Piyeküsü 14:4 - BAIBEL (BSI)

⁴ Timi hipaqoye totimi pelo pano kuxu shipusapemoe, kughengu panonguye akimthe shi acheke. Panongu ye Bheritino khilau wuni keno tipau papeche; xachile luve kemi timi hipaqo gholono amsumi shighi Alhou lau eno Bheriti lau pesu tsuvekemiqoke.

Sümi Tiqhelimi Bible

⁴ Timi hipaqo ye totimi gholo kitiqemo kemiqo ke, kughengu panongu ye athathe ke. Panongu ye Ambeti no khila wu keno tilau pa papesü wuke. Panongu ye ayeghi lo timiqo dolo no xachileluve kemi, Alhou eno Ambeti lau amsüu shi ikhiphe pe tsüve kemiqo ke.

Sumi Naga CL (Re-edited) Bible (BSI)

⁴ Timi hipaqo ye totimi sasü kikivi püamo kemi, kughengu panongu ye athathe aphie. Ambeti no khile khile wumu papeche keqo ye hipaqo ke. Hipaqo ye timi kümtsü gholono Alhou eno Ambeti lau amsüu xathi shi xachile luve keqoe,

Piyeküsü 14:4 Referans Kwoze

Piyeküsü 3:4

Ikemu tilau Sardia lo nongu khami ani timi tipaqoye panongu phimini shou axine shipuku mphike. Timi tipaqoye metsughoi keu phimini pepu puzu igholo xu nani, kughengu panonguye titoi shikeuno akuzupuke.

2 Kor. 11:2

Nongu ghenguno niye Alhou no anheshu akeshi nongu jupe inheshu ani; kughengu ilimi amikuchomi lakhi timi lakhino luniye inipe puakeshi niye nongu sawo Khristo tsuniye shiake.

James 1:18

Pa likhi pa puloushi kuchou tsa pesu ningu pelo aghilupeke, tishianguno pano lhokeqo gholo amusuu xathi shilupeke.

Piyeküsü 5:9

Panonguno alekithe lakhi ishi phea, “Nono likuzu kaku ikhilu puzu mekhakeu xukhonikeu akuzupuke; Kughengu oghiqhiveke eno okithi vechewo ashiayeh, atsajeli, timi kututa muqo gholono Alhou timi shi lupenikeu qhuluke.

John 12:26

Khuno iqe nishi keno paye ipape masae eno ino khile ani keno pa ghi tilehi igholo anani. Khuuno ihuthuni keno Ipuh no pa gihu nani.”

John 10:27

Iwu bheriqoye isutsa chilu chenie ino panoqo ithi ani eno panonguno ipape cheni.

Piyeküsü 17:14

Panonguno Bheriti sasu aghushi nani; ikemu Bheriti no panoqo leluve nani, kughengu paye ampemi shou Ampeu ke eno kukami shou Akukauke; eno pa papemi, kukulumi, kishekulumi kuqhano pa shou toluve nani.”

LESHELE 74:2

Owu timi, khipaqo nono kha-ghino kisheluve akeno tipaqo kumsululo, khunoqo timi quaxe shiakelono owu timi muqo shipeniye saipe ghikeqo kumsululo. Zion toghi, ghuthu lakhiye nono tile achekehu kumsululo.

1 Kor. 6:20

Pano ameno nongu qhuvae. Tishiaye nongu phimpi lono Alhou jukuvupu shitsulo.

John 8:12

Jisu no itaghi timiqo vilo pi, “Niye ayeghilomi kuvue. Timi khuuno ipapeni keno akuzulo chechemo nani ikemu akuxupu kuvu anani.”

JEREMIYA 2:3

Israil, noye iwu likhike; noye ilulo xathi amsuuke. Ino oshipusakemi kumtsu shou aghime eno kutsakungo keu ino puwuke. Ni, AMPEU no piveake.”

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.

Ephesiami 1:14

Alhou launo ningu mheghi kumtsu ighilumoke kutolo tipau ithulu nani putsa ipikeu michipushi hipau tsupuanike. Ningu pa kimthe jekipi sheqheni nolo.

