Piyeküsü 20:10 - BAIBEL (BSI)

¹⁰ Tileno pano pishiqhichekeu Tughami huye ami eno amichu pitiakeu yizulo vesuve, khipa-alo tughashi ngo kichileu tungkupu vesupe puakeno, eno putho pucho alhokupujulo panonguye tileno pitipuzaqhi nani.

Sümi Tiqhelimi Bible

¹⁰ Eno panongu pishiqhive keu tüghami hu ghí tüghashi ngò kichileu tungkupuu pama vesüve no pitiqhi akeu amichu yizükucho lo vesüve. Panongu ye putho-pucho alhokupuju lono alhokupuju kutólo ghimeqhi anani.

Sumi Naga CL (Re-edited) Bible (BSI)

¹⁰ Eno panoqo pishiqhive keu tüghami huye khile tüghashi eno kichile tungkupu akeno, amiyizü eno amichu iqüke-a lo küghape vesüve, tilau no panoqo ye putho pucho pülhapuju eno alholo ghimeqhi anani.

Piyeküsü 20:10 Referans Kwoze

MATTHEW 25:41

Tileno pano pa-u piyiu akeqo vilo ishipi nani,”Ilauno chevelo, nongu Alhou no musuinivekeqo! Tughami ngo pawu kungumiqo ghenguno alhomi kutope puakelo ilovelo!

Piyeküsü 19:20

Tughashi ngo pa gholo kichile tungkupu pa zulono akumzapu kumla shichekeu ngo ishi akughu shipeniye kughaluve. (Kichile tungkupuno akumzapu kumla shipuzu khunoqono tughashi wu amchi pe-a eno khunoqono tughashi wu ajulho shisukeu mllachekeno tipaqo pishiqhi acheke.) Tughashi ngo kichile tungkupu pama kini kujo akuxuno amiyizulo amichu pesu pitiakeulo vesuve.

MATTHEW 25:46

Panonguye alhoghimepulo puwuve nani, ikemu achipikalu chekeqoye lhokta kuxulo wu nani.”

Piyeküsü 20:8

pano ayeghi cheku bidilo ashiayeh akeqo, ti Gog ngo Magog pishiqhinike wuve nani. Satan no aghu shiniaye panoqo kumtsu kumqo sasu ighi nani.

Piyeküsü 16:13

Tileno mithekumo ghahwu, jukelo ye achuyi toikeu kuthu, lakhino Dragon kichi lono, lakhino tughashi kichi lono eno lakhino kichileu tungkupu kichi lono ipeghikeu ino ithulu.

DANIEL 7:11

Ino ju akelo itaghi akibo aghulo lakhino aqhekuzashi pikeu chilu. Ino jupulano tughashi abidiu hu heqhive, eno pasukumo khape amilo vesuveno pitive.

MATTHEW 7:15

“Kichile tungkupmi jukutomasa, panonguno ashouye bheri toi nongu lau ighi cheni, ikemu panongu loloye tungtugha yikusa toike.

Piyeküsü 9:17

Ino kungulonhetsulo khurshiqo ye hitoi ithulue: khurshi shou chekemiye ayikutuqhokeu mla-kuxa pepu ae, tiye ami toi huchui, safir toi tsulabeyi eno amichu toi awunye. Khurshiqo kutsuye abongushu toi eno ami, amichhi eno amichuno panoqo kichi lono ipeghi.

Mark 9:44

[Tilehiye panongu pithe khilemu thichemoe,eno ami khilemu inhechemoe.]