Piyeküsü 2:5 - BAIBEL (BSI)

⁵ Tishiaye, noye kiutoi veqhive akeno kumsululo. Xaideighilo, eno nono atughulo kiu shichekeno tipau shilo. Nono xaideghimo napiaye ino olau ighi puzu owu akulukibepu tipa alono ikhive nani.

Sümi Tiqhelimi Bible

⁵ No ye khikuto lo veqhivea keno kümsüjulo! Xaideghivelo eno nono atüghi lo mülà keu kümlàqo shilo. Nono xaidevemo aye I no O lau ighi nani eno O kulu ghopeqhi püakeu-a lono ikhive nani.

Sumi Naga CL (Re-edited) Bible (BSI)

⁵ Tighenguno no ye khileno ikiqive akeno kümsü lulo; xaidelo, eno atüghü lo nono kiu mlache keno tipau shilo. Nono xaidemo keloye, I no o lau ighi no o kulukibepu hu tipa-a lono ikhivetsü nani.

Piyeküsü 2:5 Referans Kwoze

Piyeküsü 3:19

Ino kimiye chekemiye sakiyi eno aghime tsu cheni. Tishiaye amlo tsuqhiyi shilo eno oxine launo xaideghivelo.

Piyeküsü 2:16

Tishiaye, axine lono xaideghivelo. Tikumo aye, niye pai olau ighi nani eno ikichi lono ipeghikeu zuta pesu timi tipaqo sasu aghushi nani.

HOSIYA 14:1

Israil lo akemiqo, nongu Lhou AMPEU lau ide ighivelo. Nongu xineno nongu kupuxape eno veqhipeke.

Piyeküsü 2:19

Ino okumlaqo ithiani — kikimiye, akukuphu, akupulu, kheakulushi mlakeu ino ithi ani. Atughilo nguno itehino alaushi mla akeu ithi ani.

Piyeküsü 1:20

Ayepu tsuni i-u ajeu akeu nono ithulukeu eno shunayino shikeu akulu kibepu tsuni wu kuthokuzu kiqiye hike: ayepu tsuni huye akukuhou tsuni wu kungumiqo ke eno akulukibepu tsuni huye akukuhou tsuni huke.”

EZEKEL 20:43

Tithiuno nonguno kujomza kepu jeli khije shichekeno eno kishi nolikhi nokitiqeve chekeno nonguno kumsu chilelu nani. Nonguno alhoksa jeli kumtsu shikeu ghenguno nolikhi nongu jupesu niqhunilai keu shive nani.

Luke 1:17

Tungkupu Elija kuka kumto toi pano Alhou ghinimi shi wu nani.Pano apuh noqo eno anuliqo saidewo kughokulu shitsu nani. Pano hekibidemiqo amikuchomi kukumsu lalo saideghi nani; eno kutope akeqo Ampeu wu timi shitsu nike hekutsu nani.”

MALAKI 4:6

Pano itaghi apuqo ngo anuliqo kumtsa saghini; tikumoaye ino ighikepu shi nani eno noghakhu kutsave nani.”

ISAIAH 1:26

Atughulo shicheke toi ino kughakuthami nongu tsuchileni eno kha-ghi abothulo toi mije kutsumi nongu tsuni. Tileno Jerusalem ye amikucho eno pukhukulu phughi ipi kuluve nani.”

Luke 20:16

“Pano ighi puzu timi tipaqo pithive nani eno atsayilu pesu mishi chichekemi kutami tsuve nani.” Timiqono ti inia puzu pi, “Khilemu kumoe! Tishi pemoniu.”

Mark 12:9

“Atsayilu mpiuye kiu shikepu kya?” ipi Jisu no iniju, eno itaghi ishi pi, “Pano ighieno timi tipaqo pithive nani, eno atsayilu pesu mishi chichekemi kutami tsuve nani,

EZEKEL 36:31

Nonguno nokumla lhoksa ngo achipikumo mlapuakeu kumsu chilelu nani eno noxineqo eno kuchhube kumla shipuakeulo nolikhi nojupe aphimuqhuve nani.

Piyeküsü 2:2

Ino okumlaqo, oghichheghime eno nono kutuukulu shikeu ithitoi ani. Noye alhoksami pelo tishi shiape nishi chemokeu ino ithi ani. Khunono pano likhi pano pesu apostolmi ipiche keno tipaqo nono miqejuke eno panoqoye kimkimi shiaghike.

Galatiami 5:4

Nongu khunoqono ayezah papelukeu lono Alhou lau achipikaluniye pukaputsa ani keno panonguye Khristo launo kututa shisu wuvae, nonguye Alhou wu kupukini launo ikiqivae.

MALAKI 3:4

Tileno Juda ngo Jerusalem lo akemino akumllagho khikhi AMPEU lau sughi nikeno tiye pa mlo kiqipu shi nani, panonguno khaghi shichekeu toi nani.

ISAIAH 14:12

“Babilon kukau, inaqhe yepu vuqai chekeu, noye kungugha lono ikiqivae! Wovekeu tsalaloye nono ashiayehqo leluve cheke ikemu itehi noye ayeghilo kughape veqhivae.

Jude 1:24

Itehiye, nongu pelo veqhipemono jukutochekeu lau eno pa kimthe jukuvupu kungo-alo alokivishi eno tukutiye shimono nongu saghilu nikeu lau,

IBRIMI 10:32

Ikemu wovekeu tsalaqolo Alhou wu akuvuno nongu shou yepuvuve kethiu nonguye kishivekeno kumsuchilejulo. Nonguno kutuu puzu aghimeshi shilukusa sasu kushoke.

HOSIYA 9:10

AMPEU no pi, “Ino Israil phulu tughuloye tiye asayeqha lo atsayithi phulu aketoike. Kughou ino nongu puasuqo ithulu keno khughuthi kipithi ghulokilo khughuthi kini amusuu toike. Ikemu kughou panonguno Peor Toghi lo ighikeno panonguno Baal mllathuve, eno paikhavino panonguno kupuqhiyi chekeu lhouqo toi panonguye niqhunilaive.

Piyeküsü 16:9

Akushukumgha huno timi pitiqhi, ikeloye panonguno pusaqo shou akuka kumto akeu Alhou je hu ghushoe; ikemu panonguye Alhou lau akimthe jekipi tsukepushi amlo xaidemoe.

MATTHEW 5:14

“Nonguye ayeghiqha ghenguno akuvu toike. Atoghilo aphughi akeuye kusuve mlae.

MATTHEW 5:15

Khunomu akulu kuqu pesu alino qhove chemoe, ikemu akibepulo be cheni, tishianguno akilo akemi kumtsu lau akuvu tsu cheni.

FILIPIAMI 2:15

tishianguno nonguye jekujeli kuhano viwotokulumi shipe nike, eno chighi chilaikemi ngo kusakughami gholo tukutiye kuhakemi Alhou nuliqo shipeniyeke. Nonguye ayepuqono yevuqai aketoi panongu gholo ayeghilo yepuvu masae,

2 Peter 3:17

Tighenguno kimiyechekemiqo, tishimphi lono nonguye hipau ithilo. Nonguye kutokupuyiluvelo, tishianguno nonguye ayezah pemokemi kipimi gholo musu sawuve nosake eno nonguno tsaqutsaleyi akeua lono ikiqive nosake.