Piyeküsü 13:11 - BAIBEL (BSI)

¹¹ Ikelauye ayeghi lono tughashi kutau lakhi ipecheghi keu ino ithulu. Tipauye bheriti toi akibo kini puae, eno tipauno Dragon toi atsapie.

Sümi Tiqhelimi Bible

¹¹ Tipathiu ayeghi lono tüghashi akiniù ipeghi keu I no ithulu. Tüghashi tipau ye ambeti toi akibò kini xapu ae, ikemu pa ye tüghaküsa lakhi toi atsa pie.

Sumi Naga CL (Re-edited) Bible (BSI)

¹¹ Tileno ambeti toi akibo kini eno dragon toi atsa pikeu tüghashi kütau ayeghi lono ipe cheghi keu I no ithulu.

Piyeküsü 13:11 Referans Kwoze

DANIEL 7:8

Ino akiboqo ju akelono akibo aghulo lakhi kutau gholo ipeghi keu ithulu. Tipauno tilehi azuu akibo akeqo gholo kuthu fuchhevetsu. Akibo tipaulo timi nhethi eno akichi lakhi puno tileno aqhekuza tsa pia.

MATTHEW 7:15

“Kichile tungkupmi jukutomasa, panonguno ashouye bheri toi nongu lau ighi cheni, ikemu panongu loloye tungtugha yikusa toike.

Piyeküsü 17:6

Totimi huye Akimthemi jih eno Jisu ghokulu shike ghenguno pithivekemiqo jih shomzupusu ae. Ino kughono li ithulu keno niye shishe akumzave.

Piyeküsü 16:13

Tileno mithekumo ghahwu, jukelo ye achuyi toikeu kuthu, lakhino Dragon kichi lono, lakhino tughashi kichi lono eno lakhino kichileu tungkupu kichi lono ipeghikeu ino ithulu.

Piyeküsü 13:17

Timi khunomu amchi hipau, tiye tughashi tipau je momu tipauje kikihi aghimokeloye kuqhu-kili shimla nikeu shike.

Piyeküsü 11:7

Kughou pamano ashepe shikeu shikhaveni keno, aqohkutho lono ipeghikeu tughashi huno pama sasu aghushino pama shou toluve eno pama pithive nani,

Rommi 16:18

Kughengu timi tishi chekemiqoye ningu Mpeu Khristo qe amoe, ikemu panongu kive likhi qe ani. Panonguno ghaghu tsa kuju pesu akukumsu ilaleikemiqo pishiqhi cheni.

Piyeküsü 12:17

Dragon ye atotiu lau shishe aloghu ideve eno atotiu tikughukomi, khunoqono Alhou no ahza tsukeu pecheni eno Jisu shepe shichenikeno tipaqo sasu aghushiniye wuve.

2 Thes. 2:4

Paye Alhou ipicheke jeli momu mllachekeu thime jeli kumtsu shou akumou shinani, eno tipaqo kumtsu nguno pano akiqheuke pi nani, pano Alhou chinekilo iqa puzu pa ampiuno Alhou kepi piwuve nani.

Piyeküsü 17:8

Tughashi nono ithulukeu hu ghuthu lakhiye xu acheke, ikemu itehiye xuamovae; hiye aqohkutho lono ipeghini cheni eno kutsavepe nike wuve nani. Ayeghilo timi xuakemi khunoqo je ayeghiqha huthu mphi lono kuxumi kakulo yepe puaghimo nikeno, panonguno tughashi jupe akichiqhive nani. Kughengu ghuthu lakhilo tiye xuacheke, ikemu itehiye xuamovae eno tipauno ipeghikithe nani.

DANIEL 8:3

Aghoki mukulo bheritsu lakhi akibo kushuwo kinikupu tile akeu ithulo, akibo lakhiye lakhi pashu eno kutau lakhi nguno akitheu.

Piyeküsü 13:1

Tileno azughi lono tughashi lakhi ipecheghi keu ino ithulu. Tiye akibo chighi eno akutsu tsuni puae; akibo lakhikhi shou akutsu kuqho lakhikhi puae eno tipau kutsu lakhikhi shou Alhou thaighakeu tsa aje lakhi ae.

Piyeküsü 13:4

Timi kumtsuno Dragon hu mllawuve kughengu pano akuka pesu tughashi tsukehu. Panonguno tughashi mllaghi ishipi; “Tughashi toikeu khuu ani kya? Khuno tipau sasu aghushi kulupu kya?”