1 Kor. 16:15

Athikuzumiqo, nonguye Stefana ngo pa kibolomi ithi anike; Akhaiya qhalo panongu paghino Khristomi laghilo xuluvekemi ke, panonguye Alhou timiqo kumla shinike akuxu ikhiphepe tsuveke.

Apostolmi 20:28

Nongu likhi nongu jukutsukiyi lo eno Aghungu Kimthe no nongu pelo jukidekuda peniaye qhipuatsukeu loji hu jukutsu-kiyi tsulo. Alhou kukuhou kheu shilo, tiye pa Nu kithi vechewo pawu shilupe puanike.

John 13:37

Pitor no pa vilo iniju, “Ampeu, niye kushiye itehiye opapemla nani kya? Oghenguno niye ikuxu pephetsulu nanie!”

MATTHEW 25:1

“Kungugha yehkipeye ilimi chighino amizu kulu pesu kulapuu sasu kushoniye wukeu kimihi shi nani.

MATTHEW 8:19

Tile Ayezah kutsuchekemi lakhi ighi puzu pa vilo pi, “Kutsuchekeu, nono khile khile wunamu niye opapesu wuni.”

ALE KIMCHI 1:3

Nono nupu akeu teli ye tsungquyi; Oje kukelo tipau kumsulu ani; tighenguno ilimino okimiye cheni.

1 Tim. 4:3

Timi tipaqono timino kulakupu shikeu eno achuqupu hami chukeu lakha cheni. Ikemu pululuvekemi kuchou ithivekemiqo pelo shikimthi kighini lono chulupeniye Alhou no achuqupu tipaqo lhotsuke.

1 Kor. 7:28

Ikemu, nono kulakupu shiaye noye axine shianike kumoe; eno totimi lakhino kulakupu shiaye liye axine shianike kumoe. Ikemu khuno kulawuni keno ayeghiqha hipaulo ghichhe ghime sholu chekeu sholu nani, eno niye tipau launo nongu hakhaniyeke.

AMUS 6:1

Khunoqono Zion lo akuchhoma shi xuakhani eno Samaria tokujolo ililayi akhani keno tipaqo ghenguno ahasapuke, nongu, Israil shiayeh kije hipaulo kijemiqo; timiqono nongu kukuphu phuighi chekemiqo!

ALE KIMCHI 6:8

Akukauye pa nipu lhotsugho ani, alojilimi lhotache ani, eno ilimi lhotheno kihi kumla pushi ani!

LESHELE 45:14

Liye aphimini jukighilepu jeli pepusu ilimi muqono li thiuno botha pesu akukau lau sawu, ilimiqo ghi akukau lau sawo tsuke.

MATTHEW 19:12

Kughengu akiqi ajeli kutomo ghenguno timino shoko shipesu acheni: khamiye shoko shi-ghi punu cheni, khamiye timino shoko kughulhove tsukemi acheni, eno khamiye Kungugha yehkipe ghenguno alikhi akughapesu kulakupu shimono shoko kughulho vekemi acheni. Timi khuno hi shilu nani keno pa pelo akukutsu hipau pelu pelo.”

Ephesiami 5:27

tishianguno Khristo no akukuhou pelo tukutiye eno jekujeli kuhano jukighilepushi tsughukhuyi eno akimtheshi pa lau saluniyeke.

IBRIMI 12:23

Nonguye Alhou nuli kichimiqo khunoqo je kungughalo yepuanikeno tipaqo muqolo, eno timi kumtsu shou Kughakuthau Alhou lau eno Alhou zulo amikuchomi nguagha kupukulu shivetsukemi lau ighilu ani.

Piyeküsü 21:22

Niye aphughi tipaulo achineki ithumlae, kughengu tipau phughi chinekiye Ampeu, Alhou Akumtou eno Bheritike.

Piyeküsü 21:23

Aphughi tipau yepuvu nike ghenguno tsukinhe momu aqhi kuvu avehupu shimoe kughengu Alhou wu akimthe jukuvuno tipau yepuvu ake, eno Bheriti huno tipau kuluboke.