Piyeküsü 20:9 - BAIBEL (BSI)

⁹ Panonguno ayeghi nhakhaluve eno Akimthemiqono achekeu eno pano kimiyechekeu phughi hu suhuluve. Ikemu kungugha lono ami iqighino panoqo pitiqhive.

Sümi Tiqhelimi Bible

⁹ Panongu no ayeghiqha nhachhive eno Alhou’w timiqo no ngo chekeu ghazü eno pa no kimiye chekeu mishighüna süholuve. Ikemu kungugha lono ami iqighi no panoqo pitiqhive.

Sumi Naga CL (Re-edited) Bible (BSI)

⁹ Panongu no aqayeghi nhakhape chesü iqhoghi no küpülümi no achekeu-a, kimiyekiche phughi hu boluve, ikemu kungugha lono ami iqighi no panongu pitiqhive.

Piyeküsü 20:9 Referans Kwoze

EZEKEL 38:16

Pasapagha lakhino ayeghi shou itha ighikeu toi nono iwu timi Israilmi leighi nani. Kughono ado toveni keno, ino opelo iyeghi lewupeniye puwu nani,tiye ashiayehqo pelo niye khuu keno piyeni kehue eno ikimthe piyenike.

EZEKEL 39:6

Ino Magog ghakhulo eno azughi sukumxalo timino bukughuthamono kughuna achekeqo ghakhulo ami suvetsu nani eno timi kumtsuno niye AMPEU kepi ithi nani.

EZEKEL 38:22

Ino kusukini ngo ghiqhikile keu pesu pa ghimeqhi nani. Pa eno pawu aghushimi eno ashiayeh kumzapu pa kudau shi akemiqo shou tsuqhu tsughukeu ngo apughu eno tipa gholo ami ngo amichu lepukutsu nani.

EZEKEL 38:9

Pa eno pawu aghushimiqo eno pa gholo ashiayeh kutami kutomo akeqono pasapagha toi leighi nani eno khungkusu lakhi toi ayeghi nhaluve nani.”

2 Thes. 1:8

Ami kuyiqu pesu Alhou mthakemi ngo niMpeu Jisu tsakiviu gholumokemi shou aghime tsu nani.

LESHELE 106:18

Panoqo pape chekemi shou ami iqi ghi eno ti kixikilami pitiqhive.

LESHELE 97:3

Amino pa zuu wupuzu pa ghumi pa sumxape akemi pitiqhike.

Piyeküsü 13:13

Tughashi hi akiniu huno amchipu kumla kije shipepiye, timi kumtsu zulo atsutsu lono ayeghi shou ami iqighi pe.

Piyeküsü 11:5

Khunono pama shipusaniye shinikeno pama kichi lono ami ipeghi puzu aghumi pitiqhive cheni, titoi shipuzu pama shipusaniye shikemi pithive nani.

Luke 17:29

Ikemu Lot no Sodom vecheke tsalalo, atsutsu lono ami eno amituqu ghuqhi puzu panongu kumtsu kutsave.

Luke 9:54

Kughou akhopeu Jems ngo Johan pamano ti ithulu keno pamano pi, “Ampeu noye ningu pelo atsutsu lono ami kupiqino panongu pitiqhi penishi anima?”

ISAIAH 37:36

AMPEU wu kungumino Asiriyamino akeu alo wupuzu ghushimi 185,000 pithivetsu. Thanau inaqhe tsutho ipeghikelo panongu kumtsu thikhaveaghi!

AKIKIHI 16:35

Tithiu AMPEU no pitimuha keu mi puwu puzu khunonguno tsungqu-ta suwo qhitsukeno timi 250 hu pithivepe.

AKIKIHI 11:1

Timiqono panongu kijiksa ghili pesu AMPEU vilo muchho keu AMPEU no panoqo sutsa chilukelo, paye amlo ideve eno timiqo shou ami puwutsu. Tipauno panongu dolo iqu ipeghi eno aghazuqha halau piti pusave.

IBRIMI 13:13

Tighenguno ninguye kughunachekeua nguno khalau pa lau wuni eno pa jukunatha keu kusajeni nolo.

HABAKUK 1:6

Ino Babilon ayikusau eno ngosukumlau pesu akuka tsuno kutami yeghi lelupe nike puwuni cheni.

MICAH 2:13

Alhou no panoqo ghenguno ala khaqhitsu nani eno halepupokeu lono panoqo saipe nani. Panonguno aphughi kikha vexu ipeveno ililayi wu nani. AMPEU ampino akukau shino panoqo saipe nani.

ISAIAH 30:33

Asiriya lo akukatou ami lono piti kepushi kha-ghino a-a lakhi kutope auvae. A-a tipauye thonhei eno kijeke eno asu ghekisheqhe puani. Tipaulo ami sunike AMPEU no ami kuyiqu amuqo lakhi fupuwu nani.

KUKAMI AKINIU 6:15

Thoghiu inaqhe itheno Elisha qeuye ithughive eno khalacheu ipeghike lo Siriyami ghushimi khurshi ngo khurkulu sasu ti taun homxapesu aghikeu ithulu. Tileno pano Elisha lau poighino akichiqhi pi, “Ninguye thiniae. akijeu, ninguye kishiveni kya?”

BOTHUBO 19:24

Tile AMPEU no Sodom ngo Gomora shou atsutsulo AMPEU launo alkatra kipti ngo ami ishi ghuqhi pukue.

Luke 21:20

“Kughou ghushimino Jerusalem suhope aghikeu nonguno ithuluni keno, ti kutsave nikeu kupunuvea pi ithilo.

Luke 19:43

Ongukusa tsala ighi nani, oghumino ayeghino atozu toi pesu osumxa shipuku nani, eno okhasuluve nani, eno aqha kumtsu lono osuhuluve nani.

ZAKINIU 23:14

Nowu aphiki ghazu achinepulo akimthe shi qhilo kughengu AMPEU nongu Lhou ye nophiki ghazulo ngopuzu noghumiqo launo nongu susholuni eno tokulu nongu tsuniye ke. AMPEU no nongu lau azupo tsughu tsuve kepu niqhunighulai keu ghusho ghili kiumu shikevilo.

LESHELE 87:2

Israil lo a-a kutau kumtsu nguno pano Jerusalem phughi kupuke.

JOB 38:18

Ayeghiye khipahi kije kela noye ithikuthuwoju akesha? Nono hi kumtsu ithi ani aye lhejulo!