NEHEMIA 1:1 - BAIBEL (BSI)

¹ Hiye Hakalia nu Nehemia no shiqhive keu ghili ke. Ahaserus no Persia lo akukatou shikeu ampe amukuulo Kislev qhilo, ni Nehemia ye Susa phughilo ake.

Sumi Naga CL (Re-edited) Bible (BSI)

¹ Hacaliah nu Nehemiah tsa. Akükau Artaxerxes yepe mpe amkuu lo, Kislev qhi lono, I no Susa phughitou lo ake lono atüqhüdo hipaqo sholu.

NEHEMIA 1:1 Referans Kwoze

ZEKHARIA 7:1

Darus no akukatou shikeu ampe kuthuno aqhi toku eno atsala abidini Kislev qhilo AMPEU no atsape lakhi itsuke.

NEHEMIA 10:1

Atughiu shi jemchi shikeuye Hakalia nu ahng Nehemia eno pa shelo Zedekiya no jemchi shilu. Hipaqo ghi jemchi shiluke:

ESTHER 1:2

Tipa ghulokilo akukau Ahaserus no kawo ampe kuthu shi akelono Shusa phughilo ayehpemi eno pa gholo kukami kijemi eno aqemi kutomo kusuno aghulhu shi.

DANIEL 8:2

Kungunhetsu lo niye Elam yeghiqhalo Susa phughi lakhi aghutuno putumuxape akeulo ngo aghi keu ithulu. Ino Ulai ghoki mukulo puthughoa.

EZRA 7:7

Ahaserus akukauno kawo ampe akutsuniu lo Israilmi khami, achinemi khami Levi lagha alekiphemi eno ahukikha khemi eno achinekilo akumlamiqo Ezra no sasu Jerusalem lowu.

ESTHER 3:15

Akukau zah kutsu lono kighitheno yekiliqo puwuve, atughushi Shusa phughilo kulhave, tishiveno akukau ngo Haman pamaye kumtsa iqano aji sho auve. Aphughi tipaulo timiqoye shikumsape avehu izuve.

NEHEMIA 2:1

Aqhi bidi thiu ghulo lakhi, akukatou Ahaserus no avelau ghulhu shi akelo ino aji pewo pa tsu. Puzuu paye khilemu imlokusa gi ithulu mphie.

EZRA 10:9

Kuchouno aqhi atokuulo atsala amukuni loye atsala kuthudo lono Juda eno Benjamin ghakhu lo kuami kumtsu Jerusalem lo ighino Achineki kodibo lo hekutsupe ngolukhave. Tile ighono boboshi tsughua, ike atsala kusu eno akhoto hoho ghenguno timi kumtsu thuthushive.

NEHEMIA 5:14

Juda yeghilo ino ampe chighikini ahng shi akelo, ti Ahaserus no akukatou shikeu ampe amkuu lono shighi akiniu kutolo ni eno isholokumiqoye ahng kiqi lono chushomono ache.