheni eno khunoqono chimemi, mighimghaqo eno inaghami hapheve cheni eno isumsa chemo keno timi tipaqo shou ngukube nike ino ashepe tsunike ighi nani.


Tughashi ngo pa gholo kichile tungkupu pa zulono akumzapu kumla shichekeu ngo ishi akughu shipeniye kughaluve. (Kichile tungkupuno akumzapu kumla shipuzu khunoqono tughashi wu amchi pe-a eno khunoqono tughashi wu ajulho shisukeu mllachekeno tipaqo pishiqhi acheke.) Tughashi ngo kichile tungkupu pama kini kujo akuxuno amiyizulo amichu pesu pitiakeulo vesuve.


Timi kumtsuno kulakupu gihukepu shilo; eno akimi anipu dolo pukhukile kulupu shilo; kughengu kiptimi totimi dolo mithemokemi eno kutuqha chekemi shou Alhou no kughathabe nani.


Akukutsu hipaqoye timi pishikiqhimi kimkimi vechewo ighi cheni eno timi tipaqo loloye kivikusa ithichekeu huye ayino pitikushughive keu toivae.


Tile Jisu no ishi panongu vilo pi, “Akupulu kitila likhi akeqo, nonguye kushiye msa ani kya?” Tishieno pano ithu puzu amlhu ngo azughi lomipi, ikelo shishe iquneyive.


Tike kumono panonguno ghiqhikile chekeu, kuduu shichekeu, salha shupukeu eno pukachekeu lono xaideghimoe.


Nonguye nongu papuh tughami tianuliqoke eno nongu pulouye nongu papuh ghoapulou shinishie. Inahu abothu lono paye ghikiqhiu ke. Paye khilemu kuchou kudau ajumphie, kughengu pa lolo kuchou kuhae. Kughou pano akimkitsa pinikeno pa lhoaye lono kiu keno tipau shi anike ghenguno paye akimkiuke eno akimki jeli kumtsu papuh ke.


Angulho pithive tsumla kepushi aye tathono, aphimpi pithivetsukulumiye msa kevilo; ikemu Alhou no aphimpi eno angulho kinikujo Alhomi yizu lono pithive tsulu nanike pa msalo.


Kughakutha alo nono mikikeu tsa piaye noye aghime sholu nani, tileno povemla nani.


“Kijemino timiqo vilo highi ishi pilo, ‘Hilehi timi khuala anhu thiveno musa ani kesha? Tishi aghi aye paye akilo wolu nani. Tishimoaye pano kutami mlolo anhu thivekeu shive tsu nanike.’


Tishiaye, akimkiuye khuu kya? Tiye timi khunono Jisu ye Mesiya kumo kepi pini keno timi tipauye Khristo Kimthiuke. Paye Apu eno Anu milive cheni. Paye Apu eno Anu milive cheni.


Muchomi timino gihuche keqono akutsuke eno tungkupmi miki chekeqono ashomhike!


Ikemu khuno Alhou Nu shou pulubeni keno pa mlolo hipau shepe acheni; ikemu khunono Alhou shou pulubemo nikeno pa pesu akimkiu shivetsu cheni, kughengu Alhou no pa Nu ghili pikeulo pulubemo kehue.


AMPEU no pi, “Nongu pelo musave chepekeu lhou hipaqoye khunoqo keno nonguye ivilo akimki tsa picheni eno qhoyi ikumsumave cheni kya? Ino ado kushuwa inaqhoi auveke ghenguno nonguye igihumono ngove kesha?


Timiqo lau kutughulo, ‘Khu-khumu msakeu ye akilo idewove pelo, eno ninguye Gilgal tolo ngo nani.’ ” Ikehu kuchono msakemi pano 22,000 ye idechile wove eno 10,000 likhi ngolu.


Ino okumlaqo, oghichheghime eno nono kutuukulu shikeu ithitoi ani. Noye alhoksami pelo tishi shiape nishi chemokeu ino ithi ani. Khunono pano likhi pano pesu apostolmi ipiche keno tipaqo nono miqejuke eno panoqoye kimkimi shiaghike.


AMPEU no pi, ‘Oshikumto chekeu huye nike. Nonguye kushiye thivenikuau timi musa cheni kya? paye atsuni nguno akushuu xuchemo ke.


Satan no pa peitha akeu kukakumto lono Alhoksau hu ighi nani eno akumzapu kumla jeli ngo kichileu michipu eno akichiqhipu kutomo shipepiye nani,


Nongu Puloshoqhi Akitheu kimekutsuu Jisu lau eno Abel jih nguno kupuqhiyi pipuakeu kuzutepuku keu jih lau ighi ani.


Panonguno Alhou ithiakeu tsa picheni, ikemu panongu kumla kughuthano tipau sasu kidimoe. Panonguye aphikumqhupu eno hekibidemike, eno akumla kivi kiumu shilukepu qhemi kumoe.


Ino kungulonhetsulo khurshiqo ye hitoi ithulue: khurshi shou chekemiye ayikutuqhokeu mla-kuxa pepu ae, tiye ami toi huchui, safir toi tsulabeyi eno amichu toi awunye. Khurshiqo kutsuye abongushu toi eno ami, amichhi eno amichuno panoqo kichi lono ipeghi.


timi tipauye Alhou loghu ji lekitemokeu pa jukhulo lesuno shope nani. Timi tipauye kungumi akimthemi zulono eno Bheriti zulono ami ngo amichu pesu pitipuzaqhi nani.


Ikemu kiukiumu alhoksano kitiqevekeu thaqhuye aphughi tipaulo ilomla, momu khunono akukujopu kumla shi cheni eno miki cheni keno tilehi ilomla nani. Timi khunoqo je Bheriti wu akuxupu kakulo yepe puaghini keno tipaqo likhino aphughi tipaulo ilolu nani.


Ikehu niye msaveke eno ino wupuzu owu pisa ayeghilo kusupe qhiveke. Owu pisa hu hi anie.’


[Tilehiye panongu pithe khilemu thichemoe,eno ami khilemu inhechemoe.]


Swiv nou:

Piblisite


Piblisite