Piyeküsü 1:11 - BAIBEL (BSI)

¹¹ “Nono kiu ithulu keno kaku lakhilo yepukulo eno akukuhou tsuni lau tipau tsupuwulo: Efesia, Smurna, Pergamos, Thuatira, Sardia, Filadelfia eno Laodikia kukuhouqo lau tsupuwulo.”

Sümi Tiqhelimi Bible

¹¹ eno asütsa tipau no ishi pi: “Nono kiu ithulu keno liküküzü kaku lakhi lo yèpuku no akukuhou tsünì hipaqo lau tsüpuwu lo: Ephesus, Smyrna, Pergamum, Thyatira, Sardis, Philadelphia eno Laodicea.”

Sumi Naga CL (Re-edited) Bible (BSI)

¹¹ “Nono kiu ithulu keno kaku lo yesülo eno akukuhou tsüni, Ephesus, Smyrna, Pergamum, Thyatira, Sardis, Philadelphia, eno Laodicea lau tsüpuwu lo.”

Piyeküsü 1:11 Referans Kwoze

Piyeküsü 3:1

“Sardia akukuhoulo kungumi akeu lau yelu ani: “Hipauye Alhou kimthe ghahwu tsuni eno ayepu tsuni peakeu tsapeke. Ino okumlaqo ithiani; noye akithi kemu akuxu kua je puani.

Piyeküsü 1:4

Johan no Asia yeghi bocholo akukuhou tsuni akeqo lau yelu ani. Alhou, khuu acheghi, acheni eno ighini kuau pa launo; eno pa zulo akimthe ghahwu tsuni akeu launo;

HABAKUK 2:2

AMPEU no khokichile hipau itsuke: “Atulipha shou ino kiu opiyesuni keno mutsumisheyi yepesu qhilo, tishianguno tiye jukhavino philu kepu shilo.

JEREMIYA 30:2

“Ino ovilo pivekeu jeli kumtsu kaku lakhilo yepe qhivelo.

Piyeküsü 3:14

“Laodikia kukuhoulo kungumi akeu lau yelu ani: “Atsape hipauye Amen launoke, pukhukuluu eno ashepeu kuchou; Alhou no lhophe puakeqo shou atughiu launoke.

Piyeküsü 3:7

“Filadelfia akukuhoulo kungumi akeu lau yelu ani: “Hiye akimtheu eno amikuchou tsapeke. Paye David khadu peani, pano khaqhi aye khunomu tipau khavemlae, pano khavekeu khunomu khaqhimlae.

Piyeküsü 2:18

“Thuatira kukuhoulo kungumi akeu lau yelu ani: “Atsape hipauye Alhou Nu, ami mili toikeu nhethi puakeu eno alazayi pitikutsughu pesu mulapuyi aketoi keu pukhu puakeu launoke.

Piyeküsü 2:12

“Pergamos kukuhoulo kungumi akeu lau yelu ani: “Atsape hipauye azutakihi kutsugha pe akeu launoke.

Piyeküsü 2:8

“Smurna akukuhoulo kungumi akeu lau yelu ani: “Atsape hipauye atughiu eno ashekhau tsapeke, khuu thiveno akuxu shiluve keno tipau tsapeke.

Ephesiami 1:1

Alhou pulou vechewo Jisu Khristo wu apostolmi shiluvekeu Paul no Efesia lo Alhou timi, Khristo Jisu gholo pukhubekulu shi akeqo lau ye ani.

ISAIAH 30:8

Timiqoye kiutoikemi keno kaku lakhilo yepe qhilo pi Alhou no ivilo pike, tishianguno panonguye kiutoi alhoksa kela haumo kepushi yekithipe qhipeniyeke.

Piyeküsü 21:5

Tileno akuka lakhulo iqa akeu huno ishipi, “Itehiye ino thwokha akithe shitsu ani!” Pano highi ivilo ishipi, “Hipau yelulo, kughengu atsa hipaqoye kuchou eno pukhube kulupuke.”

Piyeküsü 19:9

Tileno kungumi huno ivilo ishipi: “Hipau yepe qhilo. Bheriti wu kulakupu ghulhulo khunoqomi kusuni keno tipano kumghae.” Pano ivilo highi pi, “Hipaqoye Alhou tsa kuchouke.”

Piyeküsü 14:13

Tileno kungugha lono asutsa lakhi ishi pikeu ino chilue: “Hipau yelo, hinguno hilauye Ampeu huthukeu lono thikemiqo lokivipuke.” Aghungu no ishi khochile, “Mutsuqheyino tishike. Timi tipaqoye panoqono shishe ichhe ime chekeu lono akulho qhilupeniyeke, kughengu panongu kumlano panoqo pape cheni!”

