Piyeküsü 14:6 - BAIBEL (BSI)

⁶ Tileno kungumi kutau lakhino lhokta tsakiviu pesu ayeghilo akemiqo ashiayeh jeli, timi jeli, eno atsa jeli pichekemi vilo asheshu nike atsutsu mutalo yecheghikeu ino ithulu.

Sümi Tiqhelimi Bible

⁶ Tile no kungumi kütau lakhi kunguu amlhü lo yewu chekeu I no ithulu, eno ayeghi lo shiye jeli, ashiaye jeli, atsa jeli piche kemiqo eno timi jeli xüküamiqo lau asheshu nike lhokta tsakiviu pa u lo pesü ake.

Sumi Naga CL (Re-edited) Bible (BSI)

⁶ Tileno kungumi kütau lakhi no ayeghi lo küami, shiye eno ashiaye jeli, timi mqo eno atsa jeli kümtsü lau lhokta tsakiviu sheshuni ke atsütsü mta lo yecheghi keu I no ithulu.

Piyeküsü 14:6 Referans Kwoze

Mark 16:15

Pano panoqo vilo pi, “Ayeghiqha kumtsulo wulo eno lokivipu sutsa pesu timi lhoxu kumtsu vilo asheshulo.

Piyeküsü 8:13

Tileno ino jukeloye, aluqu lakhi, kunguu amlhulo yechekeu huno asutsa vekipighi ishi pikeu ino chilu, “Kughono itaghi kungumi mikuthuno afuko kuyighakeu sutsa ighinikeno, ayeghilo akemiqo ghenguno akuighupue, akuighupue, akuighupue!”

Piyeküsü 3:10

Kutuu khelulo pi ino ahzatsukeu nono peluke ghenguno nighi shilukusa tuqhudo lono ayeghiqha shou akemi pejuniye akeu launo oxapheluve nani.

ISAIAH 51:8

Panonguye apilano chuvekeu phi mini toive nanike! Ikemu xaphekulu ino pechekeuye alhokupujulo ache nanike; ino toluvekeuye ado kumtsu acheuve nani.’

ISAIAH 51:6

Atsutsulo jupukulo, ayeghilo jupi qilo! atsutsuye amichhi toi hailove nani; ayeghiye aphimini toi aqashive nani, eno tile timi akeqoye amiyi toi thikhave nani. Ikemu xaphekulu ino pechekeuye alhokupujulo ache nani; ino tolukeu no ashekhauke.

LESHELE 139:24

Eno ilolo alhoksapu kiukiumu anikeo mokeno jutsulo; eno alhokupuju laghilo isapiye sawutsulo.

Rommi 16:25

Itehiye ino Atsakiviu eno Jisu Khristo ghili pikulhache keu kiqi lono nongu shikumtolu chekeu lau eno mzamghaleyi pephepiyekeu khikhi tiqheli kushuwa kutolo kusupe acheke,

LESHELE 145:13

Oyehkipeye lhokta kutoloke, eno noye alhokupujulo akukauke. AMPEU ye pano piqhikeu papelue. pano shikeu thwokhalo akivike.

2 Thes. 2:16

NiMpeu Jisu Khristo ampino, eno niPuh Alhou, khuuno ningu kimiye acheni eno kupukini vechewo lhokta lokughunopu ngo lajupu kivi pesu ningu tsukeno,

DANIEL 9:21

Ino akighini shi akelono, Gabriel, khuu azuu ghi ino kungunhetsu lono ithuluvea keno, ino ngo akelono yesusu iqi cheghi. Hiye avelau ghiqhipe mllachekeu ghuloki shia.

Piyeküsü 13:7

Tipau pelo Akimthemiqo shou aghushi nikeu eno toluvepe nikeu shive. Timi muqojeli, atsa jeli kipimi eno ashiayeh jeliqo shou akuka peitha penikeu shive.

IBRIMI 13:20

Itehiye alokughunopu Lhou, khuno niMpeu Jisu akithi lono xuputhuvekeno, pa ji pesu lhokta kutolo puloshoqhi mekhatsukeu bheriqo wu Akheu Akijeu;

Kolosiami 1:23

ikemu nonguye akupululo aboqha kumto shou mutotoi achemoayesake. Nonguno atsakiviu chilu puzu lajupu tsukeu lono iqevekepu kumoe. Atsakiviu tipau huye ayeghiqha kumtsu asheshuvae, eno ni Paul pelo hipau peithakutsumi lakhi shipeke.

MATTHEW 10:27

Ino nongu vilo akuzu lono kiu pi keno nonguye akuvu lono ti piwulo; eno nonguno tuqhouno kiu chilukeno aki-kutsuqa lono asheshulo.

Piyeküsü 10:11

Tileno ivilo ishipi, “Noye itaghi timi jeli, ashiayeh jeli, atsa jeli eno kukami kutomo ghenguno Alhou tsape shimasae.”

DANIEL 4:1

Akukau Nebukadnezar no asutsa hipaqo kiyepe ayeghiqha lo shiyeh kumtsu, alimi kumtsu eno atsa jeli kumtsu lau kutughu tsu. “Petha lulo!

EZEKEL 1:14

Tishi akelo, lhoxuqo ghi tsutsupha kukulo lono ilheqho ilheqi ake.

ISAIAH 45:17

Ikemu Israil ye AMPEU no xaluke, eno liwu tokuluye alhokupujulo ache nani; liwu timiqoye khilemu kujo mza vepemo nani.’ ”

LESHELE 119:142

Omikuchoye alhokupuju ache nani, eno oyezahye pulhapuju kuchou.

SAMUEL AKINIU 23:5

Tihutoi Alhou no ipolo kughuko kumghatsu nani; kughengu pano isasu alhokuthu ghenguno puloshoqhi shivae. Pulokile lukeu tipauye kubomo nani. Ashoqhi tipauye kilivemo nani. Ino mine hechekeuye tipauke; tipauno iwu tokulu shinani, eno Alhou no kuchouno tipaqo shikuputsu nani.

ISAIAH 40:8

Atsunino ighuive cheni, axamununo thibuive cheni, ikemu niLhou tsaye alhokupuju ache nani.”

BOTHUBO 1:6

Tipashelo Alhou no pi, “Azu kijetha kepu shi aliho toikeu lakhi ipeghilu lo, tishianguno azuye a-a kututalo akepushi.”

ISAIAH 6:2

Serafmi no pa vehopesu puthugho ae, milakhikhino achishibo tsugho pua. Lhoxu lakhikhino pa chishibo kini pesu pututa gi nhapu, kinino aphimpi nhapu eno kinino yewuni kelo peithake.

1 Peter 1:25

Ikemu Ampeu tsaye alhokupuju acheni.” Atsa tipauye nongu lau Atsakiviu khikhi pikulha keno tike.

Piyeküsü 5:9

Panonguno alekithe lakhi ishi phea, “Nono likuzu kaku ikhilu puzu mekhakeu xukhonikeu akuzupuke; Kughengu oghiqhiveke eno okithi vechewo ashiayeh, atsajeli, timi kututa muqo gholono Alhou timi shi lupenikeu qhuluke.

Piyeküsü 10:7

Ikemu kughou kungumi akutsuniuno pa fuko kuyighani keno tile Alhou no pawu tuqhou kukughu, pa qemi tungkupmi lau kutughuvekeu hu shikupu nani.”