Piyeküsü 21:6 - BAIBEL (BSI)

⁶ Pano pi, “Hiye tavae! Niye Alfa eno Omega ke, abothu eno kishekhakeuke. Khunono tughuthi anikeno akuxupu zupuki lono azu sholu kepushi ino kumsano tsu nani.

Sümi Tiqhelimi Bible

⁶ Pa no I vilo pi: “Hi kümtsü tavae. Ni ye Alpha eno Omega, Hukuthuu eno Kishekhau ke. Tüghüthi akemi lau kümsá no aküxüpu züpuki lono azü tsü nani.

Sumi Naga CL (Re-edited) Bible (BSI)

⁶ Pa no I vilo pi, “Hi no tavae! Ni ye Alpha eno Omega, abothu eno ashekhau. Tüghüthi kemi lau aküxüpu züpuki lono I no ame lumono tsüni.

Piyeküsü 21:6 Referans Kwoze

John 4:10

Jisu no khochile, “Alhou no agho tsukeu nono ithi aghike aye eno ovilo azu piyelopi khuakeu ithiaghike aye, noye pa vilo akuxupu zu khunicheke eno pano tipau otsunicheke.”

Piyeküsü 7:17

Kughengu akuka lakhu mutalo akeu Bheritino panongu kheu shive nani, pano panoqo sasu akuxupu zupukilo sawu nani; eno Alhou no panongu nhezu isuvetsu nani.”

John 4:14

ikemu khunono ino tsukeu zu shoni keno paye khilemu tughuthi kithemo nani. Ino azu pa tsukeu huno pa lolo lhokta kuxu zupuki lakhi shi qoipeghi ache nani.”

LESHELE 36:9

Nono akuxu jeli pukike eno okuvu lono ningu pelo akuvu ithulupe ke.

Rommi 8:32

Pano paNu ghi suchilevemono ningu kumtsu ghenguno pephetsuveke! PaNu tsukeu gholono thwokha kumsa ningu tsumoni kesha?

Piyeküsü 22:17

Aghungu eno kulaliuno piani, “Ighilo!” Khunono “Ighilo” ipikeu sutsa chilu keno tipaqo pelo ighi pelo. Khunono tughuthi anikeno ighilo, khunono lunishi ani keno akuxupuzu kumsagho shighi ikhilulo.

Piyeküsü 1:8

“Niye atughiu eno ashekhau” ipi Ampeu Alhou Akughushuu, khuuno acheghi, khuuno acheni eno khuuno ighini cheni keno pano pike.

Rommi 3:24

Ikemu Alhou no kumsano kimiyeqhiyikeu lono Jisu Khristo xachilekulu akeu vechewo panonguye Alhou lau achipikaluvae.

Piyeküsü 22:13

Niye Alfa eno Omega ke, atughiu eno ashekhau, abothu eno kishekhakeuke.”

Piyeküsü 16:17

Kungumi akutsuniuno amlhulo pa bohu leqhipuku. Tileno asutsa kuloghi lakhi achineki lono ipeghi eno ishi pi, “Hiye tavae!”

ISAIAH 12:3

Azu kuxuno tughuthi akemi lo vepiqitsuke toi, Alhou wu timiqono alovike pano panoqo xalukelo.”

Piyeküsü 1:17

Kughou ino pa ithulukeno niye thivekeshi pa pukhu phivilo ikiqive. Ikemu pano pa u-ajeu pesu ishou bepuzu ishipi, “Musakevilo, niye atughiu eno ashekhauke,

1 Kor. 2:12

Ninguye hipa yeghilo ngu-agha ithuluke kumoe, ikemu Alhou launo puwukeu Ghungu ithuluke, tishianguno Alhou no kumghagho tsukeu kumtsu ningu pelo ithipeni yeke.

JEREMIYA 2:13

kughengu iwu timiqono axine kini shivae: panonguye ni azu kuxu zupuki launo tsughusu chevae, eno panonguno atu tughuko chhu ani, ipovekeu tughuko loye azu mighepe puamla nanike.”

Piyeküsü 10:6

eno kungugha, ayeghi, azughi eno tipaqolo akeu jeli kumtsu lhophekeu Alhou, khuuno alhokupujulo xu acheni keno paje lono tushoqhighi ishipi, “Hinguno hilau munuvepemo nani.

JOYIL 3:18

‘Tipa ghulokiloye naghutoqoye atsayiluno nhachhive nani, Atoghi kumtsulo amshi cheghi nani; Juda lo aghokiti akeu kumtsulo azuno lukumkha shi auve nani. AMPEU Achine ki kudauno aghoki lakhi qoipeghi nani, eno tipauno Akasiabo Khila azu putsuwo nani.

HOSIYA 14:4

AMPEU no pi, “Niye iwu timiqo ilau sachile saghini. Ino imlo kuchopu pesu panoqo kimiyeni; panoqo shou ixu ide kithemoake.

1 Kor. 3:12

Timi khamino shunayi momu tsandiyi momu akughupu-tu peithano aboqha shou aki shipuku aghiluvi ikemu kutamiye asu momu atsani momu aghijini peitha puaghiluvi.

Piyeküsü 1:11

“Nono kiu ithulu keno kaku lakhilo yepukulo eno akukuhou tsuni lau tipau tsupuwulo: Efesia, Smurna, Pergamos, Thuatira, Sardia, Filadelfia eno Laodikia kukuhouqo lau tsupuwulo.”

1 Kor. 3:21

Ikehu khumu timi pukhupe qheza pekevilo. Kughengu thwokha kumtsu nongu wuke:

1 Kor. 3:5

Maye, Apollo ye kushikemi eno Paul ye kushikemi kya? Ninguye aqemiqoke,Ampeu no pututa shelo akumlapu kophetsu puani, eno ningu vechewo nonguno pululuke.

John 4:11

Totimi huno pa vilo pi, “Akijeu, noye shophelukepu kiumu kuha eno azukikheye thonheyi ishike, noye kishi shino akuxupu zu aghini kya?

Piyeküsü 3:14

“Laodikia kukuhoulo kungumi akeu lau yelu ani: “Atsape hipauye Amen launoke, pukhukuluu eno ashepeu kuchou; Alhou no lhophe puakeqo shou atughiu launoke.