Piyeküsü 10:4

Kughono tsutsukusu tsunino igha tavekeno, ino yepukuniye shike, ikemu atsutsu kudauno asutsa lakhino ishi pikeu ino chilu, “Tsutsukusu tsunino kiu piveakeno kusupe pualo eno tipau yepesu qhikevilo!”

Piyeküsü 1:19

Itehi nono kiu ithulu ani eno hithiu kiu shi nani keno, nono kiu ithulukeno tipaqo yepukulo.

Piyeküsü 1:8

“Niye atughiu eno ashekhau” ipi Ampeu Alhou Akughushuu, khuuno acheghi, khuuno acheni eno khuuno ighini cheni keno pano pike.

1 Tim. 1:3

Ino Makedonia kudau wuchekelo ovilo pivekeu toi noye Efesia lo ngo aghilo. Tilehi timi khamino kichileu kukutsu pesu kutsupiye anike tipanoqo vilo tishi kevilopi ahza tsulo.

ZAKINIU 31:19

“Itehiye ale hipau yepe qhilo. Hipau pesu Israilmi shikalo tishianguno hipauno panoqo shou thopi shipenike.

Piyeküsü 1:17

Kughou ino pa ithulukeno niye thivekeshi pa pukhu phivilo ikiqive. Ikemu pano pa u-ajeu pesu ishou bepuzu ishipi, “Musakevilo, niye atughiu eno ashekhauke,

Piyeküsü 1:2

Johan no pano ithulukeu kumtsu pesu Alhou tsa eno Jisu Khristo no kuchou piyekeulo ashepe shiani.

1 Kor. 16:8

Pentikost tsala kutolo niye Efesia lo ngo aghinikeu akupughu shi ani.

1 Kor. 15:32

Tsala timi kuxu kiqi lono, hila Efesia lo tughashi sasu kichighike aye niye kiu alla shiluniche kya? Kithimi xuputhu chemo aye, pichekeu toi, “Ningu kuchukusho shi ani nolo, kughengu thoghiu ninguye thini ake.”

Apostolmi 20:17

Mileta tokelo Paul no Efesia lo aghini shipuwu, eno akukuholo kupulumi muchomiqo ighino pa sasu kusholo pi pipuwu.

Apostolmi 18:24

Judami lakhi paje Apollo ipikeu, ighono atsa pikithimi eno kuchoyesu tsaqutsaleyi ithi akemi huno Efesia lo ighi. Paye Alekzandria lono punukemi.

Apostolmi 16:14

Ningu tsa iniakeqo gholo totimi lakhi je ye Ludia. Liye Thiyatira ghami eno huzuyikeu tiphimini jechekemi, eno liye kuchou shi Alhou mllache. Ampeu no li mlo xukhotsu puzu li pelo Paul no pikeulo amlo tsuqhiyilu pe.

Kolosiami 2:1

Nongu Laodikiami, ino kujuthumlano achekemi kumtsu ghenguno ino shishe pukaputsa mlachekeu nongu pelo ithipenishi ani.

Piyeküsü 1:20

Ayepu tsuni i-u ajeu akeu nono ithulukeu eno shunayino shikeu akulu kibepu tsuni wu kuthokuzu kiqiye hike: ayepu tsuni huye akukuhou tsuni wu kungumiqo ke eno akulukibepu tsuni huye akukuhou tsuni huke.”

Piyeküsü 2:1

“Efesia kukuhoulo kungumi akeu lau yelu ani: “Atsape hipauye khuu-u ajeu ayepu tsuni pe ani keno eno khuno shunayino shikeu akulu kibepu tsuni mtalo ani keno tipau launoke.

Piyeküsü 2:24

Ikemu Thuatira lo nongu khunoqono akukutsu lhoksa hipau pechemo keno, nongu khunoqono ‘Satan wu tuqhotugho’ akeu ithive akeno, nongu vilo ino hi piani: niye nongu shou amakho kutau betsuamoe,

Piyeküsü 3:4

Ikemu tilau Sardia lo nongu khami ani timi tipaqoye panongu phimini shou axine shipuku mphike. Timi tipaqoye metsughoi keu phimini pepu puzu igholo xu nani, kughengu panonguye titoi shikeuno akuzupuke.

Piyeküsü 22:10

Pano ivilo highi pi, “Kaku hipaulo tungkupu tsa pipuakeu kusupe qhi kevilo, kughengu hipaqo kumtsu shikupuni keu ghulokiye kupunuvae.

Piyeküsü 22:16

“Ni, Jisu no thime hipaqo pesu nongu akukuhou qolo asheshupeniye iwu kungumi puwuvae. Niye David kuhu-aghu eno David laghamike; niye inaqhe yepu huke.”