Piyeküsü 20:6 - BAIBEL (BSI)

⁶ Kithimi xuputhukeu atughiu hipaulo khunoqono suluni keno tipanoqoye shishe akumgha eno alokivipue. Akithi akiniuye panoqo shou akuka kuha nani, panonguye Alhou wu eno Khristo wu achinemi shive nani eno panonguno pa gholo ampe 1000 ayehpe nani.

Sümi Tiqhelimi Bible

⁶ Khunoqo no xülekuthu shikeu atüghiu lo küsajelu keno panongu ye akimthemiqo ke eno panongu ye shishe müghae. Akithí akiniù ye panongu shou aküka küha nani, ikemu panongu ye Alhou eno Khristo’w achinemiqo shi nani eno Khristo gholo ampe qhethonhe lakhi ayè pe nani.

Sumi Naga CL (Re-edited) Bible (BSI)

⁶ Khunono xüchilekulu atüghüu lo küsaje luni keno akümghapu eno akimthepue. Akithi akiniu ye hipaqo shou aküka kühavae, panongu ye Alhou eno Khristo chinemi shi nani eno Pa gholo ampe qhethonhe ayepe nani.

Piyeküsü 20:6 Referans Kwoze

Piyeküsü 1:6

eno pa Lhou eno pa Pu qepeniye ningu pesu achinemi yehkipeqha lakhi shivetsu keno, pa lau akimthe jekipi,ayehkipe alhokupujulo achepelo! Amen.

Piyeküsü 2:11

Khunono akini puani keno Aghunguno akukuhouqo lau piakeu chilupelo! Khunono theqhikulushi toluni keno akithi akiniu pesu ghuzamo nani.”

Piyeküsü 20:14

Tileno akithi ngo kithila yeghiye amiyizulo vesuve. (Amiyizu hipauye akithi akiniuke.)

Piyeküsü 5:10

NiLhou qe penike achinemi yehkipeqha lakhi panoqo ghengu shipe qhitsue, eno panonguno ayeghi shou ayehpe nani.”

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.

2 Tim. 2:12

Ninguno puqhekulushi aye, ningu ghi pa gholo ka nani. Ninguno pa peve aye, pa ghi ningu peve nani.

Rommi 8:17

Ninguye pa nuli aye pano pawu timiqo ghenguno amheghi puakeu ninguno ighilu nani, eno Khristo sasu ningu ghi amheghi ighikemi shinia. Kughengu ninguno Khristo ghichhe ghimelo kusaje aye, ningu ghi pa kimthe jukuvulo kusaje nani.

DANIEL 12:12

Atsala 1335 vechemoke kutolo khunoqono aghokulu shi aghini keno panongu kumghapue!

Piyeküsü 22:7

“Julo! Niye itheno cheni. Khunono kaku hipaulo tungkupu-tsa yepuakeu peluni keno tipano kumghae,” ipi Jisu no piani.

Piyeküsü 14:13

Tileno kungugha lono asutsa lakhi ishi pikeu ino chilue: “Hipau yelo, hinguno hilauye Ampeu huthukeu lono thikemiqo lokivipuke.” Aghungu no ishi khochile, “Mutsuqheyino tishike. Timi tipaqoye panoqono shishe ichhe ime chekeu lono akulho qhilupeniyeke, kughengu panongu kumlano panoqo pape cheni!”

Rommi 12:1

Ikehu ithikuzumiqo, Alhou wu qhuivulayi keu kutomo ningu lau akeu vechewono ino nongu vilo hi qhuiniju ani: Nongu phi-mpi pesu Alhou lau akuxuno mllakeugho shi-ghi qhitsulo, pa kumlapulo akimtheshi peitha penike eno pano ikhilu kuzupushi tsulo. Hino kuchou shi nonguno mlla kepue.

Piyeküsü 21:8

Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”

1 Peter 2:5

Akuxupu tuqu shi-ghi pa lau ighilo eno aghungulo ki shikeulo nongu peithapelo. Tilehi nonguye akimthe chinemiqo shighi Jisu Khristo vechewo aghungu lono aghashikeu Alhou lau ikhikulupushi mllalo.

Luke 14:15

Tile kuchukusho shiakemi lakhi ye hipau chilu puzu Jisu vilo pi, “Khunono Alhou yehkipelo kuchu kusho shi nani kela akumghae!”

ISAIAH 61:6

Nonguye AMPEU chinemi kepi ithipe nani, Ni Lhou qemiqo shi nani. Nonguno ashiayeh kutamiqo wu kinikulu peitha nani, eno tiye nowu kepi nokijivilo nani.

ISAIAH 4:3

Jerusalem lo qhivekemi thaqhu, Alhou no xuaghipeniye kisheluve kemiye akimthe kepi ku nani.

Piyeküsü 3:21

Khunono theqhikulushi toluni keno ino theqhi kulushi toluve puzu iPu gholo pa kuka lakhulo iqalu ketoi, ikuka lakhulo igholo iqalupe nani.

Piyeküsü 22:5

Tilehiye putho tsala kuhae eno panonguye akulu momu tsukinhe kuvu avehupu kuhae, kughengu Ampeu Alhou no panongu kuvu shive nani eno panonguye alhokupujulo kukami toi ayehpe anani.