NEHEMIA 5:16 - BAIBEL (BSI)

¹⁶ Ino ikuka kumtsu pe akupuwu mlakithe eno kiu ki-alu mu lutsumoe. Ighenguno mla akemi kumtsuno mla kithekeulo kuqhano mlake.

Sumi Naga CL (Re-edited) Bible (BSI)

¹⁶ Ni ye akupuwu kümla lo ighono amlo tsüqhiyi shi mla, ningu ye kiu yeghi mu lumoe, eno I qemi kümtsü no akümla lou hekütsüpe ngoke.

NEHEMIA 5:16 Referans Kwoze

Galatiami 6:9

Ikehu akivi kumla shinikeulo ninguye aghuthi suvemoni nolo, kughengu ninguno anhu thimono mla aye paghuloki lono xolu nani.

1 Kor. 15:58

Tighenguno ino kimiye chekemi athikuzumiqo, mutotoi puthugholo, ithakevilo, kihikutha kuhano pulhapuju Ampeu kumla shialo, nonguno ithianike Ampeu kumla kiu shiani keno khilemu adou shivemoe.

Rommi 2:7

Khunoqono kheakulushi akivi kumla shi puzu sheqhekepu, agigihupu eno thive chemokeu phucheghini keno Alhou no lhokta kuxu tsu nani.

Luke 8:15

Ayeghi kivilo apiti vesu lukeuye khunoqono atsa chilu eno aghokulu ngo amlo kivi xapusu kutuuno ikhilu keu lono athi pithi peghilu cheni.

AKIKIHI 16:15

Muse ye agha ideveno AMPEU vilo pi, “Timi hipaqono akumllagho sughikeu ikhilu tsukevilo. Niye panoqo wu gadaha lakhimu lupuamoe.”

NEHEMIA 5:15

Izuu ahng shi ikighimiye timiqo ghimeqhi cheke, achuqupu eno aji ghenguno atsalalo tsandiyi lhobidi khuche. Panongu qemi thotsu timiqo qhasupe acheke. Ikemu niye titoi shimoe, kughengu niye Alhou msa che.

NEHEMIA 5:17

Ino ighulhu Judami eno pano sakiphemi 150 ye tamomitheno kughulhu cheke, tinguno alau ghi timi iputsaniye hokumxa yeghi lono ighikeqo shiyeh ghi tsucheke.