NEHEMIA 3:1 - BAIBEL (BSI)

¹ Hitoi shipuzu Jerusalem kupuwu mlakitheke. Achinetou Eliashib ngo pa kusami achinemino Bheri Khagho hu mlakitheve eno tipau shikimthe pesu khaghoqoye pututa alo qhi. Panonguno Aqhe Qoki ngo Hananel Qoki kutolo akupuwu hu shikimtheke.

Sumi Naga CL (Re-edited) Bible (BSI)

¹ Tishino achinetou Eliashib ngo pa thiküzümi achinemi no ithu Ambe Khagho mlave eno peitha nike ikhiphe tsüno tipa hukikhaqo kutope qhitsü. Panongu no Aqhe Qogheki kutolo eno Hananel Qogheki kutolo kishekimthe tsüe.

NEHEMIA 3:1 Referans Kwoze

NEHEMIA 12:39

eno tilauno ninguye Efraim Khagho ngo Aqau Khagho, Akha Khagho, Hananel Qoki, Aqhe Qoki vechesu Bheri Khagholo wu. Ninguye Achineki khagho phivi lono kishekhave.

JEREMIYA 31:38

AMPEU no pianike, “Jerusalem qha kumtsu iphughi kepi shipuku kithe luvenikeu ghuloki wocheni, tiye Hananel Liwo ghukhea kulolauno Acheku Khagho kutoke.

John 5:2

Jerusalem lo, Bheri Khagho phivilo khepuchokeu yizu lakhi ae. Ibrimi tsauno tipau pesu Bethsatha ipiche eno tipaulo apusho pungu ajoshi ae.

ZEKHARIA 14:10

Ahuu kudau Geba lono apeu Rimon tokujo qhaye kulaqa khave nani. Ikemu Jerusalem ye tipa sukumxalo ayeghi akeqo shou chuqumughai shi anani; eno aphughiye Benjamin Khagho lono Acheku Khagho puzuu ghi tilehi khagho achekeu kuto to nani, eno aphughi tiye Hananel Liwo lono akukau tsayithi qochekeu-a kuto to nani.

AHOLE 3:9

Oyeghi lono tuxatini ipeghikeu akiviu pesu AMPEU lau akumllagho shi pa gihulo.

NEHEMIA 13:28

Joiada ye achinetou Eliashib nuke, ikemu Joiada nu lakhino Bet Horon taun lo achekemi Sanbalat nga lakhi sasu kulakupu shiveke, tighenguno ino Jerusalem lono Joiada hape puwuveke.

NEHEMIA 3:32

Shuna kiyiqimi ngo alhikishimi no ashekhau bokutha mlalu, panonguno acheku bo lono hu Bheri Khagho kuto mlalu.

AHOLE 3:6

Nono mlakeu thwokhalo AMPEU kumsululo eno pano alaghi achipiu opiye nani.

LESHELE 30:1

Ino osheqhe ani O AMPEU, kughengu nono ixapheluke, eno nono ighumi pelo ijupe alovive pemoe.

NEHEMIA 12:30

Achinemi ngo Levimino pano likhi pano ghengu, timiqo ghengu, khaghoqo eno aphughi kupuwu ghenguno aphi kimthe chine chinilu.

NEHEMIA 7:1

Itehi Jerusalem kupuwuqo mlakitheluve, khaghoqo kumtsu thosu alo mlasuluve, eno achineki khemi, akimthe lekiphemiqo eno Levimi kutami kumtsu pututa kumlalo suve.

NEHEMIA 6:1

Ninguye khagho laghilo khaghoqo mlalu mphiamu Sanbalat, Tobia, Geshem eno nighumi kutamiqono ninguye akupuwu hu mlaqhive pi chiluve eno mlamokeu do kuhave api chiluve aghi.

NEHEMIA 3:20

Zabia nu Baruk no tipashelo mlalu, paye Achinetou Eliashib kilo ikulola kutolo mlalu;

ZAKINIU 20:5

“Tileno kijemino timiqo lau asheshuno pilo, ‘Hilehi timi khuala aki lakhi shiqhi puani kemu tipau shikimthe mphi kesha? Tishi aghi aye paye akilo wolu nani. Tishimono aghukishi lono paye thiveni kelo kutamino paki shikimthe keu shini chenike.

NEHEMIA 12:10

Joshua ye Joiakim papuke; Joiakim ye Eliashib papu ke; Eliashib ye Joiada papu ke;

LESHELE 48:12

Alhou wu timiqo, Zion vehosu aliwoqo kihijulo;

DANIEL 9:25

Tsaqui juno ithuvelo, Jerusalem mlakithe luvepe nikeu ahza tsukeu lono Alhou no sakipheu kishephe tsukeu ighikeu tsala kutolo, ampe tsunino ghuthu tsuni wo nani. Jerusalem mlakitheveno, atoghila ghutu ighono mutotoi mlave nani eno tipauye ampe tsunino ghuthu lhotsugho kini anani, ikemu tipadoye aghimedo shi nani.

NEHEMIA 3:21

Hakoz tilimi Uria nu Meremot no pashelo Eliashib ki shekha kutolo mlalu.

NEHEMIA 13:4

Achineu Eliashib ye achinekilo anhemgha kiqhia jukutsuu shi ake eno paye ado kushuwolo Tobia sasu akivishi kukusu ache.