Piyeküsü 17:4 - BAIBEL (BSI)

⁴ Totimi huye tsunguyi eno hughayikeu phimini pepu ae eno shunayino shikeu ngo amekushotu achiku chino ananu shipusu ae. Liulo shunayi jukhu lakhi pea, tipaulo aphikumqhupu thime ngo li salha lhoksano chhitoi ae.

Sümi Tiqhelimi Bible

⁴ Totimi hu ye hughai keu eno huchuhuyi keu phimini, eno ameshoyi, akughupu-tu eno meshotu phuphui keu pepu ae. Li ye li u lo ameshoyi no mülà keu jikhu pesü ae, eno ajikhu tipau lo aphikümqhüpu thimeqo ngò liw kipito kimthe kumo no chhitoi shipe ae.

Sumi Naga CL (Re-edited) Bible (BSI)

⁴ Totimi huye hughai eno huchuyike phimini pepu, ameshoyi ngo akughupu tu eno mlapuchi thimeqo kighipusü au lo ameshoyi jukhu pe aghi, ajukhu tipau lo aphikümqhüpu jeli eno li ghili küsa mithekumo no chhitoi ae.

Piyeküsü 17:4 Referans Kwoze

Piyeküsü 18:16

ishi pi nani; “Aha! Aphughi akijeu ghenguno kiutoi ahakusapu kela! Liye phepheyi keu phi ngo hughayi eno huchuyi keu phi pepu acheke eno shunayi chi, amekusho tu eno achiku achipula pesu li kuzupu acheke!

JEREMIYA 51:7

Babilon ye i-ulo shunano shikeu jukhu lakhi toi ayeghiqha shokumzu anike. Ashiayeh jeliqono tipaulo aji akeu shove eno panoqo kukumsu ye chevae.

Piyeküsü 19:2

Pawu kughakuthaye kuchou eno achipike. Kughengu pano ngosukumla ashupuu shou aghime tsuke, lino li salha pesu ayeghi shipusa cheke. Alhou no li shou aghime tsukeuye lino pa qemiqo pithive kehue.”

Piyeküsü 18:12

khunomu panoqo wu shunayi, tsandiyi, amekushotu, achiku achipu, phephepheyikeu phi, hughayikeu phi, aningayeno ghokeu phi, huchuikeu phi, balha shi ithumlakeu su-jeli, akuhahu ngo amekusho-su jelino shikeu nhemgha jeli, alazayi ngo ayi eno metsughoikeu tuno shikeu jeli nhemgha khuno qhulumoake.

AKUMLO 1:9

Li kimthekumoye li phiminilono ithuluve ani, ikemu liye ahasapu sholuniye akeu kumsujumoe. Lino vekiqhi akumsapuke, khunomu li lokughuno tsumlae. Aghumino toluvae eno liye AMPEU vilo kimiyetsu penike ighamukuke.

Piyeküsü 14:8

Kungumi akiniuno atughiu papeghi ishipi “Ikiqivae, Babilon akijeu huye ikiqivae. Lino ashiayeh kumtsu pelo li shiaji ghasumlakeu shoche peke!”

DANIEL 11:38

Tipauqo zuqhulo, khuuno pa kukaqha sushotsu nikeno tipau likhi gihu nani. Pano shuna, tsandi, akughuputu eno kutau kumsagho kivi kughape papu asuqono khilemu mlla chemokeu lhou mllawuve.

EZEKEL 24:13

Jerusalem, okimthekumo kumlaqono oshipixivae. Ino pukaputsa othakimtheju akemu noye kitiqe pesu auvae. Noye iloghu kighide muqhamiqhiyi keu shimlano anani.

EZEKEL 24:11

Itehiye alazayili kumsa akeu pesu amibalu shou pepukulo eno tipau pelo huchuyi shukuthuive pelo.

KUKAMI ATUGHIU 14:24

Tinguno alhoksauno hi asu-atu kumlla-a kumtsulo kusalhalimi eno shupumino chhitoi ngowoto. Juda lo timiqoye kujokepu jeli kumtsu mla, AMPEU no tishi mlachekeqo pano yeghi lono Israilmino iloghinike zulono halevekeqo toi.

HOSIYA 9:10

AMPEU no pi, “Ino Israil phulu tughuloye tiye asayeqha lo atsayithi phulu aketoike. Kughou ino nongu puasuqo ithulu keno khughuthi kipithi ghulokilo khughuthi kini amusuu toike. Ikemu kughou panonguno Peor Toghi lo ighikeno panonguno Baal mllathuve, eno paikhavino panonguno kupuqhiyi chekeu lhouqo toi panonguye niqhunilaive.

EZRA 9:11

khikhi owu tungkupumi vechewo nono nitsukeu. Ninguno ngoniye akeu yeghiye timi tile akeqo ghiliayeh tuchechei vimo eno ayeghi shekha lono ashekha kutolo mithemovae ipi panonguno ningu kutughu tsuke.

EZEKEL 20:30

Tighenguno Israilmi vilo ni, Akughushu MPEU no kiu piani keno tipau pilo: Kushiye nongu papuqono shichekeu xine nonguye shiani eno panoqo su-atu julho papesu hacheni kya?

KUKAMI AKINIU 21:2

Paye AMPEU zulo axine shivekeuye Israilmino ighimphilo achekeqo shiyeh kutami kumla lhoksa papeuve.

EZEKEL 36:25

Ino nongu shou azu kutsughu kuzutepuku nani eno nowu asu-atu julhoqo launo eno thwokha jelino nongu kitiqevekeqo launo nongu shikimthetsu nani.

ZAKINIU 29:17

Panoqo wu aphikumqhupu julho asu, atu, tsandiyi eno shunayino shikeu nonguno ithuluvae.

ISAIAH 66:3

“Timino panono pulokeu shicheni. Panoqo ghenguye amshitsu pesu heqhipe mlla na timi lhoxu heqhipe mlla namu kiumu kututakeu kuhae, panonguye bheriti heqhipe mlla na atsu kuo suchhevetsu namu kiumu kutuqu keu kuhae, panonguno tuxatini pesu agho mlla na awoji pesu mlla namu kutuqukeu kuhae, panonguno tsungquikeu ta pitipe mlla na asu atu julho vilo inikhu namu kiumu kutuqukeu kuhae. Panonguye niqhunilai keu ghola lono mllakeulo amlo tsucheni.

EZEKEL 28:13

Noye Alhou ghutu Eden lo xuacheke eno akughupu tu jeli nicheke: rubi, hira, topaz, beril, karnelia jesper, safir, emeral eno garnet. Noye shunayino shikeu achila acheke. Tipaqoye olhoke tsala lono oghenguno mlape qhike.

Piyeküsü 9:21

Tike kumono panonguno ghiqhikile chekeu, kuduu shichekeu, salha shupukeu eno pukachekeu lono xaideghimoe.

Piyeküsü 21:21

Khagho chighi kini huye achiku chighikinike; khagho lakhikhino achiku kuloghi lakhikhi lono shike. Aphughi tipaulo alaghilaqoye ayina toi jupililu eno shunayi akimtheno shipepua.