NAHUM 1:8 - BAIBEL (BSI)

⁸ Azukuqo kuloghi lakhi toi pano pa ghumiqo qhoi kutsave cheni; khunono pa mujoni keno tipanoqo thivepe nike puwuve cheni.

Sumi Naga CL (Re-edited) Bible (BSI)

⁸ Ikemu Pa no züqozü kije pesü aghümi qhoi kishekhave tsü nani, Pa ghümi hasü aküzü lo ilo nani.

NAHUM 1:8 Referans Kwoze

EZEKEL 13:13

Akughushu MPEU no kiu pikeno tiye hike: “Iloghu lono ino pasapagha, tsuqhu tsughukeu eno murasu puwu puzu akuptu kutsaleve penike.

ISAIAH 28:17

Achipiu xakuthano aboqha mighikeu kighi shi nani eno amikuchono tipau jokumtsakeu kighi shi nani.” Murasu ngo pasapaghano nonguno akimki pukhupe achekeu jole sawuve nani eno atsuhnazu nonguno kusuqhope akeu yipewuve nani.

ISAIAH 8:22

eno ayeghilo anhethi pilepe junani, ikemu kiumu ithumla puzu shiluksa ngo akuzu eno aghime zuchiyikeu ithulu nani; eno panonguye akumsapu akuzulo tuhasuve nani. Panoqoye shiluksa hipau launo pokulupu laghi kuhave nani.

ZEFANIA 2:13

AMPEU no pa kuka peitha puzu Asiriya kutsaleve nani. Pano Nineve phughi pesu piyighiveno ixapiniyi vepe azu kuhakeu sayeqha shivetu nani.

AMUS 8:8

Highenguno ayeghino itha nani, eno aghakhulo akemi kumtsu avekusa shi nani. Aghakhu kumtsu sukiniqhi nani; hiye Nayil ghoki toi iku puzu iluqive nani.

MATTHEW 8:12

Ikemu Kungugha yehkipelo aghikepushi akeqo huye khalau zumoyikelo vepheve nani, tilano panonguye qa-mlo nani eno aghime launo ahu tsughububushi nani.”

MATTHEW 7:27

Tsutsughu ighi, aghokiqo azuno yimve, pasapagha mulhuno aki tipau fudaqhi eno aki tipau ilaiqive. Tiye mzamghaleyi iluqikeu lakhi!’ ”

NAHUM 2:8

Khakuthabo ipovekeulo azu tule ipeghi keshi Nineve lono timiqo kohaipe! “Ngovelo! Ngovelo!” ipi ighakeu sutsa shi ikemu milakhimu athiu ighoighimoke.

NAHUM 1:1

Hiye Nineve ghengu atsape tsukeu lakhike, Elkosh noghami Nahum no kungunhetsu lakhi ithulukeu yepe qhikeuke.

DANIEL 11:40

Siriya lo akukau ghenguno atsala ashekha ighi nike kupunu sheveke mtsa, Ijip lo akukauno pa leighi nani eno Siriya lo akukauno pa kuka pagho pephe mujo chile nani, aghu kishi khurshi eno zukilu peitha nani. Pano aphughi kutomo amghazu kuqo toi ighino le nani.

DANIEL 11:22

Timi khuuno pa mujo chile nikeno Alhou wu Achinetou shi aghimu, lakhimu ghumono mitheve tsu nani.

DANIEL 9:26

Ado tipau ashekhalo Alhou no kishephe keu sakipheu akipimi kuhamu heqhive nani. Ighono akuka kua kukami wu ghushimino leighi kelono aphughi eno achineki kutsave tsu nani. Amghazu qole ighi keshi puhave tsunikeu ighi nani, Alhou no kuto pua keu lono aghu eno shikupsa sughi tsu nani.

JEREMIYA 13:16

Pano akuzu sughi miphi lono eno nonguno naghutolo kupuxa pukulu miphi lono; Nonguno akuvu laju akeu pano pesu akuzu kutho shivetsu miphi lono nongu Lhou AMPEU gihulo.

AHOLE 4:19

Kixikilami laghiye putholo toi zumoyike. Panonguno veqhikelo kiu kupxalu keno ithi chemoe.

JOB 30:15

Akumsapuno ishou takide pukue, iwu kikhikighi kuxu ye amlhu toi chevae, eno iwu kinikulu ye khungkusu toi chevae.

DANIEL 11:10

“Siriya lo akukau nuliqono aghushi nike ghenguno ghushimi kutomo hekutsu pe qhi nani. Panongu gholo lakhino amghazu qoleighi ketoi ighino aghumino shipua keu aghutu xa nani.

JOB 40:11

Ologhu kighide lepesu aqhekuzami shou pukujulo eno pa haqhiveju lo.

ISAIAH 13:9

Jualo, AMPEU tsala cheni, amlo kighide ngo aloghuno ayikusa pushi cheni. Ayeghiye yenguyelei vetsu nani eno axinemi kumtsu kutsave nani.

ISAIAH 13:10

Ayepu ngo ayesu jeli qono yevuqai tsumove nani, tsukinheno ipeghi puzu zumoive nani eno aqhino akuvu tsumove nani.

ISAIAH 28:2

AMPEU no timi khami pelo panoqo leighi peniaye akumtomi eno akuka akemi kuto ani, khunokela tipauye pasapaghalo murasu qikeutoi ighi nani, tsutsughu zale ketoi, atshunazu toi ayeghi yimve nani.

JEREMIYA 51:64

eno pilo, ‘Babilon shou hikithipu shi nanike, hiye hailove nani eno khilemu idethughimo nanike, kughengu AMPEU no hipau shou kutsakungokeu sughini cheni.’ ” Jeremiya tsa hileno kishekha.

SAMUEL ATUGHIU 2:9

Aghokulumi kuxu ye pano shokha tsucheni ikemu alhoksami ye akuzu lono hauve cheni; Timi lakhiye pa kumto lono tokulu shilu chemoe.

ISAIAH 28:18

Nonguno akithi sasu kuputsape akeu xave nani eno nonguno akithi yeghi sasu pulokilepe qhipuakeu ikhive nani. Kughou kutsakungokeuno jole iqighini keno nongu haluve nani.