NEHEMIA 2:10 - BAIBEL (BSI)

¹⁰ Ikemu Bet Horon taun lo Sanbalat eno Amun ghakhumi ofiser lakhi Tobia ipikeu pamano chilu keuno timi khami Israilmi kivipu ghenguno mlaniye ighi ani pikeulo panonguye ighono amlo shimove.

Sumi Naga CL (Re-edited) Bible (BSI)

¹⁰ Ikemu akükau qemi Horonmi Sanballat ngo Ammonmi Tobiah pama no timi khami Israelmi kivipu ghenguno mlani ye ighi ani pi kelo ighono amlo qimove.

NEHEMIA 2:10 Referans Kwoze

NEHEMIA 4:7

Sanbalat ngo Tobia eno Arabmi ngo Amun eno Ashdod miqono ninguno Jerusalem kupuwu kumlalo thuwu akeu chilu eno akupuwulo ita kututa shi akeqo mekhave ani pikeu chilu puzu panonguye ighono amlo ideve.

NEHEMIA 2:19

Kughou Sanbalat ngo Tabia eno Arabmi Geshem pano kuthuno ni kukughuqo ithive keno panonguno ni junuqhi eno ishi pi, “Nonguye kiu mla anipi kumsu ania? Nonguye akukatou hebideniye ani keshea?”

AHOLE 27:4

Amlo kighideye ayikusa eno kutsakungo keuke ikemu tiye anhekushu qhemi kumoe.

NEHEMIA 13:4

Achineu Eliashib ye achinekilo anhemgha kiqhia jukutsuu shi ake eno paye ado kushuwolo Tobia sasu akivishi kukusu ache.

NEHEMIA 6:1

Ninguye khagho laghilo khaghoqo mlalu mphiamu Sanbalat, Tobia, Geshem eno nighumi kutamiqono ninguye akupuwu hu mlaqhive pi chiluve eno mlamokeu do kuhave api chiluve aghi.

Apostolmi 5:24

Kughou panonguno hi chilukeno, achineki khemi shou akijeu ngo achinetomiye apostolmi kishiveakela pi qheghuyive.

Apostolmi 4:2

Apostolmi pamano Jisu akithi lono xuthuvekeu eno kithimi xuthughi nikeu vehu pesu timiqo vilo asheshu aghikeulo panongu mulo ideve.

JEREMIYA 48:34

“Heshbon ngo Eleale lo akemiqono igha mukuke eno panoqo ghughaye Jahaz kuto loghi chiluke eno tiye Horonaim ngo Eglat Shelishiya kuto loghi chiluke. Nimrim ghokiti ghi qhaive ake.

JEREMIYA 48:5

Luhit lo kuwula phivilo panoqono qaphemlano qa akeu inijulo; Horonaim lo iqikeu lalo amlo kughutashi igha akeu inilo.

ISAIAH 15:5

Imlo lono Muab lau igha qahwu! Timi qoye Zoar taunlo ngo Eglat lo eno Shelishiya lo kuhapove. Khamiye qah susu Luhit laghi kudau iqhoke; khamino ighamuku amlo kusashi Horonaim kudau pokawuve.

YETSAPIU 10:7

Aquaxemino khurshi shou ikupuzu kijemi pelo aquaxemi toi apukhuno chesu wukeu ino ithulu puani.

AHOLE 30:22

aqemi lakhino kukami lakhi shiuvekeu, kughuzumi lakhino pano lunishikeu kumtsu chukepu aghikeu,

LESHELE 112:10

Kixikilamino hipau ithulu puzu axuide cheni; panongu ye axuide ahu tsughu ghi hauve cheni; panonguno lajuakeuye alhokupu julo hauve cheni!

NEHEMIA 13:1

Kughou Muse Yezah timiqo lau asheshu phisu keno Amunmi momu Muabmi pelo Alhou wu timiqo gholo kuqha pemo nikeu tsajo yepuakeu dolo philu.

NEHEMIA 6:16

Kughou ashiayeh ni hokumxalo kuami nighumiqono ti chilu keno panonguye kujove kughengu akumla huye Alhou kukuphu lono mlave kepi panonguno ithive.

NEHEMIA 13:28

Joiada ye achinetou Eliashib nuke, ikemu Joiada nu lakhino Bet Horon taun lo achekemi Sanbalat nga lakhi sasu kulakupu shiveke, tighenguno ino Jerusalem lono Joiada hape puwuveke.

ESTHER 10:3

Judami Mordekai no ayehpetou shi akukau Ahaserus shelo akuka pe auve eno Judami gholo akijeu shive, timi jelino pa ikhilu che, pawu timiqo pelo kinikulu shilupe nike eno kughakilo ghi kumtsu lau shoupau shi acheuve.

JEREMIYA 41:10

Tipathiu pano akukau nongaqo ngo Mizpa lo timi akeqo, khunoqomi ahza kutsuu akijeu Nebuzaradan no Gedaliya pelo jukutsupeni keu shi qhipuaghi kemiqo kumtsu akughumi shivepe. Ishmael no tipaqo akughumi shi sasu Amun lughi kokutha kudau wuve.