Piyeküsü 11:8 - BAIBEL (BSI)

⁸ eno pama sukumoye aphughi khilehino panongu Mpeu yedapithive keno tipau laghilalo anani. Aphughi tipauye aholetsauye Sodom momu Ijip.

Sümi Tiqhelimi Bible

⁸ Pama sükumo ye mishighüna kuloghi lo mìshí kumqo chekeu-a lo qhi nani. Mishighüna ajekipiu hu ye aholetsau no Sodom eno Egypt ipi ku cheni. A-a hipau lono pama Mpeu ghí yedapithive ke.

Sumi Naga CL (Re-edited) Bible (BSI)

⁸ eno pama sükumo ye aphughi khileno pano Mpeu yeda pithive keno, akiqipu tsa shi ghi Sodom eno Egypt ipi chekeu phughi laghi lo qhinani.

Piyeküsü 11:8 Referans Kwoze

JEREMIYA 23:14

Ikemu tinguno akusa akusau Jerusalem lo tungkupmino shikeu ino ithuluvae. Panonguno salha cheni eno miki cheni; Panonguno timiqo achipikumoulo shikuphu acheni, tighenguno milakhimu alhoksa shimokeu kuhae. Ighenguye, panongu kumtsu Sodom ngo Gomora lo akemi toi alomo keqoke.

Piyeküsü 18:10

Panonguye putouno puthughope ngove nani, kughengu panonguye li ghime jumsae eno ishipi, “Aha! Ahakusapu ghi lae! Aphughi akijeu, O Babilon aphughi akumtou! Atuqhudo lakhi lono oshou kughakutha ighivae!”

Piyeküsü 18:21

Tileno kungumi akumto lakhino athi kutsughu tuqu pahikeu atuqu lakhi ikhiqhe pesu azughilo vesu puzu ishipi, “Babilon phughi kije huye aka-agha lono hitoi vepuwuve nani eno khilemu ithulukithe move nani.

IBRIMI 13:12

Ikehu Jisu ghi aphughi liwo nguno khalauno pithiveke, tiye pa likhi pa ji pesu axine lono timiqo shikimthe niyeke.

Piyeküsü 18:18

eno li pitikeu michhi phoipeghikeu panonguno ithulukelo kumtsu no ighamuku pi: “Aphughi kutau lakhimu aphughi kije hipau toikeu kuha aphike!”

Piyeküsü 11:9

Atsala kuthuno tuxa kutolo timi jeli, ashiayeh jeli, aqo-aho jeli eno atsa jeli lono timiqo ighi puzu pama sukumolo jupuku nani eno akumokilo tipaqo suwo qhovenikeu lakha nani.

Jude 1:7

Sodom ngo Gomora eno tipau sukumxalo aphughi akeqo kumsululo. Timi tile akeqono kungumi hupaqo toi shike, panonguno kipitimi totimi dolo mithemokeu eno chighichilai keu shike, alhomi pesu panongu shou aghime tsukeu huno kumtsu zulo kichekipiyeke.

2 Peter 2:6

Alhou no Sodom ngo Gomora phughi pesu ayevu kughulhove eno panoqo puhavetsu eno Alhou phimokemi lau kichekipiye shipe puavetsu.

MATTHEW 10:15

Kuchouno ino nongu vilo pini, kughakutha tsalalo Alhou ye tipano ghami nguno alau Sodom ngo Gomora shou kimiyeqhiyi keu akijeu shi nani|

AMUS 4:11

“Ino Sodom ngo Gomora phughi kutsave ketoi ino nongu gholo khami kutsave. Nongu khunoqomi puxupuaghi keno tipaqoye ami lono amisu puxupheluke toike. Tishi keghi nonguye ilau xaidechile ighimoe,” ipi AMPEU no pi.

EZEKEL 23:27

Nono Ijip lo akelono itehi kutolo opitipuza eno salhashupu achekeu ino tavepe nanike. Noye asu-atu julho shou jupuku kithemove nani momu Ijip kumsu kithemove nani.”

EZEKEL 23:19

Lino ilimi shiache kelo, Ijip lo kusalhalimi lakhi shiche ketoi liye puzuu nguno alaushi kusalhami shiuve.

EZEKEL 23:8

Ijip lono lino kusalhami lakhi shiuve puzu liye ilimi tatheshi xu achekeu puhavekeu hu tishi acheuve. Lino ilimi shiaphi lono timino li sasu zuke eno kusalhalimi lakhi shi li peithacheke.

EZEKEL 23:3

Pamano ilimi shi Ijip lo akelo pama lhotheye salha shupu keulo ilove; eno pamano atathe shi xuachekeu puhave.

