Piyeküsü 15:7 - BAIBEL (BSI)

⁷ Tileno xuakeu lhoxu bidi gholo lakhino shunayibohu tsunilo alhokupujulo xuachekeu Lhou loghu chhitoi supuzu pesu kungumi tsuni tsuve.

Sümi Tiqhelimi Bible

⁷ Tisheno aküxü akeu lhoxü bidí dolo lakhi no ameshoyi no mülà keu bohu tsünì lo alhokupuju lono alhokupuju kutólo xüache keu Lhou’w aloghukighide chhitoi sǘve no kungumi tsünì hu tsüe.

Sumi Naga CL (Re-edited) Bible (BSI)

⁷ Tile aküxüküa lhoxü bidi gholo lakhi no ameshoyi kiptibo tsüni lo Alhou Khuu pülhapuju eno alholo xüacheni keno Pa loghu chhitoi akeu pesü kungumi tsüni aküphashi tsü,

Piyeküsü 15:7 Referans Kwoze

Piyeküsü 16:2

Ike kungumi atughiuno wupuzu pa bohu ayeghi shou leqhi puku, ikelauye tughashi michi puakeqo eno tipau julho shisukeu mllachekemi shou kumthukumna eno sakutukeu piyi ikughive.

Piyeküsü 10:6

eno kungugha, ayeghi, azughi eno tipaqolo akeu jeli kumtsu lhophekeu Alhou, khuuno alhokupujulo xu acheni keno paje lono tushoqhighi ishipi, “Hinguno hilau munuvepemo nani.

Piyeküsü 5:8

Kughou pano likuzu kaku ikhilu keno, akuxu akeu lhoxu bidi ngo muchomi mukubidi no Bheriti zulo itsaiqi. Panongu lakhi khino akighi lebo ngo tsungquikeuno abohu chhitoikeu pesu ae, tipaqoye Alhouw timiqo kukhukighinike.

Piyeküsü 21:9

Kungumi tsuni pusa bohu tsuni peakeqo gholo lakhino ilau ighino pi, “Ighilo, Kulaliu, Bheriti nipu opiyenike.”

Piyeküsü 15:1

Tileno atsutsulo akumzapu amchi kije kutau lakhi ino ithulu: kungumi tsunino pusa tsuni peche. Hipaqoye pusa ashekhauqoke eno tipaqono Alhou loghu kishekha nikeu shipesu ae.

JEREMIYA 25:15

AMPEU, Israil Lhou no ivilo pike, “Hilau aji jukhu lakhi iloghu kighideno chhitoi ani. Khuno shiayeh lau ino opuwuni keno tipaqo kumtsu lau hipau pewulo, panoqo pelo tipaulo akeu shopelo.

LESHELE 75:8

AMPEU no pa ulo ajukhu tsuqupe ani, tipaulo pa loghu kighide chhitoi supe puani. Pano tipau lephe kelo kixikilami kumtsuno yeke; panonguye tipau kighiji ashekhau kutolo yenanike.

1 Thes. 1:9

Timi tipaqo ampino ninguno nongu lau ighikelo nonguno kishi ni ikhilukeno piakhani; eno nonguye kuchou eno xuakeu Lhou qenike ghenguno ajulho mllakeu qhiveno Alhou lau ideighivekeu piakhani,

Piyeküsü 1:18

eno niye xu achekeuke; niye thive ikemu itehiye alhokupujulo xu acheni. Ino Akithi ngo Kithimi-yeghi khadu peani.

Piyeküsü 4:10

muchomi mukubidi huno ti akuka lakhulo iqa akeu, alhokupujulo xuachekeu zulo itsaiqi puzu pa mllae. Panonguno alepheghi akuka lakhu zulo panoqo kutsukuqho lhaqhino ishipi,

Piyeküsü 14:10

timi tipauye Alhou loghu ji lekitemokeu pa jukhulo lesuno shope nani. Timi tipauye kungumi akimthemi zulono eno Bheriti zulono ami ngo amichu pesu pitipuzaqhi nani.

Piyeküsü 17:1

Tileno kungumi tsuni abohu tsuni peakeqo gholo lakhino ilau ighino ishipi, “Ighilo, azu kutomo shou iqa akeu ngosukumlau ashupuu shou kughatha keu ino opiyeni chenike.