NEHEMIA 5:12 - BAIBEL (BSI)

¹² Sakiphemino khochile, “Nono pike toi nino tishinie. Nino anhemghaqo tsuchilevenie eno apiqo lutsumoni ke pukaputsanie.” Ino achinemi kusu eno sakiphemi pelo panongu gizu lono panonguno piqhivekeu shikupu penike tushoqhive pe.

Sumi Naga CL (Re-edited) Bible (BSI)

¹² Panongu no pi, “Nino hipaqo tsüchileve no pano launo kiumu lumoveni. Nono pike toi nino shini.” I no achinemi kuno sakiphemi pelo panongu no piveke toi shikupu penike tushoqhipe.

NEHEMIA 5:12 Referans Kwoze

EZRA 10:5

Tithiu Ezra no ithughi eno achinemi ngo Levi lagha eno Israilmi pelo atsa kiqi lono shinike tushoqhipe eno panonguno tushoqhive.

Luke 19:8

Ike Zakhai no puthughono Ampeu vilo pi, “Iniju tsulo, Ampeu! Ino pighiakeu tuxa pesu kumlhomi tsuni, ino khuala pishi puaghi aye, tipa theli ghuthu bidi tsukideveni.”

MATTHEW 26:63

Ikemu Jisu no inaqhoi auve. Achinetouno itaghi pa vilo pi, “Xuakeu Lhou je lono ino ovilo tushoqhi ghi iniju anike, noye Alhou Nu Mesiya kemo kela ningu vilo pitsulo!”

NEHEMIA 13:25

Ino timi tipaqo ighono sakiyiqhi, panongu shou angsu piqitsu penike pi, panongu heqhi eno panongu sa phivetsu. Tithiu ino panongu pelo khilemu panongu tianuli pelo inaghami sasu kulakupu shipemo nike Alhou jelono tushoqhi pe.

NEHEMIA 10:31

Inaghamino athi momu tuxatini kiu kiumu Sabat pinye tsalalo momu kiu kiu kimthe tsala lono nivilo jesuniye sughimu ninguye panoqo launo qhulumoni. Ampe akutsuniu loye ninguye alu chimoni eno apiagha kumtsu qhikhave tsuni.

NEHEMIA 10:29

ni sakiphemiqo gholo tushoqhi ani, nino Alhou no pa qeu Muse vechewo tsukeu Yezah kiqi lono xuni, nino AMPEU niLhou no ahza tsukeu kumtsu aghokulu shini eno ninguno pano shilo pikeu eno ayezah kumtsu shini, ninguno hipau hephove aye angsu lakhi apeni.

EZRA 10:12

Tilehi kuhokuamino asutsa kije lono khochile, “Iye tishiveke, nono piketoi ninguno shini putsae.

NEHEMIA 5:11

Olau api puakeqo pisa, athi, aji eno oliv teli akeqo qhivetsulo. Panongu lu, atsailu, oliv xathi ghutuqo eno akiqo tsuchilevelo.”

NEHEMIA 10:30

Ninguye niyeghilo inaghami akeqo sasu kulakupu shimoni.