NEHEMIA 7:73 - BAIBEL (BSI)

⁷³ Achinemi, Levimi, achineki khemi, alekiphemi, inapughami kutomo, achinekilo mlachekemi - hi Israilmi kumtsu Juda phughi eno taunqolo kughunaluve.

Sumi Naga CL (Re-edited) Bible (BSI)

⁷³ Ikehu achinemi, Levimi, khagho khemi, alephemi, timi khami, achineki qemi, eno Israelmi kümtsü pütüta phughi lo küghüna ache. Eno aqhi akütsüniu loye Israelmi kümtsü no pütütaw mishiphu lo ngoluve.

NEHEMIA 7:73 Referans Kwoze

EZRA 2:70

Achinemi, Levi laghaqo, eno timi khamiye Jerusalem hokumxalo ngove eno alekiphemi, ahukikha khemi, achineki lo kumlami eno Israilmi kutamino pano phughilo idewo ngo khave.

KUKAMI AKINIU 7:10

Tileno panonguye Siriyami ghazu qhiveno Samaria lo idewono khagho kheu kupheno pi: “Ninguye Siriyami aghazulo wukemu kumu ithumla momu chimlae; khurshiqo ngo gadahaqo lakhimu tsughape qhipuamoe eno aphikiqo ghi Siriyamino qhiveno wuvekeu atholo ani.”

YEKIKITHI ATUGHIU 9:2

Ike ighi kelo akumla atughiuye panongu kuakini aphughiqolo akeqo Israilmi layemi, achinemi, Levimi eno achinekilo akumlami tsuchileve nikeu shike.

EZRA 3:1

Kughou aqhi tsuni shivekeno Israilmiye aphughilo kumqoluve eno timi kumtsu Jerusalem lo hekutsu luve.

NEHEMIA 11:3

Taun kutaulo eno aphughi kutaulo, Israilmi, achinemi, Levimi, Achinekilo mlachekemi eno Solomon qemi polo kughukomiye pututa shelo pututa phughilo amheghi akeulo kughuna cheuve. Juda yeghi bocholo sakiphemi akhotomi Jerusalem lo kughunani kemi shilukeqo jeye hipaqo ke: