Piyeküsü 12:8 - BAIBEL (BSI)

⁸ Ikemu Dragon ye leluve, pa eno pawu kungumiqoye kungughalo kiulomu ngo kepua kuhave.

Sümi Tiqhelimi Bible

⁸ Ikemu tüghaküsa hu ye aghükishi tomove, eno kungugha lono panongu hapheve.

Sumi Naga CL (Re-edited) Bible (BSI)

⁸ ikemu pa ye theqhive, eno tithiu ye kungugha lo panongu-a kühave.

Piyeküsü 12:8 Referans Kwoze

LESHELE 37:10

Ado kitila apuzu kixikilamiye hauve nani, nono tsaqutsaleyi pa phuju puhave nani.

Piyeküsü 12:11

Ni thikuzumi qono Bheriti jih pesu eno panonguno kuchou shepetsa pesu pa shou toluvae; kughengu nithikuzumiqoye thivekepu shike kutolo panongu kuxu tsuvenishike.

JEREMIYA 1:19

Panonguye otheqhi mla nani kughengu ino osusho nike ogholo ani. Ni, AMPEU no piqhi ani.”

Jude 1:6

Kungumi khipaqono panono akepualo ngomoveno tipa-a kacheve nikeno , panonguye aqhou zumoikeulo lhokta yikichhe pesu tshuve cheni, eno kughakutha Tsala akijeu ighimoke kutolo qhipua cheni.

Apostolmi 1:25

Judas no qhive puzu pa-alo chevekeu thelilo apostolmi lakhi shieno hipau kumlapu saje pelupe nikeno nipiyelo.”

MATTHEW 16:18

Ike ino ovilo pini, noye Pitor ke eno atuqu eno atuqu hipau shou ino ikukuhou shipukuni, eno akithi ghime kuka pimu tipau shou tokulu shimla nani.

JEREMIYA 5:22

Niye AMPEU ke, nonguye kushiye isumsamo kya? Kushiye izulo msakhokho shimo kya? Ino azughi ghenguno alughi shipenike asaye qhitsuke ike tipau kathamlake. Azughino kucho ikuluvi ke tipau nguno alaulo wumlake. Azu kukuchono ighaluvi ikemu tipaqo veche wumlake.

LESHELE 129:2

“Ino lhothemi shiaphi lono ighumino akijikusa pushi ighimeke, ikemu panonguye ishou tolu mphike.

LESHELE 13:4

Ighumi pelo, “Nino pa shou toluvae” ipi pipe kevilo. Ino ikiqi keulo ighumi pelo aloqive pe kevilo.

JOB 20:9

Pano kughuna achekeu alo pa ithumlave nani.

JOB 8:18

Ikemu tipaqo pano-a lono nhuve aye pa mtha keshi ishipi nani: “Niye no ithumlae”

JOB 7:10

Panoye khilemu pano kilo ideghimae, pano achekeu-a lo pa kumsuma khaveniae.

Piyeküsü 12:7

Ikelauye kungughalo aghukishi ipeghive. Mikhail ngo pawu kungumiqono Dragon sasu aghushi, eno Dragon ngo pawu kungumino mujochile ae.

Piyeküsü 12:9

Dragon akijeu, ikiqive keu huye khaghi apighi khuu vilo tughami Satan ipi chekeu eno ayeghilomi pishikiqhiu huke. Pa eno pawu kungumi kumtsu pa gholono ayeghilo vepiqive.

Piyeküsü 20:11

Tileno ino akuka lakhu akuloghi lakhi metsughoikeu eno tipau shou iqa akeu ngo ishi ithulu. Ayeghi ngo kungugha pa zulono yeuveno ithumlave.