NAHUM 3:3 - BAIBEL (BSI)

³ Khurshi shou kichemino hakutsutsu azutakihi eno angu phuphuyi kulo! Timi kumzapu pithikileve, akithi kumono kishe kishe iku, akithi kumo kihikhamla, timino tipaqo shou kupuxa iku!

Sumi Naga CL (Re-edited) Bible (BSI)

³ Khurshimi no kite, azütakikihi eno angu no kulo phaphashi, ghiqhive kemi no aqokitikhi jehi, akumo no amoqhe, akithi kumo no ashekha kühae— timiqo no akumo küpxalu!

NAHUM 3:3 Referans Kwoze

HABAKUK 3:11

Opiji kumtsuno kulo phapha shi keulo eno ongu tsulompuyi yebide keulo, tsukinhe ngo aqhino inaqhoi ngove.

EZEKEL 39:4

Gog ngo pawu ghushimi eno pa gholo kuqha akemiqoye Israil naghutoqolo iluqi thive nani, ino panoqo kithikumo pesu ashi aghauqo chuqupu shivetsu nani.

ISAIAH 37:36

AMPEU wu kungumino Asiriyamino akeu alo wupuzu ghushimi 185,000 pithivetsu. Thanau inaqhe tsutho ipeghikelo panongu kumtsu thikhaveaghi!

ISAIAH 34:3

Panoqo kithikumoye qhomo nani ikemu tilehi tsu-ma munashushui nani eno naghutoqoye ajino huchuyive nani.

NAHUM 2:4

Khurkuluno alaghilalo muqhu mza kohake, aphughi mtalo pohu powoke. Panonguye ami kuluqhe toi kulophaphaike eno tsutsupha toi kohakiveke.

KUKAMI AKINIU 19:35

Tipaji AMPEU wu kungumino Asiriyami ghazulo wupuzu ghushimi 1,85,000 heqhivetsu. Thoghiu inaqhe panongu kumtsu akithi shi khave!

BOTHUBO 3:24

Pano timi hapheve kethiu, kerubim kungumi ngo hula hila potsughu kulupu amikuiqu zuta ishi pesu Eden lo aghutu kipelau qhive, khuu pelomu akuxupi subo philo ighipemoniye khe auvepe.

ACHINE 26:37

Timi khunomu nongu hachemo namu nonguye lakhino lakhi kupxalu nani eno nonguye aghumi khuumu sasu kumjomla nani.

ISAIAH 66:16

Ami ngo azuta kihi pesu ayeghiqhalo kuqupuaghive kemiqo ghimeqhi nani eno timi kutomo pithive nani.