Piyeküsü 18:23 - BAIBEL (BSI)

²³ Akulu kuvu ololo khilemu itaghi ithulupemo nani; kulaliu eno kulapuu sutsa chimlave nani. Owu alhikishimiye ayeghiqha kumtsulo shishe akuka kuamike, eno owu kichileu kuduu pesu ayeghilo akemi kumtsu nono pishiqhike!”

Sümi Tiqhelimi Bible

²³ Akulu küvü hu ye O lolo khilemu vüipeghi kithemove nani. Külapuu ngò külaliu sütsa hu ye O lau no khilemu chilu kithemove nani. Ow alhikishimiqo ye ayeghiqha lo ighono akhotomi shi acheke. Nono saqhi-sali kichileu shikeu vechewo shiyeqo kümtsü pishiqhi khave ke.

Sumi Naga CL (Re-edited) Bible (BSI)

²³ akulu küvü ye o lolo no vüipeghi moae, külapuu eno külaliu sütsa mu chilu moae, ayeghi lo ow lhidimi ye ajuaje küami keghi ow küdüu kümla pesü nono shiye kümtsü pishiqhie.

Piyeküsü 18:23 Referans Kwoze

Piyeküsü 18:3

Kughengu ashiayeh jeli kumtsuno li shiaji kimighe ji shomzuvae; eno ayeghilo kukamiqono li sasu salha, eno ayeghilo alhikishimino liwu aghichikupo kinikulushi akeu vechewo kinimi shilukhavae.”

ISAIAH 23:8

Tur shou hipaqo kumtsu sughikeuye khuuno kughupe qhi kya? Qhasuachekeu phughi hipaulo alhikishimi sakiphemiye ayeghilo timi kumtsuno shishe gihu cheke kumo kesha?

NAHUM 3:4

Nineve asalhauye ghimeqhi ani. Jukivi eno zupithiluveni keshi lino ashiayehqo musuluve che eno panoqo pesu aqemi kughulhove cheke.

JEREMIYA 7:34

Aghakhuye asayeqha shive nani. Juda phughiqolo eno Jerusalem laghilalo alokivishi aloinokeu sutsa eno kulakupu ghulhulo alokivi sutsa kumtsu ino kuhavepe nani.”

Piyeküsü 22:15

Ikemu aphughi nguno khalauye alhoksa kitiqevekeqo, kuduu shichekemiqo, salha shupukemi, ghikiqhimi, ajulho shisuno tipau mllakemi, akimki kimiye eno miki cheni keno tipaqono acheni.

JEREMIYA 16:9

Ni, Aqokitikhi MPEU no Israil Lhou no kiu pikepu shi nani keno inialo. Ino alokivi, ahukulu sutsa eno kulakupu ghulhu lokivi sutsaqo inaqhoivetsu nani. Hilehi akemi timiqoye hipau shikeu ithuluke kuto xu nani.”

Piyeküsü 21:8

Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”

Piyeküsü 18:22

Akighilebo ghugha eno alekiphemi ghugha, fulili ngo afuko kuyighami ghugha khilemu chilukithe move nani. Kiukiu kumla kishimi namu ololo itaghi aghimove nani, athikutsughu sutsa khilemu chimlave nani.

Piyeküsü 18:9

Ayeghilo kukami khipaqono li salha kusaje eno li ghichikupo kusaje cheni keno tipaqoye kughou li pitikeu michhi phoipeghi keu ithulu nikeno aphughi ghenguno ighamuku qa nani.

Piyeküsü 17:5

Li kishelo tuqhou kiqi lono aje lakhi yepe pua: “Babilon akijeu, salhashupumi eno ayeghilo aphikumqhupumi kumtsu paza.”

Piyeküsü 17:2

Ayeghilo kukamiqono ngosukumlau ashupuu sasu shupusalha achenike eno ayeghilo timiqoye lino shupusalhakeu ji yekeuno shomzuvae.”

AHOLE 24:20

Kixikilami lakhiye xuakuzupu kiumu kuhae, kiumu laju akepu kuhae.

JOB 21:17

Alhou ye ghuthu khije kusakughami kulu fupinhe tsua kya? Panongu lakhi nomu kusakusho sholu akesha? Alhou ye axuide kelo khije panongu ghime akya?

KUKAMI AKINIU 9:22

“Noye kulashinike ghenguno cheni kesha?” ipi Joram no pa iniju. “Kiu kulakishi tsa pi anikya kughengu tumumi eno asu-atu oza Jezebel no huthuphe tsukeu ishi kutolo ningu gholo aphikeno kiu?” ipi Jehu no khochileve.

Piyeküsü 22:5

Tilehiye putho tsala kuhae eno panonguye akulu momu tsukinhe kuvu avehupu kuhae, kughengu Ampeu Alhou no panongu kuvu shive nani eno panonguye alhokupujulo kukami toi ayehpe anani.

Piyeküsü 12:9

Dragon akijeu, ikiqive keu huye khaghi apighi khuu vilo tughami Satan ipi chekeu eno ayeghilomi pishikiqhiu huke. Pa eno pawu kungumi kumtsu pa gholono ayeghilo vepiqive.

Apostolmi 8:11

Pano pawu kuduwu shikeu pesu ado kushuwalo panoqo shikichimama chekehu panonguno pa phesu ache.

ISAIAH 47:9

Ikemu paikhavino, atsala lakhi lono hikuma kinikujo oshou shive nani. Nono kuduu jeli peithaju anamu noye okimi ngo onuliqo puhave nani.

JEREMIYA 25:10

Panoqono alokivi shi eno amlo kiqishi ighakeu sutsa eno kulakupu ghulhu lokivi sutsa kumtsu ino hasuve nani. Panoqo kululo sukepu amizu kuhave nani eno athi kiumu kuhave nani.

Piyeküsü 6:15

Tileno ayeghilo kukami, kijemi, ghushimi atomi kinimi, akuka kuami, eno timi kumtsu, aqemi na ampimi namu atukilo eno naghuto tukiqo qholo itshu wukhave.

Piyeküsü 9:21

Tike kumono panonguno ghiqhikile chekeu, kuduu shichekeu, salha shupukeu eno pukachekeu lono xaideghimoe.