Piyeküsü 16:19 - BAIBEL (BSI)

¹⁹ Aphughi kije huye aqe kuthushi suphove eno ayeghi kokuthaqo phughiqoye kutsapiniyive. Alhou no Babilon akijeu hu kumsuchilelu eno pa loghu kighide ji li pelo pa jukhu lono shopeke.

Sümi Tiqhelimi Bible

¹⁹ Ayeghi küghütha no Babylon mishighüna hu ye kokütha küthü shi kijethave tsü, eno ayeghiqha lo mishighünaqo kutomo ikiqive no kubopiniyive. Alhou no Babylon Ajekipiu kümsülu no paw muqhumüzai keu loghukighidew aji pesü ajikhu chhitoi sü no li pelo shope.

Sumi Naga CL (Re-edited) Bible (BSI)

¹⁹ Aphughi akijeu ye amqo küthüshi itave, titoi ayeghiqha lo aphughi kümtsü ikiqi kütsa khave. Tithiu Alhou no Babylon akijeu pelo Pa loghu jukhu lo akeu kümtsü yeve peni keu kümsülu.

Piyeküsü 16:19 Referans Kwoze

Piyeküsü 18:5

Kughengu atsutsu kutolo li xine kisheqhe pukupe ani, eno Alhou no li lhoksa laghi ithitoi ani.

Piyeküsü 18:10

Panonguye putouno puthughope ngove nani, kughengu panonguye li ghime jumsae eno ishipi, “Aha! Ahakusapu ghi lae! Aphughi akijeu, O Babilon aphughi akumtou! Atuqhudo lakhi lono oshou kughakutha ighivae!”

Piyeküsü 17:18

Totimi nono ithulu keu huye aphughi kije huke, tipau ayeghilo kukami shou qhasupe achekeu huke.”

Piyeküsü 18:21

Tileno kungumi akumto lakhino athi kutsughu tuqu pahikeu atuqu lakhi ikhiqhe pesu azughilo vesu puzu ishipi, “Babilon phughi kije huye aka-agha lono hitoi vepuwuve nani eno khilemu ithulukithe move nani.

Piyeküsü 18:2

Pano asutsa kuloghi lakhi lono ighamuku pi, “Ikiqivae! Babilon akijeu huye ikiqivae! Hiye aghahwu eno tughakusano mithekumo jelino tile acheuvae.

Piyeküsü 17:5

Li kishelo tuqhou kiqi lono aje lakhi yepe pua: “Babilon akijeu, salhashupumi eno ayeghilo aphikumqhupumi kumtsu paza.”

DANIEL 4:30

pano pi, “Babilon jukelo kiu toi kije eno juvi kela! Aphughi kiqhe hipauye ino mlake, hileno ikuka, ikumto ijekipi akughushu pephe piyeniyeke.”

Piyeküsü 11:8

eno pama sukumoye aphughi khilehino panongu Mpeu yedapithive keno tipau laghilalo anani. Aphughi tipauye aholetsauye Sodom momu Ijip.

ISAIAH 49:26

Ino nongu qodaneda chekemiqo lakhino lakhi pithivepe nani; Panonguye ghiqhikile keu ngo muqhomzakeu shomzu nani. Tileno timi jeli kumtsuno niye AMPEU kepi ithi nani, nongu xaluchekeu eno nongu kuqhophe chekeu kepi ithi nani. Panonguno niye Israil Lhou akuka kumtou kepi ithi nani.”

Piyeküsü 17:1

Tileno kungumi tsuni abohu tsuni peakeqo gholo lakhino ilau ighino ishipi, “Ighilo, azu kutomo shou iqa akeu ngosukumlau ashupuu shou kughatha keu ino opiyeni chenike.