Piyeküsü 15:1 - BAIBEL (BSI)

¹ Tileno atsutsulo akumzapu amchi kije kutau lakhi ino ithulu: kungumi tsunino pusa tsuni peche. Hipaqoye pusa ashekhauqoke eno tipaqono Alhou loghu kishekha nikeu shipesu ae.

Sümi Tiqhelimi Bible

¹ I no kungugha lo amichipu kijè eno akichiqhipu kütau lakhi ithulu: tiye kungumi tsünì no püsa tsünì ashekhau pesü akeu ithulu. Hiye ashekhau ke, kughengu panongu vechewo Alhou loghukighide ye kishekhave nikeu shi ake.

Sumi Naga CL (Re-edited) Bible (BSI)

¹ Tileno atsütsü lo amchipu kije eno akümzapu lakhi I no ithulu, kungumi tsüni no püsa tsüni khikhino ashekhau shi akeno, tipaqo pesü Alhou loghu kishekhave tsüniye aküphashi pecheghi.

Piyeküsü 15:1 Referans Kwoze

ACHINE 26:21

“Nonguno imujochile auve eno igholuni keu mili auve aye ino nongu ghime ghuthu tsuni kighishevetsu nani.

Piyeküsü 21:9

Kungumi tsuni pusa bohu tsuni peakeqo gholo lakhino ilau ighino pi, “Ighilo, Kulaliu, Bheriti nipu opiyenike.”

Piyeküsü 19:15

Azutakihi lakhi pa kichi lono ipeghi eno pano tipau pesu ashiayehqo shou tolu nani. Pano ayikusu pepuzu panoqo shou ayehpe nani eno Alhou Akumtou wu aloghu tsughuphe chekeu tughuko lono aji taphe nani.

Piyeküsü 16:1

Tileno achineki lono asutsa kuloghi lakhino kungumi tsuni vilo ishi pikeu sutsa ino chilu: “Wulo eno Alhou loghu bohu ayeghi shou lepukulo!”

Piyeküsü 14:19

Ike kungumi huno ayeghi shou pawu hashiwo chhopuwu puzu atsaibo lono atsayithi gholuve eno Alhou loghu kije atsayi tsughuchekeu tughukolo tipaqo vesuve.

Piyeküsü 14:10

timi tipauye Alhou loghu ji lekitemokeu pa jukhulo lesuno shope nani. Timi tipauye kungumi akimthemi zulono eno Bheriti zulono ami ngo amichu pesu pitipuzaqhi nani.

DANIEL 6:27

Paye xakuluu eno ikhiphekuluu, pano kungughalo ghi eno ayeghi loghi akumzapu, akichiqhiyi kepu shilu acheni. Pano abongushu kichi lono Danel xapheluke.”

Piyeküsü 11:14

Akuighupu akiniuye wovae, ikemu akuighupu akuthuuye pai ighini cheni!

Piyeküsü 10:3

abongushu ghugha toikeu sutsa lono vekipighi ighae. Pano ighave kethiu tsutsukusu tsunino ighae.

Piyeküsü 8:6

Tileno kungumi tsuni afuko tsuni peakeqono tipaqo kuyighanike kutoluve.

Piyeküsü 8:13

Tileno ino jukeloye, aluqu lakhi, kunguu amlhulo yechekeu huno asutsa vekipighi ishi pikeu ino chilu, “Kughono itaghi kungumi mikuthuno afuko kuyighakeu sutsa ighinikeno, ayeghilo akemiqo ghenguno akuighupue, akuighupue, akuighupue!”

Piyeküsü 8:2

Tileno Alhou zulo kungumi tsuni akeqo ino ithulu eno afuko tsuni pesu panongu tsue.

Piyeküsü 9:20

Timi khije pusa hipaqono pithimono achili shiaghikeno tipaqoye panonguno mlape qhichekeu launo xaideghimoe. Panonguye tughami mllachekeu phevemoe, momu shunayi, tsandiyi, alazayi, asu atu julho mllachekeu phevemoe, tipaqoye ithuluchemo, chiluchemo eno alachelu chemoe.

Piyeküsü 17:1

Tileno kungumi tsuni abohu tsuni peakeqo gholo lakhino ilau ighino ishipi, “Ighilo, azu kutomo shou iqa akeu ngosukumlau ashupuu shou kughatha keu ino opiyeni chenike.