Piyeküsü 14:1 - BAIBEL (BSI)

¹ Tileno ino jukelauye, Bheritino Zion naghutolo puthugho aghi, eno pa gholo timi 144,000 aghi, eno panoqo kishelo Bheriti je ngo pa Puh je yepuku pesu ae.

Sümi Tiqhelimi Bible

¹ Tisheno I no ju akelo ye I gizülo Ambeti no Zion Naghuto lo puthugho ae eno pa gholo akishe lo pa je eno paPù je yèpüa kemi timi 1,44,000 ngo ae.

Sumi Naga CL (Re-edited) Bible (BSI)

¹ Tithiu I no pishipuwo jukelo Ambeti no Zion naghuto lo puthugho aghi, eno julo, Pa gholo timi khunono akishe lo Ambeti je eno Papu je yepuku püa keno pano lakh lakhi qhethonhe lhobidi bidi aghi.

Piyeküsü 14:1 Referans Kwoze

JOYIL 2:32

Ikemu AMPEU vilo kuphu lepi qhuiniju kemi kumtsu xapheluve nani. AMPEU no piveke toi, ‘Jerusalem lo ngo Zion Tolo khamiye poluve ani; Ino kisheluve kemiqoye xulupe nanike.’ ”

Piyeküsü 3:12

Khunono theqhikulushi tolunikeno, ino pa pelo iLhou chinekilo atsukucho lakhi shipe nani; paye tipau lono khilemu khalau wuvemo nani, eno ino pa shou iLhou je eno iLhou phughi je yepuku nani. Aphughi tiye kungughalo Alhou launo iqighinikeu Jerusalem akitheuke. Ije akitheu ghi ino pa shou yepuku nani.

Luke 12:8

“Ino nongu vilo pini, khunono paye iw kepi kutami zulo pipheni keno, Timi Nu ghi Alhou kungumi zulo pa je pesu piphetsu nani.

MICAH 4:7

Panonguye aphi a-u ichheve ake eno aghakhu lono putou ani, ikemu puxupe puaghi kemiqo sasu abothu lono akithe kiukela lakhi ino shi nani eno panonguye ashiayeh kuloghi lakhi shive nani. Tipa ghuloki nguno alhokupuju kutolo Zion Toghilo ngo puzu ino panoqo shou ayehpe nani.”

Rommi 9:33

ti kuchoyesu lo pikehutoi: “Julo, Zion lo timi pelo pusupukulu penike atuqu lakhi ino qhipuani, tiye panongu pelo kupuxalu kepu tuqu lakhike. Ikemu khunono pa shou akupulu benikeno shikukujomo nani.”

LESHELE 2:6

Pano pi, “Ino iwu akimthe toghi Zion shou ikukau qhipe puani.”

Piyeküsü 14:14

Tileno ino juakelauye khungkusu metsughoyike lakhi aghi, timi toikeu lhoxu lakhino tipau shou iqa ae, tipauye shunayino shikeu kutsukuqho pua eno hashiwo tsuqhaminhei keu lakhi pa ulo peae.

Piyeküsü 15:5

Hipathiu kungughalo achineki khaqhikeu ino ithulu eno Alhou no ngochekeu phiki tile ae.

ISAIAH 49:14

Ikemu Jerusalem lo akemino pike, “AMPEU ye niqhivae! paye ningu kumsumlavae.”

Piyeküsü 6:8

Ino jukeloye, phalayikeu khurshi lakhi aghi. Tipau shou iku puzu chekeu jeye akithi eno Hades no tipau punukhoi papeche. Panongu pelo aghukishi, puqumiye, kusukini eno tughashi peitha puzu ayeghilo timi kikije bidi shikelo lakhi pithivepeni keu shi akuka tsupe pua.

Piyeküsü 4:1

Tipathiu ino kungunhetsu kutau lakhi ithulu ike kungughalo ahukikha lakhi khaqhipua. Puzuu afuko ghugha toikeuno iputsakeu sutsa huno ishipi, “Hilau ikughilo eno hipathiu kiu shiveni cheni keno ino opiyenike.”

ZEKHARIA 4:2

Pano ivilo, “Noye kiu ithulu ani kya?” ipi iniju. Ino khochile, “Shunayino shikeu akulu kibepu lakhi ithulu ani. Akutsuqalo teli sukepu khu lakhi ani. Akulu kibepu shou akulubo tsuni ani eno akulubo lakhikhilo akulukighi tsuni sukepua ani.

AMUS 8:2

AMPEU no pi, “Amus, noye kiu ithulu ani kya?” “Axathi ashoghi lakhike,” ipi ino khochile. AMPEU no ivilo pi, “Iwu timi Israilmi ghenguno kishekhave kepu ighivae. Niye panoqo ghimeqhiniye kumsupu akeu kilivemoake.

DANIEL 12:5

Tileno timi kini aghoki muku hukukuu lakhi hikukuu lakhi ishi puthugho aghikeu ithulu.

EZEKEL 44:4

Tileno timi huno ahuu khagho lono isasu Achineki gizulo sawu. Ino juke lauye AMPEU chinekiye pano sasu akeu kuvu saghu saghuikeuno chhitoivekeu ino ithulu. Ino igi pishiqhope ayeghilo ikiqive,

EZEKEL 10:1

Ino achishibo kupu kerubimqo kutsu shou akusali toikeulo jupuku ake tipaqo shou akuka lakhu toikeu kiukela safir tuno shikeu ae.

EZEKEL 8:7

Pano akikhala khalau ikulolalo isawu eno akuputulo akikighipe lakhi akeu ipiye.

EZEKEL 2:9

Au lakhi ikudau chhopuwo keu ino ithulu eno tipaulo likuzu kaku peake.

EZEKEL 1:4

Ino jupuku kelauye ahuu kudauno pasapagha lakhi cheghi keu ithulu. Khungkusu kuloghi lono tsutsupha kuloake eno tipa sukumxalo atsutsu yevuqai ake. Tsutsupha kulo akeu alo kiu kela asapuyi toikeuno yepuvu ake.

JEREMIYA 1:11

AMPEU no ivilo ishi iniju, “Jeremiya, noye kiu ithulu ani kya?” Ino ishi khochile, “Almon suloka lakhi ithulu ani.”

EZEKEL 10:9

Iluchekeu kuluho tipaqo gholo tilehi akeu ghi ino ithulu ike kumtsu aphiphi eno lhoxu lakhikhi phivilo tipau lakhikhi ae.

EZEKEL 9:4

“Jerusalem phughi kumtsulo wuno aphughi tipaulo kuchhube kutsula jeli shiakeulo timi khunoqono amlo kughuta shi ani eno amlo kupuna ani keno timi tipaqo kishelo amichipu shipukuvelo.”

Piyeküsü 14:3

Panonguye akuka lakhu zulo eno xuakeu lhoxu bidi zulo eno muchomiqo zulo puthugho pe ale akithe lakhi pheae. Ayeghi lono xachileluvekemi 144,000 likhino kumoaye timi kutami khunomu ale tipau phethini chemoe.

Piyeküsü 22:4

Panonguno pa gi ithulu nani, eno panongu kishelo pa je yepuku puaghi nani.