NEHEMIA 13:13 - BAIBEL (BSI)

¹³ Ino timi hipaqo pelo anhemgha kiqhia jukutsumi shi vepe: Shelemia achinemi lakhi. Ayezah kighithiu Zadok; Pedaia Levimi lakhi; Zakur nu eno Matania tinu Hanan pelo panoqo kukuphuu shipe. Ino ithi akeuno panonguye amikucho shi tinhemghaqo kijepe pano kusami akumlamiqo tsulu nani kepi puluveke.

Sumi Naga CL (Re-edited) Bible (BSI)

¹³ I no achineu Shelemiah, Ayezah kiyeu Zadok ngo Levimi Pedaiah pano küthü pelo pekükütsü chebo shou akini pighiu shivepe, eno Mattaniah nu Zaccur nu Hanan pelo akukuphuu shivepe, kughengu panongu ye pükhübekulu, pano kümla ye pano thiküzümi lau achipi lono chuqu-kusho kijeni keue.

NEHEMIA 13:13 Referans Kwoze

NEHEMIA 7:2

Ino ithikuzumi Hanani ngo Hanania akuka kilo ayehpeu Jerusalem phughilo ayehpe penike qhitsu. Kughengu paye kutami nguno Alhou sukumsamike.

KUKAMI AKINIU 22:7

Timi khunoqo akumlalo ampi shitsu akeno panoqoye ighono amikucho akikhi ihulokeue ikehu panongu launo pisa kiutoi pukave kelapi iniju kepu shimoe.”

1 Kor. 4:2

Ike khunoqomi pelo peitha kutsumi shipepuani keno panoqoye pukhubekulumi shi aghimaye sake.

Apostolmi 6:3

Tishiaye, athikuzumiqo nongu gholono timi akivimi khunoqo Aghungu Kimthe eno alokutsu chhitoi ani keno mitsuni kishephelo, eno ninguno panoqo pelo hipa kumlapu saje peithaluve penike.

Apostolmi 6:1

Tishiwo kusho kumolo, apapemi alau shi ikowove kehu Grik tsa kipimi Judami ngo Ibri tsa kipimi Judami dolo mutomushukeu ipeghive. Grik tsa kipimi Judamiqono pikeuno atsala atsalalo achuqupu kijetsu chekeulo panonguw chimemiqoye kughuchovetsu cheniepi pike.

NEHEMIA 12:44

Tipa ghulokilo achineki ghenguno tuqhatuzu qhiche keu anhemgha kiqhia jukutsuni kemi timi ache, tile chighi saje eno ampelo amsu-u tuxatini eno axathi nivekeu xotughiu pe sucheke. Timi tipaqono achinemi ngo Levimi ghenguno tuqhatuzu tsukeu aphughi kupunulo alu kichimi launo qhanikeu makho puche, tiye Ayezah lono tipau avehupu shi akeu pipuake. Judami kumtsuno achinemi ngo Levimi shou amloqi ache,

KUKAMI AKINIU 12:15

Akumlalo ampi shitsu akeqo kumtsu ighono amikuchomiqo likhi, ikehu panongu launo pisa kiutoi kishi peithave kya pi kumu iniju kepu avehu shimoe.

1 Tim. 3:10

Panongu ghi kiutoi anikeno pu-ju paghi kepu eno panongu pujukelo achipishi aghikethiuno panongu pelo akukuholo akukuphumi kumla shipe kepue.

1 Tim. 1:12

Akumla hipau shipeniye akumto itsuchekeu niMpeu Jisu Khristo shikimthi ani, kughengu pano ipichebe kulupu shiaghi puzu pa kumla shipeniye isusulu

Apostolmi 4:35

apostolmi ulo suvetsu cheke; eno pisa huye khuuno kiu avehupu shiaghi nikeno tipau kiqi lono kijetsu che.

Luke 12:42

Ampeu no khochile pi: “Tishiaye khuuno pichebekulu eno alokutsu qeu atou kya? Paye pa mpiuno pa kilo akukughuu shipeniye qhikeu, ti akilo kumla kughutsu eno aqemi kutamiqo ado achipi lono achuqupu kijetsu peniye qhike.

NEHEMIA 11:22

Levimi shou kughukutsuu ye Hashabia tinu Bani nu Uzi ke, paye Jerusalem lo acheke. Pa puasuqo gholo Matania ngo Mika ghi ke, paye Asap limike, tipau limi no achinekilo ahoho shikelo ale phecheke.

NEHEMIA 8:4

Tipa tsala ghenguno mla keu asu khachelo timiqo nguno qhemghai keulo Ezra no puthugho. Timi hipaqono pa-u ajeu puthugho ae: Matithia, Shema, Anania, Uria, Hilkia eno Maseia; eno hipaqono pa-u piyiu puthugho ae, Pedaia, Mishael, Malkhija, Hashum, Hashbadana, Zekharia eno Meshulam.

NEHEMIA 3:30

Shelemia nu Hanania ngo Zalap nu akutsughou Hanun pamano tipa shelo mlalu, tiye akiniu kikiphi lono. Berekhia nu Meshulam no pashelo paki zulo mlalu.

NEHEMIA 10:38

Kughou chighi saje qhani keno Aron kughukomi achinemino Levimi gholo ngoni eno Achineki lo peitha nike ghenguno panonguno qhalu keu lono saje chighilo lakhi pesu achinekilo anhemghabolo pewuni.

KUKAMI AKINIU 12:16

Akuiqu kumllagho eno axine kumllagho sughikeuye pesuno abohu lo supemoe; tiye achinemi wu shiveche.