NEHEMIA 9:26 - BAIBEL (BSI)

²⁶ “Ikemu owu timiqoye ohebide eno ogholumove; panonguye oyezah pe pano thikhau qhive. Panongu vilo olau ideghilo pike ghenguno panongu kutughutsukemi tungkupmi pithivetsu. Panonguno anguno anguno othaighake,

Sumi Naga CL (Re-edited) Bible (BSI)

²⁶ “Ikeghi panongu no O gholu mono O hebide eno O yezahqo pano zübou qhive. Tungkupmi khunono pano pelo O lau ideighi penike kütüghü keno, tipaqo pithive tsü, eno shishe O küthakügha shike.

NEHEMIA 9:26 Referans Kwoze

KUKAMI ATUGHIU 14:9

Noye ozuu ayehkipemi nguno alau axine kije shiva. Noye imiliveno asu-atu julho eno ayino shisukeu julho shino mllauvekeu huno imlo shikighideve tsuae.

NEHEMIA 9:18

Panonguno mlla kepu julho lakhi amshitsu toi shipe qhi eno tipauno Ijip lono panoqo saipeghi keu Lhou huke ipiuve! AMPEU, panonguno kiutoi othaigha kela!

Apostolmi 7:52

Nongu puasuqono kijipusamokeu tungkupumi khuu ani kya? Panonguno Alhou ghinimi khunoqono Alhou qeu Amikuchou ighi naniepi kutughuche keno tipaqo heqhi pithike. Itehiye nonguno pa kughape atheshive eno heqhiveke.

KUKAMI ATUGHIU 19:10

Pano khochile, “AMPEU Alhou akughushuu, niye olikhi oqe acheni. Ikemu Israilmi ye panongu puloshoqhi hu hephove, okumlla kiptia kubovea eno owu tungkupumi kumtsu pithi khave tsuae. Ilikhi vae eno panonguye nighi ipithiveniye kuto anie!”

KUKAMI ATUGHIU 18:4

kughou Jezebel no AMPEU wu tungkupumi heqhi akeno Obadia no pano 100 sasu amqo kini shino atuki lo kusuve eno achuqupu eno azu pesu ighino panongu loji ae).

MATTHEW 21:35

Mishi-chichekemino pa qemi tsuquluve puzu lakhi kughapesu hepungoqhi, lakhiye pithivetsu eno lakhiye atu pesu veqhivetsu.

EZEKEL 20:21

“Ikemu tipano tiqhelimiqo ghi ihebideveke. Panonguno iyezah kuboleve eno ino ahza tsukeu pemoveke, khunono tipau peluni keno akuxupu sughi cheni kelauye tipau pemoke. Panonguno Sabat pinye shipixivetsu. Timi kughuna moke-alo niye panoqo pelo iloghu kighide kumgha pupeniye eno panoqo kumtsu pithive nikeu kutoveke.

LESHELE 50:17

Nonguno ipelo nongu shikithepiye pemoe; nonguno iyezah qo leveke.

NEHEMIA 9:30

Ampe atsutsulo nono kheakulu shi panongu kutughu cheke. Nono owu tungkupmi lolo muzusutsuno pipecheke, ikemu owu timiqoye akini ipoke, tighenguno nono kutami shiyeh pelo panoqo leluve peke.

YEKIKITHI AKINIU 36:16

Ikemu panonguno Alhou ghinikishimi thaigha ke, pa tsa kukuthave tsu eno pawu tungkupmi junuqhi ke. Tishive kehu ashekhalo AMPEU loghu pawu timiqo shou kije ikughive kehu tipau lono pokulupu shimlave.

KUKAMI AKINIU 21:11

“Akukau Manasse ye Kananmi xine nguno kuthokuzuu xine shivae; eno pawu asu-atu pesu Judami sasu axinelo sailove.

KUKAMI ATUGHIU 18:13

Jezebel no AMPEU wu tungkupumi heqhi ake ghulokilo ino pano 100 pesu lhopungu nguno amqo kini shino atuki lo kusuvetsuno achuqupu eno azu panongu tsukeu ghili noye chimla kesha?

XAKUTHAMI 10:6

Itaghi Israilmi ye Baal ngo Astarot likhi kumono Siriya, Sidon, Muab, Amun eno Filistiya lhouqo mllau khaveno AMPEU zulo axine shikhave. Panonguno AMPEU pheveno pa mllamove.

NEHEMIA 9:29

Okukutsu tsa gholupe niye nono panoqo kutughuke, ikemu panonguno aqhekuza shi ozahqo milivetsu ke, tishi pinamu oyezah pelukeulo akuxupu la anike. Panonguno kuthovi puzu agholumo kepi milive ke.

JEREMIYA 2:30

Ino nongu ghimeqhiju kemu kiumu akivipu shimlake; nonguye ipelo nongu achipiulo shikithetsu pemoke. Abongushu loghu toi, nonguno nowu tungkupumi ghiqhiveke.

JEREMIYA 16:11

Tileno panoqo vilo AMPEU no ishi pike pilo, nongu puasuqono ilauno tsughusu wuve eno kutau lhouqo qe eno mllauveke. Panonguno iqhive eno ino kutsupiyekeqo hebideveke.

JEREMIYA 32:23

Ikemu kughou panonguno ayeghi hipaulo iloghi eno hipau amheghi shiluve keno, panonguye nono ahza tsukeu gholumove momu nono shikakeu kiqi lono xumove; nono panoqo pelo shipeniye ahza tsukeu panonguno kiumu shitsumoveke. Ikehu nono kutsakungokeu hipaqo kumtsu panoqo shou sughike.”

JEREMIYA 42:19

Tileno ino itaghi pi, “Nongu Juda lo ghupe puaghikemi vilo AMPEU no Ijip lo wukevilo pi pivae. Ike itehino ino nongu vilo kutughuve anike

AKUMLO 3:42

“Ninguno axine shive eno hebideve kehu noye nikipimi pevetsumphie.

ZAKINIU 32:14

Pano mishi ngo aneno akichhizu kumzapu tsu; panonguye bheri, ane eno amshi akiviu pighilu, ashothi akiviu eno atsayi-ji shokiviu ae.

ZAKINIU 32:15

‘AMPEU wu timiqoye kinikulu shiuve ikemu hebideuve; Panonguye chhibochhilei eno achuqupuno shepichhi cheuve. Panonguno Alhou panoqo pulhokusuu qhiveno akughushu shi pano xakuluu peive.

KUKAMI AKINIU 21:10

AMPEU no pa qemi tungkupumi vechewo pi,

JEREMIYA 2:7

Aghuma yeghilo ino panoqo sasu ighi, tipaulo ipeghikeu xa eno thime kivi kutau jupesu alopeniyeke. Ikemu panonguno tipaulo iloghikelo iyeghi shipixive tsu; ino pano- qo tsukeu yeghi panonguno kitiqevetsu.