NEHEMIA 10:31 - BAIBEL (BSI)

³¹ Inaghamino athi momu tuxatini kiu kiumu Sabat pinye tsalalo momu kiu kiu kimthe tsala lono nivilo jesuniye sughimu ninguye panoqo launo qhulumoni. Ampe akutsuniu loye ninguye alu chimoni eno apiagha kumtsu qhikhave tsuni.

Sumi Naga CL (Re-edited) Bible (BSI)

³¹ Ashiayeqo no tüxatini na athi namu Sabbath tsala momu akimthe tsala lono jeniye süghi aye, ningu ye Sabbath tsala momu akimthe tsala loye pano launo qhümoni. Ampe akütsüniu lo ningu ye alu chimoni eno apiagha kümtsü qhive tsüni.

NEHEMIA 10:31 Referans Kwoze

ACHINE 23:3

Nolikhi no kumla shikepushi nonguye atsala tsugho ani, ikemu atsala akutsuniu kumsululo, Sabat pine tiye akulho qhikeu tsalake. Tipau tsala loye mla kevilo ikemu akumlla hoho ghenguno kumqolo. Nonguno khile khile xu aghi namu Sabat pineye AMPEU wuke.

IPEKULU 20:10

ikemu atsala akutsuniye akulho kiqhi tsala ikhiphepe tsuvekeu ke. Tipa tsalaloye khuunomu akumla shimoni, no pina, otianuli pina, oqemi pina, atsu-aqu pina momu noghakhulo inaghami aghikeu pinamu akumla shimoni.

ISAIAH 58:6

“Kumvu keu jeli ino lunishi chekeuye hike: neda qodaqhi chekeu yikichhe ikhivetsulo eno amikucho kumo kuokhasu ikhivetsulo eno neda qodavekemi khaqhipheveno wuve pelo.

YEKIKITHI AKINIU 36:21

Tighenguno AMPEU no tungkupu Jeremiya vechewo kiu pipuakeno tipau ye shikupuve: “Ayeghi ye ampe lhotsuni kughukughaleive nani, tiye Sabat kulhokiqhi ikhilu mono achekeu shilu peniyeke.”

ACHINE 23:21

Tipa tsalalo akumla shichekeu kiumu shikevilo ikemu mlla kepu shi kuhokumqolo. Nopolo kughukomiye ighinikeu ghuloki kumtsulo khile khile xuaghi namu pekithiyeh hipau ikhilu ache masae.

ACHINE 16:29

Ayezah hipaqoye ighinikeu ghuloki kumtsulo ikhiluche masake. Aqhi akutsuniulo atsala achighiu lo Israilmi ngo panoqo gholo inaghami xua chekeqoye kumvu masake eno akumla kiumu shikepu kumoke.

IPEKULU 12:16

Atsala atughiu eno itaghi akutsuniu tsalalo nonguye imlla kuhonike kumqolo. Tipa tsalalo nonguye kiu kumlamu shimoni ikemu achuqupu likhi kutolu nani.

James 2:13

Kughengu khunono timi kipimi pevetsumo nikeno Alhou no kughathakelo pa kipimi pevetsumo nani; tishimu akipimi qhivetsukeuno kughathabe keu shou tolu cheni.

Kolosiami 2:16

Tighenguno timi khuu pelomu chuqu kusho tiqhetini tsala pinyikeu aqhi kithe pinyikeu momu Sabat pinye ghenguno nongu shou ayezah betha pekevilo.

MATTHEW 6:12

Kutamino nilau akipimi shikeu ninguno pevetsuke toi, ninguno oshou akipimi shikeu pevetsulo.

IPEKULU 34:16

Nongu nuliqono inaghami totimi hupaqo sasu kulakupu shive nani eno tipaqono panoqo pelo ilau pukhu bemovepe nani eno kichile lhouqo mullawuve penanike.

NEHEMIA 13:23

Tipa ghulokilo Judami kutomono Ashdod, Amun eno Muab limiqo sasu kulakupu shiva pikeu ghi ino phuluve.

NEHEMIA 13:27

Tishiaye ninguye nonguno shipiye keu papeuveni keshea eno inalimi totimi sasu kulakupu shiveno niLhou gho lumoveni kesha?”