Piyeküsü 18:10 - BAIBEL (BSI)

¹⁰ Panonguye putouno puthughope ngove nani, kughengu panonguye li ghime jumsae eno ishipi, “Aha! Ahakusapu ghi lae! Aphughi akijeu, O Babilon aphughi akumtou! Atuqhudo lakhi lono oshou kughakutha ighivae!”

Sümi Tiqhelimi Bible

¹⁰ Li ghimeqhi akeu jupe akichiqhive no panongu ye putou puthugho no hitoi qa nani: “ ‘Ahasapue! Mishighüna ajekipiu, O Babylon mishiphughi akughushuu! O ghenguno ahasapue! Ayì kihedo lakhi dolo no O ghenguno kishekha tsalà ighivae!’

Sumi Naga CL (Re-edited) Bible (BSI)

¹⁰ Panongu no li ghime jumsa kelauno putou puthugho ngo no pi nani, “Oishe! Babylon, no akiqheu mishighüna, no akumtou phughi, anguküsapu ghi lae! Kughengu asüchedo lakhi lono ow küghakütha ighivae!”

Piyeküsü 18:10 Referans Kwoze

Piyeküsü 18:19

Panonguno amlo kusa launo panoqo kutsulo ayeghi mukhu epuku eno panonguno ighamuku qae: “Aha! Aphughi kije huye kiutoi ahakusapu shivea kela! Khunoqono azughilo zukilu pighiche keno tipaqono liwu kinikulu lono kinimi shiluveche keu phughike! Atuqhudo lakhi lono liye thwokha kumtsu puhavae!”

Piyeküsü 18:8

Highenguno, liwu pusa jeli hipaqo kumtsu ghulo lakhino qhai li ghaqhi nani: kusukini, amlo kusa, akhuamzu; Liye amino pitiqhive nani. Kughengu li shou kughakuthau Ampeu Alhou ye akumtouke.”

Piyeküsü 14:8

Kungumi akiniuno atughiu papeghi ishipi “Ikiqivae, Babilon akijeu huye ikiqivae. Lino ashiayeh kumtsu pelo li shiaji ghasumlakeu shoche peke!”

AMUS 5:16

Ike AMPEU, Aqokitikhi Lhou no pi, “Aphughi laghilalo igha qakeu eno amloksashi qakeu anani. Kithimiqo shou mlo qapenike akumolo qasutsu peniye ame tsukeqo likhi kumono alulo huakemi ghi qasu kuphupe nike kuwu nani.

JOYIL 1:15

AMPEU tsalaye kupunuvae; tiye AMPEU no kutsakungokeu sughinike tsalake. Tipa tsalano akuighupu kiu sughini kela!

Piyeküsü 17:12

“Nono akibo chighi ithulukeu huye kukami chighike, panonguno ayehpe kepu kuka peitha mphi, ikemu tughashi gholo kumtsa ayikihedo lakhi ghenguno kukami toi ayehkipe pushi akuka ikhilu nani.

JEREMIYA 30:7

Aha! Atsala tipauye akumsapuke; tipa tsalaye kiunomu kimighimla keu tsalake; tiye iwu timiqo ghenguno shilukusa aghime ghulokike, ikemu panongu puxutsu nani.”

ISAIAH 21:9

Zuleno panongu cheghive! Timino khurshi shou iku puzu ajo kinini shi. Aghukheuno asutsa pipuwu “Babilon ikiqivae! Panonguno ajulho mllachekeu kumtsu ayeghi shou kubo kighiniyi ikiqivae.”

AKIKIHI 16:34

Tilehi Israilmi akeqono panoqono ighakeu sutsa chilu kelo panonguye koha khave. Panonguno asheshu pi, “Polulo, ayeghino ningu ghi munove nosake!”

ISAIAH 47:9

Ikemu paikhavino, atsala lakhi lono hikuma kinikujo oshou shive nani. Nono kuduu jeli peithaju anamu noye okimi ngo onuliqo puhave nani.

EZEKEL 32:9

“Okutsaleve keu sutsa pesu nono khilemu chimla aphikeu ghakhulo ino kulha keulo ashiayeh kutomono amlo kupunave nani.

Piyeküsü 11:8

eno pama sukumoye aphughi khilehino panongu Mpeu yedapithive keno tipau laghilalo anani. Aphughi tipauye aholetsauye Sodom momu Ijip.

Piyeküsü 16:19

Aphughi kije huye aqe kuthushi suphove eno ayeghi kokuthaqo phughiqoye kutsapiniyive. Alhou no Babilon akijeu hu kumsuchilelu eno pa loghu kighide ji li pelo pa jukhu lono shopeke.

Piyeküsü 18:18

eno li pitikeu michhi phoipeghikeu panonguno ithulukelo kumtsu no ighamuku pi: “Aphughi kutau lakhimu aphughi kije hipau toikeu kuha aphike!”

Piyeküsü 18:21

Tileno kungumi akumto lakhino athi kutsughu tuqu pahikeu atuqu lakhi ikhiqhe pesu azughilo vesu puzu ishipi, “Babilon phughi kije huye aka-agha lono hitoi vepuwuve nani eno khilemu ithulukithe move nani.