Piyeküsü 19:7 - BAIBEL (BSI)

⁷ Ningu alokiqishi alovini nolo; paye shishe kije kehu ninguno pa sheqheni nolo! Kughengu Bheriti wu kulakupu ghuloki ighivae, pawu kulaliuye tipau ghenguno kutopesu ngoluvae.

Sümi Tiqhelimi Bible

⁷ Ningu alovisheni eno alovini eno ajuküvü pa tsüní nolo! Kughengu Ambeti’w külakupu ye ighivae, eno paw külaliu ye kutò pe ngovae.

Sumi Naga CL (Re-edited) Bible (BSI)

⁷ Ningu alovi ilheni eno ajuküvü pesü Pa tsüni nolo kughengu Ambetiw külakupu do ighivae eno Paw külaliu ye kutope ngovae;

Piyeküsü 19:7 Referans Kwoze

Piyeküsü 21:9

Kungumi tsuni pusa bohu tsuni peakeqo gholo lakhino ilau ighino pi, “Ighilo, Kulaliu, Bheriti nipu opiyenike.”

Piyeküsü 21:2

Eno Akimthe phughi, Jerusalem Akitheu hu kungughalo Alhou launo iqicheghikeu ino ithulu. Hiye kulaliu lakhino li kimi sasu kusholuniye aphimini pepusu akeshi aphughi hipauye kishekulu shi kutopesu che.

2 Kor. 11:2

Nongu ghenguno niye Alhou no anheshu akeshi nongu jupe inheshu ani; kughengu ilimi amikuchomi lakhi timi lakhino luniye inipe puakeshi niye nongu sawo Khristo tsuniye shiake.

MATTHEW 22:2

“Kungugha yehkipeye kukami lakhino pa nu ghenguno kulakupu ghulhu kutope qhikeu toike.

Piyeküsü 19:9

Tileno kungumi huno ivilo ishipi: “Hipau yepe qhilo. Bheriti wu kulakupu ghulhulo khunoqomi kusuni keno tipano kumghae.” Pano ivilo highi pi, “Hipaqoye Alhou tsa kuchouke.”

Ephesiami 5:32

Tuqhou tsa hipauye kuchou kije lakhike eno hile Khristo ngo akukuhou kuma ghenguno kepi ino ithitoi ani.

John 3:29

Kulapuuno kulaliu sa-anikeu ke; ikemu kulapuu kusau huye puthugho puzu ini acheni eno kughou kulapuu sutsa chilu nikeno paye alokivi shi cheni. Tihutoi ilokivi hipau shikupuvetsuae.

ISAIAH 62:5

Apulhothe lakhino ililhothe lakhi pelo pawu kulaliu shiape keshi, Khuno olhophekeno pano osasu kulauve nani. Kulapuuno pawu kulaliu lau alokivi akeshi oLhou no oshou alokivi anani.

Ephesiami 5:23

Khristo no akukuhou shou atou shi aketoi akimi lakhiye pa nipu shou atou ke; eno Khristo no akukuhou, pa phimpi xakuluuke.

ISAIAH 66:10

Jerusalem gholo alovilo; li ghenguno amlo kiqi shilo, nongu aphughi hipau kimiye chekemiqo! Li sasu itehino alovilo, li ghenguno mloqa chekemiqo!

Luke 12:36

eno aqemi khuu no pa mpiuno kulakupu ghulhulo wu puzu munu ighikelo kheaghino pano ighino kukhu kemtsa qhaqhisukeu toi shilo.

ZEKHARIA 9:9

Shishe alovilo, Zion limiqo! Alokivi launo ighalo, Jerusalem limiqo! Julo, nongu kukau nongu lau cheni! Paye ajekipi eno tokulu shi ghi cheni, paye aqhokigheu shi eno gadaha shou ikuno cheni, gadahatsu shouno cheni.

ISAIAH 52:1

Jerusalem mutolulo eno itaghi kije shiluvelo! Alhou phughi akimtheu, jukighilepu jukivi pepuluvelo! Mithekumomiye khilemu ohuki khalo itaghi ilomo nani.

ALE KIMCHI 3:11

Zion lo totimiqo ighilo eno Akukau Solomon julo. Paye pazano pakutsu qhopipekeu kutsuqho pepu ani, tiye pa kukula tsalanino pepipe keu, pa lokivi eno pa lokughunopu tsalanino pepipe keuke.

FILIPIAMI 3:3

Kughengu kuchouno ninguye aphighu yiko ghakemiqoke, kughengu ninguye Aghungu Kimthe lono Alhou mlla cheni, Khristo Jisu lono nikijivilo acheni eno timi lhoaye pesu shikulu pukhupe achemoe.

LESHELE 9:14

Tishianguno Zion mi khagho lono ino osheqhe akeu ghili kumtsu pini, nono ixalukeu ghenguno ino alokivi shini.

SAMUEL ATUGHIU 2:1

Hanna no inikhu: “AMPEU no alokivi pesu imlo chhitsu; Niye ighono alovi ani pano ilau mlatsukeu ghenguno! Ino ighumiqo junu anie; Alhou no ikuphu tsukeu ghenguno niye kiutoi alokiqi kelae!

AHOLE 29:2

Amikuchomi yehkipemi ipiyelo eno alokivishi akemiqo ino opiyenike. Kixikilami yehkipemi ipiyelo eno amloksamiqo ino opiyenike.

LESHELE 107:42

Amikuchomino hipau ithulu puzu alovi cheni, ikemu kixikilami kumtsu yenguivepe cheni.

LESHELE 48:11

Zion lo akemi pelo alovi pelo! Nono xathatsu keuye achipike, Juda yeghilo aphughiqo pelo alovi pelo!

ZAKINIU 32:43

“Ashiayeh kutamiqo, nongu AMPEU wu timiqo sheqhe masae; Pano pithipuaghi kemi pano ghimeqhi nani. Pano aghumi shou amkhu lucheni eno pawu timiqo xine peivetsu cheni.”

ISAIAH 66:14

Hipau shikeu nonguno ithulu keulo alovilo; tiye nongu pelo mutotoi eno ashi aji kivi shipeniyeke. Tileno ni AMPEU no igholukemiqo kuphu cheni eno ighumi shou iloghu ide cheni kepi nonguno ithi nani.”

MATTHEW 1:20

Ikemu pano hipau tsaquyi kumsukutoju akelo, Ampeuw kungumi lakhino asamo lakhi lono pa sasu kusho eno ishi pi. “David laghami Josef, noye Maria lu pesu onipu shinikeu msa kevilo, kughengu lino mishipu akeuye Aghungu Kimthe launoke.

Piyeküsü 11:13

Tipa mutsa ayeghi shishe ilu, aphughi hu kikije achighiuye kutsapinive eno timi 7000 pithivetsu. Timi achilishi aghikeqoye shishe musaveno akimthe jekipipushi kungugha Lhou sheqhetsue.