ISAIAH 3:9

Panonguno axo lunishimokeu huye panoqo shou ashepe shiauvae. Panonguno Sodommi no shiketoi kumtsu nhekithe lono axine shike. Panonguye xaleqhini putsa eno tiye panonguno pano likhi pano shou alhoksa sughi anike.

IPEKULU 20:2

“Niye AMPEU nongu Lhou ke, Ijip yeghilo nonguno aquaxemi shi achekeu lono ino nongu saipeghike.

IPEKULU 3:7

Tileno AMPEU no pi, “Ijip lo iw timiqo kishi ayikusashi peitha anikeno niye ithuluvae; panoqono aqemi heqhikemi launo hakholuve tsulopi ighamuku keu ino chiluvae. Panoqono ichhe ime akeu kumtsu ino ithi ani,

BOTHUBO 19:24

Tile AMPEU no Sodom ngo Gomora shou atsutsulo AMPEU launo alkatra kipti ngo ami ishi ghuqhi pukue.

BOTHUBO 13:13

Ikemu Sodom phughilo akemiqoye AMPEU zulo ighono lhoksakughami eno axinemiqoe.

Piyeküsü 18:2

Pano asutsa kuloghi lakhi lono ighamuku pi, “Ikiqivae! Babilon akijeu huye ikiqivae! Hiye aghahwu eno tughakusano mithekumo jelino tile acheuvae.

Piyeküsü 16:19

Aphughi kije huye aqe kuthushi suphove eno ayeghi kokuthaqo phughiqoye kutsapiniyive. Alhou no Babilon akijeu hu kumsuchilelu eno pa loghu kighide ji li pelo pa jukhu lono shopeke.

Piyeküsü 14:8

Kungumi akiniuno atughiu papeghi ishipi “Ikiqivae, Babilon akijeu huye ikiqivae. Lino ashiayeh kumtsu pelo li shiaji ghasumlakeu shoche peke!”

Piyeküsü 11:13

Tipa mutsa ayeghi shishe ilu, aphughi hu kikije achighiuye kutsapinive eno timi 7000 pithivetsu. Timi achilishi aghikeqoye shishe musaveno akimthe jekipipushi kungugha Lhou sheqhetsue.

IBRIMI 6:6

ikiqive aye, panonguno itaghi Alhou Nu kros lo yeda kithe ani eno aqha zulono ikhiphepe pa shikukujo anike ghenguno timi tipaqo sachilesaghi puzu akuxu xukidelu nikeuye kushokutsu puke.

Apostolmi 9:4

Paye ayeghilo iluqive eno asutsa lakhino pa vilo pikeu chilu, “Saul, Saul! Noye kushiye ikijipusa ania?”

JEREMIYA 26:23

Panonguno akukau Jehoiakim lau pa sasu ideighikelo paye heqhi pithivepe eno pa phimpiye mishi kumo kuqhoalo vesuveke)

Piyeküsü 18:24

Babilon shou aghime tsukeuye tungkupumi ngo Akimthemi ji aphughi tipaulo aghikehue; mutsuqheyino ayeghilo timi khijehi pithive keno tipaqo jih aghikehue.

Piyeküsü 17:5

Li kishelo tuqhou kiqi lono aje lakhi yepe pua: “Babilon akijeu, salhashupumi eno ayeghilo aphikumqhupumi kumtsu paza.”

Piyeküsü 17:1

Tileno kungumi tsuni abohu tsuni peakeqo gholo lakhino ilau ighino ishipi, “Ighilo, azu kutomo shou iqa akeu ngosukumlau ashupuu shou kughatha keu ino opiyeni chenike.

EZEKEL 37:11

Alhou no ivilo pi, “Thinikuau timio, Israil lo timiqoye asaghi hipaqo toike. Panonguno pikeuno panoqoye qhaivea eno laju akepu kuhavea eno ighinikeulo kiumu shilumoa kepi pianike.

EZEKEL 16:46

“Ofoye ahuu akeu Samaria eno tipau hokuxalo aphu akeqoke. Otsunipuye apeu akeu Sodom eno aphu akeqoke.

EZEKEL 16:49

Li ngo lingaqoye chukepu nibonilei achekeu eno iqughai akupuna kuhano achekeu ghenguno qhezacheke, ikemu panonguye kumlhomi eno aquagha shi achekemiqo tucho hijumoke.

Piyeküsü 14:20

Aphughi nguno khalauno tsughuchekeu tughuko lono atsayi hu tsughu eno atughuko lono ahji qoipeghi keuno akushulau kilomiter 300 eno miter kinia kutolo thonhei shi qoipeghi.

Piyeküsü 17:18

Totimi nono ithulu keu huye aphughi kije huke, tipau ayeghilo kukami shou qhasupe achekeu huke.”